دورة الغوص

[المدمر (1)]

السلام عليكم ورحمة الله وبركاته

اخواني في منتدى مكشات القسم البحري

اتشرف بتسجيلي في منتداكم واتمنى ان تقبلوني أخاًَ محباً بينكم

مفيداً لكم ومستفيداً منكم ومن خبراتكم

انا اعشق الصيد لأبعد الحدود ، منذ مايزيد عن العشر سنوات

وجميع صيدي على السيف واعشق المناطق الممنوعة

اصدت تقريبا في معظم المناطق الممنوعة بالشرقية

في راس الغار والتحلية وغزلان والميناء والرويس والمسبح والجعيمه عموماً

ولي طلعات خفيفة بالطراد مع بعض الاصدقاء

المهم كنت ماشي على صيد السنارة الين دخلت منتداكم وتولعت بالغوص خصوصاً لما أشوف ابو خالد ( مارين )

وهو بلبس الغوص

واخيرا رحت لمحل وصفه احد الاخوان لشخص اخر خلف المريديان بالخبر واخذت رقم المدرب

وهو سعودي وكلمته عن الدورات

فقالي عنده ثلاث دورات

الاولى تأسيسية بقيمة 1200 ريال ( عبارة عن اربع غوصات )

الثانية بحار مفتوحة 1300 ريال ( ست غوصات )

الثالثة محترف 1500 ريال ( ثمان غوصات )

اللي يبغ يشترك معي في احد الدورات يرسل لي رسالة خاصة عشان نتفق على الوقت المناسب

مكان التدريب راح يكون في هافمون مدخل ( 10 )

هذا اللي عندي وابشروا بالصور ( هوامير الميناء ) بس ماعندي سكنر

سؤال لاهل الخبره ( اي دورة تنصحوني من الدورات السابقة )

اسف ان كنت طولت عليكم من اول موضوع


وتقبلوا تحياتي

المدمر ( 1 )

[gulfhunter]

السلام عليكم ورحمة الله وبركاته

حياك الله أخوي المدمر 1 في منتديات مكشات وبالأخص الخيمه البحريه........ وأن شاء الله تستفيد وتفيد ... ونتشرف بالناس الطيبه أمثالك..... ولكل محب للصيد البحري ...... هنا الخيمه البحريه مكان تجمع محبين الصيد ............

بالنسبه إلى تعلم الغوص ........ ان شاء الله الأخوان اللي عندهم خبره يعطونك المفيد..... بالنسبه لي راح اعطيك اللي اعرفه.......

الاولى تأسيسية بقيمة 1200 ريال ( عبارة عن اربع غوصات )

هذي ماسمعت عنها يمكن احد الأخوان سمع عنها ........ ننتظر تعليق من الأخوان....

الثانية بحار مفتوحة 1300 ريال ( ست غوصات )

OPEN WATER......هذي اللي انا ماخذها واعرفها .... وتعتبر الأساس

والله يحييك معانا وبأنتظار صور صيدك......ومافي داعي للأسف .... خذ راحتك وطول علينا بس كثر من المواضيع الزينه ......

GULFHUNTER

[بحور]

تحية وبعد ،،
إضافة : يمكن زيارة هذا الموقع للفائدة : مجموعة غواص الخليج www.gdiver.com
تحياتي.

[المدمر (1)]

اخوي gulfhunter الف شكر على حسن ردك

وكلامك اللطيف معي الذي يدل على طيب معدنك ( تمنياتي بمقابلتك والاخوان في يوم من الايام )

وشكرا لنصيحتك

اخي بحور الف شكر على هذا الموقع القيم

ولكم تحياتي

[gulfhunter]

السلام عليكم ورحمة الله وبركاته

حياك الله أخوي المدمر .... انت تامر اخوي ومشكور على الأطراء ....ونتشرف بك....

تحياتي لك

GULFHUNTER

[القصير]

بس عندي سوال من هو المدرب الا انت كلمته ؟؟

لان السعر كانه زايد 100 ريال

[MARINE]

السلام عليكم ورحمة الله وبركاته

اخوي العزيز المدمر (1) انا انصحك بالدورة بحار مفتوحه

والمحترف هذي اذا ماكنت ناوي تخش مرحلة التدريب

انا ودي اخذ الدورة الثانيه وان شاء الله عن قريب واذا عزمت اخذها رديت عليك

تحياتي لك

MARINE