السلام عليكم
,
,
اولا حبيت اباركم لكم على الرابطه
والله يجعلها لكم مبدا خير
ادخل بالموضوع انا كان معاي ليبرتي 2003
امريكي الموتر ليمتيد وماكان يشكي من اي شي
ولاكن يوم جاه وقت الطلعات رفعت الموتر 4 انش
وبدت معاي المشاكل بعد مرور سنه بالظبط بدا الموتر يفتح فمه
اولا راح عندي عكس من عكوس الدبل وهذا ماهو عيب لان رفعه السياره اثرت على العكوس
ركبتله تنزيله وزانت الامور وبعد كذا بدا يلعب معاي القير وهو كان اوتوماتك
صار يعلق بنمره مايعشق الين اطفي واشغل السياره وبدت حراره القير تلعب وكل شوي ترتفع
قلت خل افك عمري واحول قير عادي وفعلا حولت وبعدها ماشكيت من القير ابد
طلع لي الدفرنس وراح علي مع اني كنت منتظم على تغيير زيته كل 60 الف
غيرت الدفرنس وزانت الامور وبعدها راحت علي المكينه بسبب طرمبه الزيت
طرمبه الزيت وقفت عن العمل وكسرت عامود الكرنك
وضبت المكينه وبعدها راحت الشنابر وراحت معها نحاسات القير وبعت الموتر على خرابه
وهذي قصتي ومعاناتي مع الليبرتي والله يكفيكم شر كل هالي حصلي
من باب الافاده انتبهوا من طرمبه الزيت تراها سبب كبير في تخبيط المكينه
ومن ناحيه قوه الموتر وعزمه وتحمل البدي والدبل كان ابداع ولاكن بهذلني بالخرابات
اعتذر عن الاطاله ولاكن لتعم الفائده
وبالنهايه عندي جنوط لليبرتي مقاس 18
اللون اسود والحافه فضي الشكل اقرب ماله الجي تي
وشركه الجنوط امريكيه اصليه واسمهاPWR
ووكيلها بالسعوديه السليماني مالي حد بالجنوط على السوم
وكفراتها اقل من نص عمر
,
,
والله يوفقنا وياكم ويكفيكم شر الخرابات