بارك الله فيك يا ابو صالح
وانا اتبعت نفس الخطوات ولله الحمد وهي تعمل معي الان 100% وهذا بفضل من الله ثم مساعدتكم طال عمرك
تجهيز: شبك بطاريه اضافيه لجمس حوض 1999 وبعض الملحقات
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
بارك الله فيك يا ابو صالح
وانا اتبعت نفس الخطوات ولله الحمد وهي تعمل معي الان 100% وهذا بفضل من الله ثم مساعدتكم طال عمرك
تجهيز: شبك بطاريه اضافيه لجمس حوض 1999 وبعض الملحقات
ادعوا لإبني فيصل بالرحمة
snap: yub_1....
مساء الخير اخوي ابو صالح ماشاء الله عليك والله لايضرك ويعطيك دوام الصحه والعافيه
تدري وش مشكلتنا حنا حاجتين
الحاجه الاولى الكسل
والحاجه الثانيه ماعندنا وقت
تدري يا ابو صالح كم يسويها محل الرمايه اللي في الرياض على طريق الملك فهد 1900 تقريبا بس تركيب بطاريه اضافيه
ومشكور ابو صالح على هالمعلومات القيمه والتي تفيد الجميع
تقبل مروري
مساء النور والسرور
كلامك على متمة ، والله إنها شغلة بسيطة بس يبغى لها طولة بال .
أعوذ بالله وصلت لكذا ، ليش مافي البلد إلا هالولد
لا شكر على واجب
حياك الله
بالتوفيق
اقتباسات مفيده
السلام عليكم ورحمة الله وبركاته
الاخوان الكرام كلن بأسمه تسلمون على المرور والتشجيع
ولمن سأل عن البطاريه الاخ الوهاج ومحب الشمال والباقين
اخوكم راعي حربثه والبطاريه انا مركبها ولم تكلف الا تجهيزاتها انا مركبها شخصيا انا وواحد من المحربثين
وترى الموضوع بسيط جداً لتركيب البطاريه بنفسك اذا طبعاً تحب الحربثه وتتقن العمل او تستطيع تطبق التعليمات المترويه بدقه
1-مطلوب بطاريه نفس مقاس شد البلد من حيث الامبيرات 125 ريال وهلايام اظنها 145 ريال وهي ايسي دلكو رخيصه ومن وراء الاجهزه ولمبة الكبس
2-كيبل احمر من شارع الرين بالرياض طوله 3 متر او 4 متر ب 8 ريال للمتر ومقاسه اظن 6 ملي ناعم قله ابي سلك بطاريه ويعطيك وخذ انجليزي افضل
3- كيبل اسود 1 متر كافي للتاريض فقط يوصل لبدي السياره نفس مقاس الاحمر
4-سلك عادي صغير عشان توصل الدقمه بالكهرباء 2متر او اي سلك كهرباء للسياره
4- دقمه حقت الفروت القديمه او الجموس السوداء 90 ريال
5- رؤس حلقات جميع المقاسات لتركيبها بروس الكيبال للربط للمعلوميه يجي طقم 25 ريال فيه حوالي 24 راس مختلفه( طقم كنكترات كهرباء )
6- اصابع بطاريه عدد 2 بـ10 ريال
7- خرطوش للحمايه للكيبلين طول 6 متر ب3ـ يال للمتر
8- قاعدة علويه للبطاريه نفس اللي تجي شد بلد شريتها اظن 45 ريال من الوكاله
9- قاعده ارضيه للبطايه عند الحداد 15 ريال عباره عن 4 حديد زوايا لحمها مع بعض واخرمها على نفس الفتحات التى بالرفرف عشان تثبتها فيها 4 مسامير مقاس 12 او 13 مااذكر بالضبط هذه اللاوازم المطلوبه
ولم ايحدث ولله الحمد اني شفت منها اي مشكله لها الآن حوالي سنتان من ركبتها وكم واحد من الشباب مركبينها له لم يذكر شيء سيء فيها
وللعلم تراها مفصوله عن الاساسيه تماما اذا طفت السياره الدقمه تقوم باللازم تقفل الهرباء عنها
الدقمه تشتغل على السويك يعني تعبي فقط اذا اشتغل دينمو الكهرباء لانها تشبك مع لمبة الدينمو اذا طفت اللمبه عبت واذا اشتغلت قفلت الدقمه (تحتاج شرح اوفى هذه النقطه ودقيق وتركيز )
وكذلك الكيبل الاحمر يشبك ليس على اصبع البطاريه الاساسيه ولكن يوجد فيوز كبير بأصبع الكهرباء على البطاريه الاساسيه وفيه عدد2 مسمار فاضيه ومكان فيوز قبل الاصبع وعليه غطاء يوصل فيه اصبع الكهرباء الجديد وتضيف فيوز جنب الموجود نفس الشكل اظن 60او 80 وقيمته 5 ريال وهذا احياطاً عند حدوث اي مشكله بالبطاريه الاحتياطيه يقطع
واهم شيء جميع الشغل مرتب والاسلاك مخفيه بالخراطيش والمساكات اللي هي تاي راب بـ 5 ريال ولا تشوف شيء مختلف داخل الكبوت كأن مافيه شيء مضاف للسياره غير البطاريه والدقمه
التكلفه الاجماليه للوازم البطاريه الاحتياطيه 380 ريال فقط طبعاً شغل مرتب وليس شغل مش حالك مثل اللي يسوون بعض الورش للاسف كل الامور شطرطون وانت ماشي
وسوف احاول انزل موضوع بالصور عن اللوازم والطريقه بموضوع مستقل لاحقاً
ولكم وافر التحيا
المترو
اقتباس من سوبر فتك
ياخوان المسالة مهب صعبة
انا مسويها بنفسي
4متر كيبل 10ملي ب36ريال
ان بغيت حط 6ملي مثل حق دينمو السيارة شد البلد
اللي يشحن البطارية
روس كيبل من محلات العدد ب4ريال
جرجور عازل 5متر ب20ريال
سيم معلاقة
عشان تسحب الكيبل من صدر الغمارة الى داخل الموتر
عن طريق الفرشة الارضية من عند الابواب
(اذا بغيت تحط البطارية بالداخل)
كرسي بطارية ب60ريال تقريبا
دقمه جمس ب150ريال قبل فترة كانت ب200ريال
الدقمه تسحب له كهرب من اي سلك يشتغل مع فتح السويتش
ماص الدقمه تسحبه من البدي
توصل الكيبل 10ملي من البطارية الاساسية الى الدقمه
الطرف الاخر من الدقمه توصله الى البطارية الاضافية
عند فتح السويتش تشتغل الدقمه
عند الاطفاء تفصل بين الكيبلين
هلا بك أخوي أسير
جزاك الله خير على هالإقتباسات
وأن كان التقرير واضح وشامل ، لكن زيادة الخير خيرين .
وأنبه على أنه تختلف المتطلبات من سيارة لإخرى
يسعدني مرورك
همسة محب :
أن هذا التقرير أتى على عجلة فله تكملة بإذن الله، كماريحتاج إلى تنسيق .
فمن إستفاد فلا يبخل علينا بالدعاء ، ومن لديه خبرة فلا يبخل علينا
وأفيد أخواني الأعضاء بأن هناك تقرير عديدة لأخوة كرام في هذا المنتدى وغيره فجزاهم الله خيراً ومنهم على سبيل التمثيل وليس الحصر:
الأخ : مكشات المديرالعام
http://www.mekshat.com/vb/showthread.php?t=3472
والأخ : الخبير
http://www.mekshat.com/vb/showthread.php?t=15359
والأخ : المترو
http://www.mekshat.com/vb/showthread.php?t=37714
والأخ: قناص *07
http://www.mekshat.com/vb/showthread.php?t=331347
والأخ : لن أمل من العطاء
http://www.mekshat.com/vb/showthread.php?t=97782
وغيرهم الكثير فجزاهم الله خير الجزاء وجعله في موازين أعمالهم ،
والمنتدى يزخر بالإبداعات .
وما عليك أخي الكريم إلا البحث بقوقل
وسوف تجد بإذن الله ماتريد
بالتوفيق لللجميع
الحقيقه انكم ماقصرتوا يا اخوان وبارك الله فيكم بس لو تحددوا مكان بيع الافياش بالقصيم لاكتمل الموضوع
هلا بك اخوي
الفواصل والمفاتيح عند الدخيل لقطع غيار الإكترونيات بشارع الخبيب في بريدة (بنصف سعر الزينة)
أما الأفياش الكهربائية فإشتريتهم من عند كهربائي العثيم بصناعية الرواف الحبة بـ 30 ريال ، وعروق الشمال الآن يركب نفسهن لكن وقت ما مريته كان يركب أفياش عادية .
وبالتعاون مع أخونا قناص *07 أفادنا مشكوراً بأماكن بيعها
علماً أنه يوجود انواع ويختلف المقاس وسعرها تقريباً بـ 10 ريال
اسمحلي اخوي ابو صالح
حبيت احط الرابط هنيا بحيث لاجا طاري البطاريه انحر موضوعك والروابط جاهزه ان شاء الله ماسويت زحمه
http://www.mekshat.com/vb/showthread.php?p=5216314
الله يطول بعمرك واحد من الربع ابلشن بخصوص البطاريه قلت ماعليك انا اظبط لك الموضوع واعلمك الاسعار وصراحه موضوعك وموضوع الاخوان مرجع وكل مااحتاجه مكتوب
والرجال يبي يركب المنظم حق رفيق الدرب((داخل مزاجه
بس حبيت اسألك سؤال صغير
اهم شي القاعده
ماادري هو اي حداد يفصله ونوع الحديده كم ملي واسعارهن تقريبا كم خوف يلعبون علينا هالعمال
الله يعطيك العافيه
المعذرة دخولي للمنتدى قليل هاليومين مشغول بالدوام كل الحمل فوق رأسي .
هلا بك يا بعدي حط اللي تبي
بالنسبة لقاعدة البطارية يختلف تفصيلها من سيارة لأخرى
وهي عبارة عن حديد زاوية ويمكن وضع صاجه وسط القاعدة
وأغلب الحدادين يعرفها وسعرها ما بين الـ 30 والـ 50
وانا بالخدمة ، لو بكر خويك شوي قبل الدوام كان ركبنها سوا
يسعدني مرورك
الذين يشاهدون الموضوع الآن: 1 (0 من الأعضاء و 1 زائر)