والله حرام

[AL.srab009]

السلام وعليكم
كيفكم شباب
انا اليوم رحت المعارضناوي اشري شاص ولله الحمد
الوكاد لما سعرتها لقيت السعار مختلفه
الشاص:2010 عادي 105 الاف
الشاص:2010فل كامل122الف
الشاص:2011عادي 121الف
الشاص:2011فل كامل131الف
يا شباب الي يدري وش السبب لا يبخل علينا
ووش رايكم اطلع 2010او 2011
مع الشكر لكل من اشترك بالرد على موضوعي
واللي يدري عن اسعارهن بالرياض او القصيم لا يمن علينا

[باث 3]

.,.,أخذ لك عشره رفرف أريح لك بعدين مافيه فرق بال11 إلا إكسسوارات ومبروك مقدما.,.,

[ابوصالح77]

خذ لك 2011
لكن أصبر لين ينزل سعره

[باني طوية]

والله انا ما اشوف فيه فرق بالـ 11 غير غير المرايات والتخشيبه الداخليه وماتسوى 10 الاف زيادة تلقى النظيف بالمعارض خذ لك 2010

[زوم]

السلام عليكم مافيه فرق الا بس التخشيبه والمرايا الجانبيه

[عاشق السيل]

أسعار فوق الخيال !!!!

موفق خير أخوووووي ....

[مسير عليهم]

الشاص:2011فل كامل131الف

والله حرام ادفع هذا المبلغ في سيارة لا يوجد فيها اي معالم أمان وفخامه

ياخي انا رايح للعيسى ولاقي سييرا غمارة ونص بحدود 105 والفرق واضح امان وفخامة وقوة ويركب معك خمسة اشخاص بالراحه

الشاص حقه 70 الف ومايستاهل بس عن قوله ماودي احطمكم

لكن عسى الله يرزقك باللي تبيه

[ALMoooBD3]

خذ 2010 فل كامل

ولا تنسى الاستخارة .. بالتوفيق,,

[محب البرق]

والله حرام ادفع هذا المبلغ في سيارة لا يوجد فيها اي معالم أمان وفخامه

ياخي انا رايح للعيسى ولاقي سييرا غمارة ونص بحدود 105 والفرق واضح امان وفخامة وقوة ويركب معك خمسة اشخاص بالراحه

الشاص حقه 70 الف ومايستاهل بس عن قوله ماودي احطمكم

لكن عسى الله يرزقك باللي تبيه

فعلا أنا معك يالغالي ..

أخذ لك جيب لاندركوزر يشيلك ويشيل أهلك
وتحصل 2003 بـ 100 الف ..

..

[نفود بريدة]

اخوي الاسعار اللي انت شفته تراه غاليه نوعا ما

يوم الخميس اللي فات انا عند اليحيى ببريدة , والاسعار عنده كالتالي :
1- شاص فل كامل ونش دفلوك بدون رفرف بــ 115 الف ريال
2- شاص نفس مواصفات اللي فوق لكن بدون ونش ودفلوك بـ 104 الف ريال

وواحد من الشباب قبل مدة قصيره مطلع واحد نفس مواصفات رقم 2 الي فوق بـ 103 الف ريال
وعلى ما اظن من معارض الخرج , لا وبريمي بعد ,,

فأنت رح ودور وحس المعارض حوس , وبين لراعي المعرض انك صااامل ودراهمك بمخباتك , عشان ينزل لك

الاسعار المذكوره فوق كله لموديلات 2010 فقط

وانا نصيحتي لك خذ 2010 ما يفرق عن 2011 الا اشياء تافهه جدا وغبيه


موفق ان شاء الله

[قدر مكتوب]

يااخي فك سيراا ا(جمس) راحة وسعر اقل ومواصفات احلى واجمل وارسى واقوى مكينه الف مره من الشاص , وقوه في السحب (والامريكي معروف بقوه السحب ) وش لك ووش للشاص واذا ماتبي سيراا 1500 خذ مصفح , وقيمته اقل من قيمة الشاص بكثير


هذه صور مع الاعتذار لاصحاب الصور والمقاطع






صوره العدادات














بكل الاجواء يعجبك














هذا تسارع جمس 5300 وغمارتين وكاله



تسارع آخر




مقطع لجمس يقطع شعيب


جمس واكستيرا


تطعيس جمس






وهذا موضوع مقارنة بين الجمس والشاص
http://www.mekshat.com/vb/showthread.php?t=185642

[غالي]

اصبر شوي لين ينزل في الوكاله وبينزل سعره

وطبعا خذ 2011 افضل لك

لو فرضنا بتبيعه السنه الجايه ونزل 2012 الله يحيينا حياة طيبه

على الاقل موترك مر عليه سنه مامر عليه سنتين

والعالم تناظر الموديل قليل الي يناظر متى الموتر مشترى


هذي نصيحتي لك

موفق اخوي

[تناهيت]

حيروك المكشاتية زياده عن حيرتك

انا مالي دخل في الموضوع احترت وش اشور عليك فيه

استخر وناخوووووووووووك وخل عنك الشاص

تدري ليه سعرة مرتفع وليه انت قلت حرام انا اقولك ونا اخوك

الشاص الآن للاسف نشوفه في المدينة اكثر من البر ..........<خذوه بعض الناس تشخيص واستهتار وطيش البارح راعي شاص الله يهديه بغى يعدم ثلاث سيارات واقفه في اشارة (طمر الرصيف على سرعة عالية وفقد السيطرة على الموتر لكن ربك ستر)عمرة ما يتعدى 20 سنة للأسف

ابو عشرين المفروض ما يركب الا أكسنت الا اذا كان رجال يعرف ويقدر خطورة المركبة الكبيرة
انا عارف خرجت عن الموضوع السموحه لكن قد ياتي يوم ويقرأء أحدهم هذا الرد ونكسب أجر

في السابق لا نكاد نرى الشاص الا حول القرى والمدن الصغيرة وهذا هو المكان المناسب لأستخدامة
لاكن الآن اكثر من الليموزين ............>عشان كذا رفع ابو جميل سعرة

الشـــــــــــــاص له مهمام محدودة ......تحميل -طرق جبليه .......مقناص .....الخ اما تفحيط بشاص هذا طغى يا جماعة

ولا تنسى نصيحه الشباب في اقتناء الجمس الحوض ...........<جر بالجمس تنسى قساوة الشاص وقساوة الظهر

تحياتي

[ابو العز بلس]

وعليكم السلام ورحمة الله وبركاته
نفس الحيرة عندي بس بسيارة ثانية


لكن استخر وعسى الله يكتب لك ولي الخير

[سعد2006]

والله انا توني ماخذ شاص2010 والحمدلله
انت بتاخذ تستعمل مافيه فرق
توكل على الله وخذ 2010