الفزعه ياربع

[راعي البيبسي]

السلام عليكم ورحمة الله بركاته

مساء الخير

ياشباب انا رجل ماعرف اكبسه وابي اتعلم الله يخليكم

ابي ازين كبسه ياكلون ايديهم وراه تكفون ياجماعه ابي الماقادير بحذافيره

بكاتم تراي مولم اغراض اطبخ لو بنص اليل

[بن جابي]

المقادير -
نص بصل تقطعه و تحمسه بالزبده او الزيت الين يحتمس
تحط عليه الطماط و تحمسه مع البصل
تحط الماء و تحط البهارات مقدار ملعقه و اذا تبي قرفه و ليمون اسود و هيل
و تملحه
وتحط اللحم ( 30 دقيقه ) الدجاج ( 20 دقيقه ) همن تغسل الرز وتنقعه 10 دقايق همن تحطه على المرقه وتكبسه كبس واهم شي لا يصير الماء اكثر من طول الاظفر

وتشب على النار بقوه الين يبداء يطبخ الماء همن قصررر للنار خله خفيه و خله الين يتشوفه يتبخر و الماء نشف

همن حطه و اضرب بالخمس صحتين وعافيه

[ولدعنيزه]

ههههههههههه يارجال احسب بك شي الفزعه الفزعه وكل هذا عشان كبسه ياخوي احسن شي امسك الوالده اذا هي موجوده او احد الاقارب بالبيت اخت او زوجه وخله تعلمك احسن لك وصدقن انا مابديت الى كذا اول كم مره مطاريس يبي يصير بس بعد يطلع مايحتاج

[فارس عقيل]

ههههههههههه يارجال احسب بك شي الفزعه الفزعه وكل هذا عشان كبسه ياخوي احسن شي امسك الوالده اذا هي موجوده او احد الاقارب بالبيت اخت او زوجه وخلها تعلمك احسن لك وصدقني انا مابديت الى كذا اول كم مره مطاريس يبي يصير بس بعد يطلع مايحتاج

[الطبخ نفس]

تبي كبسه معها ببسي والا بدون انت ماحددت وش الكبسه

[ابو عبدالله خ]

لازم نوع الطبخ
نوع الرز
كم انتم
و و و ألخ ...

أحسن حل كل ماقامت الوالده او الزوجه أو الأخت عشان تضبط غداء ولا عشاء

خلك حوله ولاتمل وخلك مثل الصغير كل شي اسأل عنه

[راعي البيبسي]

جاري التجربه

الله يعطيكم العافيه


الف الف شكر

[ابومحــ م ـــد]

اكتب بالباحث الخاص بمكشات اوالطيب قوقل وتشوف الطريقة بالصور

[النووي 2009]

هههههه لازم تخبص لك شوي يما تتقن الطبخة ومقاديرها

[bosalih]

شف اذا نشف الرز وقرب على النهايه وانت ودك تبيض وجهك مع ربعك
جب زبده سايحه ودرها على الرز

[الثائر]

الكبسة مافيها تعقيد اذا ضبطت وزنية الماء امورك طيبة

[راعي البيبسي]

وشلون نضبط وزنية الماء