كل واحد يحط الشي اللي يحبه في طلعته (يوجد صور)

[منتعش]

السلام عليكم ورحمة الله وبركاته
هلا وغلا بإخواني الفضلاء .
كل واحد منا يحب الطلعات أو الكشتات ويفرح بها ويكفيك منها تغيير الجو وراحة البال
والبعد عن الازعاج وشم الهواء النقي إلى غيره من الفوائد التي لا تغفلون عنها .

والكل منا يحب يطلع ببعض العدد والأشياء التي يرتاح فيها
وأرجو من الجميع إن أمكن أن يصور الشي اللي يأخذه معه في طلعته
وأنا أولكم والشي اللي أحبه معي دائماً هي كالتالي :
ملحوظة : عزبة الشاهي والقهوة وجراكل الماء هاذي شي مفروغ منها .

الصورة الأولى : لمركا صغيرة متعددة الأغراض .

2

الصورة الثانية : لمركا ينفتح على جهتين ويصلح يكون فرشه

2

3

الصورة الثالثة : عبارة عن مسندة ظهر

2

وننتظر مشاركة الجميع حتى تعم الفائدة للكل .

محبكم / ابومعاذ

[أيمن]

موضوع وفكرة رائعة تشكر عليها ..
والموضوع في طريقه إلى المميزة مع تفاعل الجميع ..
ولي بمشيئة الله عودة ..

تحيتي

[منتعش]

هلا وغلا بمشرفنا الغالي : أخوي أيمن
الله يسعد أيامك ويوفقك لكل خير .
وأشكرك على ذلك .
ودمت في حفظ الله ورعايته .

[الجروووح]

والله ماشاء الله عليكم يا القصمان مجاراتكم صعبه وعسيره في الافكار والابتكار .

فانتم لكم الفضل بعد الله في اختراع اكثر الاشياء اللي نطلع فيها للبر .

ولكن للعلم الاشياء الكبيرة والثقيله لا تلزمنا لطلعة بر لأنها تكون عائق في التنقل والشيل والحط .

فالطلعه الخفافيه تكون امتع نوعاُ ما يعني فرشه ومراكي وجركل ما وعزبة طبخ وقهوة ومشي حالك .

ماله داعي كل هالعتاد المخيف .

وهذا رائيي ولا هو نقد على اي احد .
.........................................

تحياتي وشكري .

[منتعش]

مراحب أخوي : الجروووح
أتوقع كل اللي حطيته صغير ، وأصغر شي في التحميل ولا يأخذ شي هو مسندة الظهر لأنها تسفط وتنشال باليد مثل الشنطة .
وأشكرك على مرورك الطيب .

[منتعش]

وين النشاما والشقردية
وإلا طالعين !!!

[منتعش]

ياشباب ما عندكم عدد للطلعات !!!!
وليس شرطاً الصور .
بس شاركوا وعطونا وجهات نظركم .

[صوعان]

اهم شي عندي الشوزن والفشق بعدها يجي العزبه والمويه

[منتعش]

الأخ الغالي : صوعان
ما شاء الله عليك حتى الطلعات الخفيفة تجيب معك الشوزن .
أجل ما تلعب .
أشكرك على مرورك .

[صوعان]

لازم نجيبها لو نحطه وراالمرتبه اهم شي تكون موجوده لانك ماتدري وش تصادف في رحلتك
مره خذتها درس طالع وانا مامعي الا دسته وحده من الفشق يعني 25 فشقه بس قلت مانيب مبعد بروح الصبح وارجع الضهر لو احصل غداي بس يكفي ومتكاثر الفشق يوم طبيت الشعيب ولا الطلح يخترش قميري واخلص الدسته الي معي واقعد اتفرج على الباقي
بعدها ماعاد اطلع الا وام خمس ورى المرتبه واقل شي ثلاث دستات

[جلوبلستار]

مشكور اخوي منتعش على الموضوع الجيد ... ومشاركاتي جايه ان شاء الله .

[منتعش]

مراحب أخوي : صوعان
إذا كانت هاذي علومك فأقول : (( الله يلوم إلي يلومك ))
وجعلك على القوة

[منتعش]

هلا وغلا بأخوي الغالي : جلوبلستار
ونحن في شوق لمشاركتك ومشاركة الجميع ومرحبابكم .

[سـهـم الشمال]

السلام عليكم ورحمة الله وبركاته
مشكور اخوي منتعش على هالموضوع الجيد واتوقع انك اخترت الشوشليه للاجابة على موضوعك ومعك حق
لا عدمناكم ياشباب وشاكرين تفاعلكم

[صالح المطيري]

موضوع جميل يا منتعش ...
صور لطلعة خفيفة توضح بعض الأغراض الأساسية من موقد نار ودلال وعزبة شاهي وقهوة وقدور وفرشة ومراكي وغاز ... الخ .
والشيئ الخاص اللي أحب اطلع فيه هو مطارة الماء ، دايم اعلقها بمراية الجمس وهي تحمل 6 لتر صناعة يابانية وتبرد الماء وتعطيه نكهة خاصة .




طبعاً الطلعات الكبيرة والإمراح تحتاج أغراض اكثر حسب مدة ومكان الطلعة وعدد الأفراد .