المشاركة الأصلية كتبت بواسطة عبدالرحمن الحربي
أول شيء بيض الله وجهك وماقصرت في جهدك في توضيح هذا الطريق بالصور للي مايعرف الطريق
صحيح هذا الطريق مختصر
لكن والله يا إني أكلت فيه مقالب محترمه لما طلعت الكويت لأول مرة من الرياض
سبحان الله هذا الطريق تفتقد في اللوحات اللإرشادية في عز حاجتك لها
يعني مثلا لما دخلت رماح ماوجدت لوحات تعلمني بعد رماح فين طريق شوية -الرفيعه
وجلست أتابع خطي أدور لوحات مفرق ( شوية - الرفيعة)
حتى وصلت الرمحية بعد أكثر من ٣٠ كيلوا
لما وصلت الرمحية وقفت وسألت واحد قال إرجع رماح
وأول ما تدخل رامح خذ من الدوار يمين إذا ماني غلطان
ونفس الموقف يتكرر كل ماتوصل ديرة
صعب إنك تتأكد إنك ماسك خطك الصحيح للديرة اللي بعدها
هذا التقاطع وما أدراك ماهذا التقاطع
مافيه أي شي يعلمك بعد ماتوصل للطريق المتقاطع معه كيف تكمل طريقك للعليا
تصدق إني لما وصلت الكويت حسيت إنى وصلتها على البركه :d
أما العودة فكانت المعاناة بكل أنواعاها
ياجماعة فية أحد فيكم يتعدى المفرق بي ٨٠ كيلوا
هذا اللي حصل معي في العودة من الخفجي ماعرفت مفرق العليا
كنت راجع من الكويت بعد صلاة الجمعة وكان ذاك اليوم غباااااااااااااااااااااار قوي جدا
لدرجة إني بالكادر أشوف ١٠٠ متر قدامي ومفرق القرية العليا أصلا
ماله لوحة تعلمك عليه إذا ماني غلطان فضليت ماشي ومع الغبار ماني قادر أشوف أكتاف الطريق
حتى بعد ٤٠ كيلوا وقفت عند راعي سوداني راع حكمه وربي تدون ليش سألته قلت له إني أبي مفرق العليا
قالي فيييييين يازول
إرجع من جديد ٤٠ كيلوا وتلقى المفرق
قلت له ياخي وش هالخط من الرياض للكويت بدون لوحات إرشادية
قال صادق والله يازول ثم إستدرك وقال إنت هل تعلم إن اللوحات نص الطريق 
رد مع اقتباس
الخفجي - النعيريه - الرفيعه - رماح - الرياض 660 كيلو 
