المشكله انك مجنون كوابرس ولومينات
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
المشكله انك مجنون كوابرس ولومينات
مكشاتي متواصل
ابشرك ولد عمي اللومينا وطلعتها من راسي نهائيا بعد ماسألت اصحاب الورش وقالوا لي اللومينا زفت زفت زفت خراباتها كثيره وقالوا تخرب فيها الكهرب كثير .
وسألتهم عن الكابريس قالوا لو نظيفه كويسه اهم شي انك تاخذ ماكينه وقير ودفرنس ومكيف وشاصي على الشرط والبدي مايهم .
هذا كلام اصحاب الورش .
وانا والله محتار بس ان شاء الله اللي فيه الخير بيجيبه الله .
ابي اصلي استخاره كل يوم وان شاء الله اني الاقي اللي فيه الخير .
مكشاتي متقدم
ابدور لك وان شاء الله يصير خير
مكشاتي متقدم
كويس الغ فكره الومينا ماتنفع اذا مستعمله وعمره الافتراضي قليل
خذ لك كورله وكامري ولافورد اشوفها افضل والله يرزقك وتحصل مرادك
مكشاتي متواصل
تبي النصيحة
انا صاحب لومينا سابق
وصديقي الخاص معه كابرس ال اس 2003
مع اني كنت ناصح صديقي يشتري فكتوريا وفعلا قرر واقتنع
ويوم راح للمعارض بيشتري قال له شريطي مدري واحد ماخذ سيارة ديانة قال وش ناوي تشتري قال فكتوريا
قال قبل ماتشتريه رح اركب هاك الكابريس وشف الفرق في الفخامة والديكور << وصار يمدح الكابرس ويذم الفكتوريا
الظاهر ان الكاريس حقته
ويقول صديقي رحت وركبت الكابريس وشفته واعجبني
وقررت اشتريه وياليتني ماقررت خدمه سنة ومن بعدها وهو صديق للورش والصناعية
وبالاخير باعة بــ14000 واشتري فورد ميركوري والان مبسوط معه بالحيييييييييييييل
عشان كذا انصحك بالاتي
كورولا
صني
هوندا
او
خذ لك امريكي امريكي<< فورد ..الخ
ولبس امريكي كوري << مثل ايكيا او اوبترا لانها اصلا دايو
مكشاتي متواصل
الله يعطيك العافيه عبدالرحمن
بهذلتك معي .
وشاكر مروركم حبايب قلبي .
مكشاتي متقدم
بهذلتك راحه:d:d:d
ابد والله بغيت لك النصيحه بس مشكلتك انك منت مقتنع تشيل فكره الكابرس من راسك اخوي الكابرس الاصليه هي اللي يسمونها الصابونه ومن بعدها شركه جنرال مورترز قامت تصدر للخليج سياره هولدن اللي يسمونها اللحين كابرس ولومينا هي في الاصل هولدن اتحداك تلقى كابرس او لومينا في امريكا لان خراباتها واجد والشركه وقفت انتاج كابرس ولومينا في امريكا وقاموا يصدرونها لنا في الخليج على انها كابرس ولومينا علشان كذا صناعتهم رديئه جداجدا وسلامتك
مكشاتي متقدم
وش قلت في تاتا نانو ترى بتوصل للخليج قريب
مكشاتي متواصل
ابو داحم تاتا نانو هذي والله لو اني شغال في مطعم ...:d:d:d:d:d:d:d:d:d
لكن تكفى شوف لي سياره تكون شكلها حلو واتوماتيك ..... شكلها حلو يعني كشخه شوي وعمليه ...
ابيك تشور علي وش السياره وانا ادور عليها بالمعارض او بالنت ...
مكشاتي متقدم
اهم شي انها بقراطيس الوكاله واقتصاديه معلينا من هذا
الاعلانات اللي فيها الايكوا تنفع لك
مكشاتي متواصل
خلاااااااااااااااااااااااااااااااااااااااااااااااا ااص
الله يلعن الكابريس واللي صنع الكابريس واللي جاب الكابريس للسعوديه والخليج .
موتر ملعون وابن كلب .
ماعاد ابي كابريس .
عبدالرحمن وش رايك مرسيدس sel300 موديل 87 او 88 او 89 .......... او فرخ شبح e230 موديل 89 او 90 او 91 او 92 او 93 .....
خاشاااااااااااااااااااات مزاجي ...
مكشاتي متواصل
اخوي في كابرس صابونه على كيف كيفك موتر شد بلد جديد بمعني الكلمه كل شئ شغال موديل 94 موتر عزم مشاء الله اذا تبي ه كلمني على الخاص
مكشاتي متقدم
ابوشهد وشفيك عصبت ترى الدنيا ماتسوى مثل ماقلتلك خذلك سياره من تويوتا من هاصغيرات ومش حالك ترى الدعوى مش حالك انت لاتنظر الى السياره كفخامه وراحه وبس انت خل تركيزك على السياره اللي ماتشيب راسك بالخرابات نصيحه اخو لخوه لاتبعد عن التويوتا
مكشاتي متواصل
كابرس صابونه ولا تفكر
مكشاتي متواصل
كابرس صابونه ولا تفكر ولا فورد فورد مركيز لا اكسسوراته تهرقل مع الايام
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس