يايات الفكتوريا

[العقارب]

عندي فكتوريا طامنه يعني نازله في الارض وتحك في المطبات ودي ارفعها وتكون رفعتها مثل الفكتوريا الجديد او اعلا شوي .. يقولون ركب ياي كابرس قدام وخلف ..
وش رايكم لاهنتو ..

[عشق الكتابه]

سلام عليكم

طيب وش رايك تركب كعكات ؟؟؟ تركب لك كعكه ولا كعكه ونص

ولا غير الياي وركب ياي كندي اصلي ترجع نفس رفعة الوكاله

اتمنى اني افدتك

[النتاوي]

واذا ما لقيت الكندي ركب الامريكي الاصلي قيمته حدود 200

[حب لاينتهي]

انا ركبت كعكات اول الوقت تمام وبعدين رجهت لنفس المشكله

يمكن تزبط معك

[العقارب]

شكرا على الردود ..
يقولون الكعكات تطلع صوت قدام
طيب سعر الكعكات هذي الكنديه او الامريكيه طقم خلفي اومامي .. ؟؟؟؟
انا معجبني شكل الفكتوريا الجديد رفعته حلوه اذا جاء جديد ..
ننتظر ردودكم لا هنتو..

[ابوفواز1000]

اذا الياي اللي عندك اصلي ركب كعكات افضل لان اذا ركبت ياي تجاري يكون لين مره وينزل مع الوقت وسعر الكعكات اللي ورا و قدام ما تتعدى بالكثير100 ريال وشغل اليد من 150 الى 200 يعني كامل الشغل 350 او اقل
لاكن انتبه للكعكات اللي قدام خله يضبط الربلات صح علشان ما يطلع صوت
انا ركبت كعكات للفورد وطلع صوت قدام اخذ الصوت تقريبا اسبوع وبد يخف لين راح من حاله

[العقارب]

الله يعطيك العافيه موتري منبطح على الارض انبطاح كنه محمل ..
انا سمعت عن يايات الكابرس تركب عليه بس مدري اي موديل تنفع له وكم لفه .. وشكرا على ردودكم..

[adil33]

ركب مساعدات جبرايل وكعكات لليايات

[ابوفواز1000]

الله يعافيك
والله يايات الكابرس شفتها عند قطع الغيار حقات موديل 96 وحطيتا جنب بعض لقيتها تشبه لها بشكل كبير احس انها اعرض شيء بسيط مره اما الارتفاع نفسه لاكن ماركبتها ركبيت حق بلدها تجاري ماليزي والله انه خايس مره السياره مع المطبات تقمز ولينه شوي والا تضرب الارض

[دل البحار]

ماهو مديل الفورد على شان نعرف سبب انبطاح السياره وتسحيبها في الارض
يمكن تكون اليايات ممغنطه بالحيل والمساعدات هلكانه

[العقارب]

جزاكم الله خير على التفاعل معي في مشكلتي
موديل السياره 2002 استاندر ..

[العقارب]

للرفع................

[ابوصالح77]

هلا بك
ركب يايات قدم وخلف بـ 300 تقريباً وترتفع
لأن شغل اليد قدام بـ150 والخلف بـ 50
والكعكات ماينفعن مع الياي الطابع