لخبراء مندي الحفرة الدخول

[daeem]

السلام عليكم ورحمة الله وبركاته
شباب انا مشت معاي اللحم المندي مزبوط بس عندي مشكله كمية الماء على الرز
ياليت احد يخبرنا كمية الماء وانواع البهارات اللي تنحط مع الرز ولكم جزيل الشكر

[فهد550]

كمية الماء قفلة اصبع فوق الرز ... والبهارات اهم شيء البهارات الخشنة مثل القرفة والهيل والمسمار

[بن حاضر]

اول شي تحمس البصل و الطمام و البهارات وكل شي عندك وتحط عليه مويه حاره وتخليهم يقلبون مع بعض ..
وقتها يكون غاسل الرز و منقعه في موية ماهي حاره ولا هي دافية يعني بينهم .. بعد ماتقلب البهارات مع البصل و الطمام ربع ساعة حط الملح وخله شوي و اوزن الملح وتطفي النار وتصفي الموية عن البصل و الطمام و البهارات بالملاس وتخلي الموية تركد شوي بعد ماتركد الموية تكب الرز على الموية ( المرقه ) وتخلي الموية ارفع من الرز بشوي يعني تكاد تشوف الرز يعني تغطس ملعقة رز وتكون واقفه ما تطيح .. كذا وزنية المويه معك حلوه ولا تتنسى الزيت لان الزيت هو اللي يخلي الرز نثري .. و فالنهاية نوع الرز و كثر استخدام نفس الرز هو اللي يعلمك على تضبيطة المندي و وزنيته ..
بالنسبة للبهارات خلك على البهارات الحب .. ( هيل / فلفل اسود / قرفه / كمون وغيره .. ) وان كان لابد تحط بهارات مطحونه لا تكثر ..
ونبي نشوف الطبخة بالتصوير ..

[لحظةوداع]

أخاف اعلمك وتدمن عليه وأتسبب فيك
ههههههههه بالعافية

[daeem]

الف شكر اخ بن حاضر
وكمان شكر للاخ لحظة وداع

[سيف الملوك]

حبة بصل واحده طرنشات( حلقات) وحبتين طماطم ونصف حزمة كزبره تقطع صغير وفلفل بارد حلقات كذلك
انتهينا .... نأتي الى النكهه( الرز خمسه كيلو) تضع معه 10 حبات ماجي بعد ان يتم اذا بتهم في ماء ساخن،وكذلك قارورة واحده زيت زيتون الوزير،،،
وبأذن الله راح تدعي لي ،،وبالعافيه
بالنسبه للماء،لابد ان يكون الماء مغلي،ويتم سكبه على جميع المقادير وتحريك المقادير من كل اتجاه حتى تختلط بما لايزيد عن ثلث الأصبع، واذا كانت النار قوية،فلا تخف حتى لو زاد الماء،فالنار كفيله بأن تصلح الوضع