15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
السلام عليكم اعضاء مكشات
محتار بين سيارتين الباث فاندر ويقولون توجد فيه مشكله الحساس وهو عيب مصنعي ويتأثر بالرمال وترددت في شراءه ارجوا منكم افادتي بشكل اكبر للي مجربين السيارة من موديل2003 وطالع ومشاكلها الي تحدث غالبا ً
والربع النيسان ارجوا افادتي بمعلومات عنه ولكم جزيل الشكر والتقدير وجزاكم الله خير
مكشاتي متقدم
والله كلها تشرب بنزين كثير ...
بس انصحك بالباثفايندر ... مشكلة الحساس نادرا تطلع وتجي للمركبين فلتر رياضي عادة ومعدلين بالسيارة ..
الباثفايندر اقل صرف بنزين واقوى واكثر شبابيةى ...
اخوكم ماجد الشمري
مكشاتي متواصل
يعطيك العافيه اخوي ماجد ومعودنا على آرائك الحلوه الله لا يحرمنا منك
تحياتي لك اخوي ماجد ..........
حسب استخدامك اخوي وشهو
انت راعي طلعات طويله للبر خذ باترول
او راعي طلعات خفيفه خذ باث
وللعلم مشكله الحساس تصيب كثير من الباثفايندرات ومهب مثل ما ذكر الاخ ماجد ما تجي الا اسيارات المعدله
انا سيارتي ماسويت فيها شي ومع ذلك خرب الحساس وبعد 4000 كيلو خرب منظم البخاخ !
مكشاتي متقدم
اخوي هذا حسب طلعاتك اذا نت تطلع براري بعيده وتجلس بالايام عليكم بالباترول
واذا قصد بر عادي الباثفندر زين واوسع وزين للعائلة وللمشاوير يعني عام اكثر من الربع
مكشاتي متواصل
عليك بالباترول هو ملك الصحراء بلا منازع
وقوي وله شعبية كبيرة بين الشباب
وصيانته متوفرة وسهلة .
وهذا رأيي في الموضوع ....
مكشاتي متواصل
بسم الله الرحمن الرحيم
السلام عليكم ورحمة الله وبركاته
خوي محمد حمد انت محتار بين السفاري والباث فايندر وكل الموترين حلوات لكن انت ماذكرت وش متطلباتك لكن انكنت عزوبي وراعي طلعات بعيده ومطاريش معروف ان السفاري اولى لكن ان كنت راعي طلعات يعني مهب مثل طلعات السفاري فالبليث فايندر اولى لان البايث فايندر ممتاز وقوي بالبر وكذلك ممتاز بالديره فضلا عن انه من افضل المواتر بالخطوط ...... ونصيحتي لك خذ بايث فايندر ....... واي معلومات تبيهن عنه انا حاضر خصوصا ان معي بايث فايندر ...... وحبيت انبه على احد الاخوة اللي يقول ان السفاري والباث فايندر كلهن يصرفن اقوله ان السفري البخاخ الجديد اقل صرف من اللي قبله لكن مااقدر اقول انه مايصرف,,,,,, اما البايث فايندر اذا كان تماتيك فهو يزيد صرفه بشكل كبير عن العادي علما ان العادي صرفه ممتاز جدا جدا وغير طبيعي ...... وبالنسبه لخراب حساس البخاخ تراه قليل ويكاد يكون منعدم ولا يشكلك مشكله لا نه ولله الحمد قليل مره.
((الطير شف قلبي وغاية مرامي))
مكشاتي
انا انصحك بالباثفايندر.......مع ان فيه مشكلة الحساس فعلا وخرب علي بعد ما كملت السياره 23 وغيروه على الضمان....واعرف 2 غيري صارت لهم نفس المشكله...
والباترول الربع يكون افضل لو ينزل بخاخ ......لكن مشكلته انه كربريتر وعزمه مب ذاك الزود ويرفع ضغطك شوي.......وفوق هذا كله صرفيته شينه.........لو ينزلونه 4800 كان صار شي ثاني
مكشاتي
يااخوان وش قصت الحساس الي يخرب في الباث فاندر ايت حساس تقصدون في السياره وبكم يصلحونه الوكاله وايذاً منظم البخاخ وش قصته انا معي باث فاندر ونيي نعرف قبل لا يخرب لا سمح الله .
مكشاتي
من رايي اذا كنت راعي نفود لاتفكر بغير الربع (( تويوتا ))
واذا كنت راعي بر وديره خذ بافندر ولاتفكر بربع نيسان مب زين .................................................. ..........................
مكشاتي متواصل
يعطيكم العافيه اخواني على الافاده الجمه التي حضينا بها وعلى تقبلكم للمشكلتي
اخوي المنتفش شكرا لك ولا يهونون اخواني الباقين
لكن انا دوامي في الصحراء وكان معي ددسن ومليت منه صراحه وابي موتر فيه دبل وافكر في الموترين الي ذكرت
وش تنصحني بأي موديل للباث 2003 - 2004 وارغب في العادي ليس فل كامل وهل المشكله تصير في الفل كامل او العادي المواصفات ؟ هل يتحمل المكده والبران والخطوط علما ً اننني مهمل شوي للسيارة وليس بدرجة كبيرة لاكن احيانا اطنش السيارة وما يهمني المطاب والخوض في مياه الشعبان !!!! يتحملني ولا وش رايك
وانا عزوبي ووقتي كله في البر
اخوي باث فاندر وش حل مشكلة الحساس يعني بعد الاصلاح هل تستمر المشكله او تنقطع ؟؟؟
وهل انت مرتاح مع السيارة فعلا ً ؟؟ ولاتحس انها مضيقة صدرك احيانا ً
تحياتي للجمع وارجوا انكم تتحملوني شوي
مكشاتي متواصل
عفوا اخوي / الباث فايندر حلو وممتاز وانيق بس انت مايصلح لك للأسباب التي انت ذكرت وهي
1- دوامك بالصحراء (( يبي يتفكك بأول شهر ))
2-انه لايتحمل المكده والبران بكثرة
3-انك مهمل شوي للسيارة
4- انك عزوبي ووقتك كله في البر
ونصيحتي لك انك تأخذ لك ربع نضيف تويوتا
ومعليش ردي متأخر
وسلامتكم
سافر في كل مكان فلن تجد سفراً هانئاً كسفرك إلى نفسك
مكشاتي متواصل
الأخ محمد السلام وبعد :
انا ممن جرب الباترول الربع والصراحه مافيه كلام من ناحية الراحه (اهم شي) خاصه اذا كنت راعي جلد وطرقه
الصرفيه مثله مثل الجيوب (كل الجيوب تصرف) خا صه اني عملت مقارنات
فيه عيب الضيق (وعلى شان كذا بعته) مع العلم انى عزوبي لكن اذا جاء احد يركب وراء اللي قدام لازم ينزل اذا جاء احدينزل مثل بس بعض الشباب شال المراتب الخلفيه وريح علي شان مايركب ولا ينزل احد
الربع التايوتا ما فيه كلام من ناحيةالقوه لكن الله من قولة انكسر ضهري (غير مريح)ويبين هذا في البر المسافات الطويله
اما الباث فهو والله جايز لي وانا مفكر اشري واحد لتوفرالراحه -الوساع (مقارنة باالربع)سياره للمدينة والبر والشي الأخير هو خفة الموتر
مكشاتي
السلام عليكم اخواني القناصين انصحكم اخواني اخذ الاحتياط اللازم على الاقليه وايت او سكس افضل اذا كنتو حمله تحياتي لطام
مكشاتي متواصل
نصيحه خذلك سلقه بخاخ متحسف ابد
ويذا كنت راعي دوران خذلك فندره
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
