تجهيز الجيب ( ج 1 ) : شبك البطارية الإضافية ، وبعض الملحقات المهمة .

[قناص*07]

تقرير شامل واضح جد ومميز
ويليت تعطين التكلفه التقريبيه للشغل

بارك الله فيك وفي صاحب الموضوع
تراه شغل ايديه وما كلفته الى المواد

[ابوصالح77]

ما شاء الله تبارك الله
شغل مرتب
يعطيك العافيه

هلا بك أخوي
الله يبارك فيك ويحفظك من كل شر
يسعدني مرورك
بالتوفيق

[قناص*07]

هلا بك أخوي ومرحبتين
شكراًُ على الإطراء الجميل
أما التكلفة فلم أحسبها لكثرة الأدوات وجودتها ولوجود بعضها لدي من قبل (لكن كلف واجد )
ويحكم السعر نوع الموتر وكثرة التجهيزات
ولكن مما أذكر :
1- كرسي البطارية وصاجة المحول بـ 45
2-دقمة الجمس أصلية جديدة بـ 120
3- بطارية ٌr 65 إنبير بـ 260
4-سلك مقاس 16مم ناعم المتر بـ 7
5- سلك حراري مقاس 2،5مم المتر بـ 4
6- طوية أسلاك 1,5 مم بـ60 أو 90
7- الفواصل والمفاتيح الحبة بـ 10 - 15
8-الأفياش الحبة بـ 30 وتباع على كلام الإخوان بـ 10
9- الكبس الخلفي الحبة بـ 20
10- الجرجور الحراري المستخدم سعر المتر بـ 1- 4 حسب المقاس
11- جرجور بلاستك المتر بـ 6،25 ويجي طوية أرخص ومقاسات عدة
12- لمبات الكبوت الحبة بـ 15
13- المحول والأريل وسلك الكنود موجودة عندي
14- لمبات الدعاسات الحبة بـ 10 وبعض المحلات يبيعها بـ25
ووووووووووووووووووووووووووووو دخن مخي
عموماً شف إحتياجاتك ، والشغلة سهلة ويبغى لها طولة بال
بالتوفيق

اللمبه اخذتها بـ 4 الماني اصلي 100% ماهو كتابه و 55 وات
دقمه الجمس الاصليه بـ 27 ريال
الافياش 5 ريال
علبة الفيوزات ام 4 بـ 4 ريال و ام 6 بـ 6 ريال
الكلبسات الـ 100 بـ 4 ريال مع عازل

وهذي كلها من سوريا من سوق الجمله

يا بلاششششششششششششش

[ABO-RASHID]

اللمبه اخذتها بـ 4 الماني اصلي 100% ماهو كتابه و 55 وات
دقمه الجمس الاصليه بـ 27 ريال
الافياش 5 ريال
علبة الفيوزات ام 4 بـ 4 ريال و ام 6 بـ 6 ريال
الكلبسات الـ 100 بـ 4 ريال مع عازل

وهذي كلها من سوريا من سوق الجمله

يا بلاششششششششششششش

الافياش نفس اللي تركب على السيارة اللي مركبها صاحب الموضوع

[ابوصالح77]

روعه ماشاء الله
لدي استفسار ياغالي اذا تكرمت
انا ركبتها بنفسي
ممكن فائدة(
فيوز (مقاسِِِa60 ) بين الأساسية والدقمة والإضافية ، فهو مهم جداً
أخذته من التشليح السيارة سونا)
طريقة هذه ياغالي الدقمة تشتغل مع دقة السلف حيث انك سحبت سلك من الدينمو ياليت تفيدني
موفق لكل خير

هلا بك ما طلبت شيء يالغالي
الفيوز مقاس 60a عشان يقطع لو صار إلتماس بالدقمة أو أي شيء لاقدر الله
(واللي أنا مركب حق دقمة سوناتا ) ومو شرط تركب مثله ركب إي فيوز كبير

أما الدقمة فمهمتها فصل الكهرباء بين البطاريتين وتوصيله.
يعني تشتغل مع دقة السلف وهذه فائدتها بحيث تفصل البطاريتين عن بعض والسيارة طافية فلو شغلت لمبات وثلاجة وغيرها تفضي الإضافية فقط ، والأساسية مايصير عليها حمل ، وإذا شغلت وصلت الدقمة بين البطاريتين وتنشحن الإضافية

وأما سلك الدينمو ليس شرطاً أن توصل منه للدقمه فتقدر تسحب من دينمو المساحات
ولكن إخترت دينمو الكهرباء لكونه أفضل وأسهل فالأسلاك التي تصل إلى الديمنو غالباً ثلاثة :1- كهرباء دائم فتحت السويك أو سكرته ، 2 - ماص ، 3- كهرباء يفتح مع فتح السويك وهذا هو المطلوب (هو المحرك للدقمة )
أتمنى إني أفدتك .
يسعدني مرورك
بالتوفيق

[ابوصالح77]

ماشاء الله بارك الله
مشكور وماقصرت

هلا بك أخوي
الله يبارك فيك ويحفظك
يسعدني مرورك
بالتوفيق

[ابوصالح77]

بيض الله وجهك وااله يعطيك 1000000 عافيه
المبه اللي عند الدعاسه انا مسويها عندي بصالون 2000 بس السوتش عندي في اليسار ومركب لمبات صغيره اللي يسمونها الرزه حقت الطبلون وعندي تخطيط اخليها تلع مع الابواب

هلا بك قناص
ونتطلع بأن تتحفنا بإبداعاتك
الله يعطيك العافية
بالتوفيق

[ابوصالح77]

بإذن الله يومين وانزلها مع موضوعك
لاني مسافر وان شاء الله ارجعلكم

هلا بك قناص
الله لا يهينك
تروح وترجع بالسلامة
الله يسهل عليك
لكن لو تنزلها بموضوع جديد أفضل لأن أغلب الربع يدورون عليها
ويكون عنون المحل حتى لو بالمريخ ههههههه
بالتوفيق

[ابوصالح77]

بارك الله فيك وفي صاحب الموضوع
تراه شغل ايديه وما كلفته الى المواد

الله يبارك فيك يا أخوي قناص
كلامك على متمه
والمواد ما يحتاج ممتازة عشان كذا كلف علي شوي ومافيه خسارة
(تصدق إن ولدي صالح وواحد من خواله وأهلي يعلقون علي يقولون متى تزين الطيارة )

وعلى فكرة :
بعض الورشات يسلك لك بـ 250 - 300 من دون الدقمة والبطارية
بالتوفيق

[ابوصالح77]

اللمبه اخذتها بـ 4 الماني اصلي 100% ماهو كتابه و 55 وات
دقمه الجمس الاصليه بـ 27 ريال
الافياش 5 ريال
علبة الفيوزات ام 4 بـ 4 ريال و ام 6 بـ 6 ريال
الكلبسات الـ 100 بـ 4 ريال مع عازل

وهذي كلها من سوريا من سوق الجمله

يا بلاششششششششششششش

ههههههههههه
ما أقول إلا إسم على مسمى إي والله قناص
يابلاش

[ابوصالح77]

الافياش نفس اللي تركب على السيارة اللي مركبها صاحب الموضوع

هلابك أخوي
يبي ينزل لنا أخونا قناص تقرير عن هالأفياش
بالتوفيق

[محب الكرك]

ماشاء الله عليك يابوصالح شغل عدل سلمت يمناك

[العساس]

يعطيكم الف عافيه على هالكلاام الطيب
بس انا لي تجربه بالشغل هذا وسبق وركبت بس للاسف الدقمه راحت مني ولا ادري من وين اجيب الاصليه ركبت تجاري وثاني يوم احترقت .
الشي الثاني اللي الفيوز اللي بين البطاريتين اعتقد انه ما له داعي اذا شبكت كهرب الدقمه من المساحات لو لا قدر الله صار التماس انقص فيز المساحه وعرفت مباشره ان الدقمه ما تشتغل

الشي الاخير اللي حاب اعرفه هل سلك 2 ونص يكفي الثلاااااجه


وشكرااااااااااا للجميع

[ابوصالح77]

ماشاء الله عليك يابوصالح شغل عدل سلمت يمناك

هلا بك أخوي ومرحبتين
الله يسلمك من كل شر
يسعدني مرورك
بالتوفيق

[ABO-RASHID]

يا الغالي بالنسبة للشدادات اللي تربط الاسلاك مع بعض


كم اسعارها ووين نحصلها