مواطير الكهرباء كاتم الصوت

[كونكورد711]

السلام عليكم ورحمة الله وبركاته

مساء الخير...

انا ناوي اشتري ماطور كهرباء كاتم الصوت .
وماأستغني عن رايكم والمثل يقول :
((ماخاب من استشار))
لكن محتار في بعض الامور

1-هل فيه انواع ام نوع واحد؟
2-وش تنصحوني فيه ؟
3- كم اسعارها؟
4- وهل هو عملي ام لا وهل فعلا صوته هادي

انا في انتظار ردودكم

لاهنتو


اخوكم
كونكورد

[سدير1400]

السلام عليكم

مرحبا كونكورد 711

كم بتشغل عليه من واط

[عصاقيل الدخله]

افضل ماطور كهرباء كاتم الصوت هوندا وانت مر الوكاله واسئل عنه
والشباب يفيدونك

[محرين باالخير]

مرحبابك اخوي انا شاري هوندا قبل تقريبا 6 شهور وإستعمالي خفيف حق طلعات بس الصراحه مره رهيب وفعلا صوته هادي مره تقدر تحطه مركا وهوشغال بس سعره لك عليه غالي بس علي الأقل معروف وله وكيل فيه عندهم من 700 وات حتي 2500 وات وإذا بغيت اكثر يجي عادي بدون كاتم وتراه ارخص بس ترا الي بدون صوت يجي 220 فقط مع شاحن بطاريه والله يوفق الجميع

[داود الهاجري]

هلا أخوي المواطير كاتم الصوت نوع هوندا سعرها 1270 ألف ومائتين وسبعون ريال قوة 650 شمعة
ولكيلوا سعره 1500 ريال بس بدون كاتم صوت وعليه ضمان سنه كامله من تاريخ الشراء بس أنصح ان تأخذ اللي قوة كيلوا 1000 لأن الكهرباء تقل قوتها إذا كان أسلاك الكهرباء كثيرة
بتحصلها عند محل الجمعان لقطع غيار السيارات بصناعية النسيم أو رح لشارع الدركتر للوكيل حق هوندا وترها صناعه هندية بس ممتازة وعمليه ..........

[كونكورد711]

سدير1400
عصاقيل الدخله
محرين بالخير
داود الهاجري

الله يعطيكم العافيه
وبالنسبه للواطات
تقريبآ1500
بس ودي اعرف الاسعار للي قوته 2كيلو او 1كيلو

الف شكر لكم

[سدير1400]

سدير1400
عصاقيل الدخله
محرين بالخير
داود الهاجري

الله يعطيكم العافيه
وبالنسبه للواطات
تقريبآ1500
بس ودي اعرف الاسعار للي قوته 2كيلو او 1كيلو

الف شكر لكم

روبن 2 كيلو بـ 2200ريال في شارع الريل بالرياض لكن قبل لا تشتريه تأكد انه اصلي

[كونكورد711]

الله يعافيك

[metub1404]

والله فكة من الازعاااااااااااااج
ويعطيك العافية

[فهد الميهوبي]

شوف اخوي انا شاري واحد قبل فتره 2000شمعه
وكاتم صوت
من شركه هوندا
خذه ورااااح تدعيلي
قيمته غاليه لكن الغالي يرخص
3500 ريال يباني

[كونكورد711]

اخوي فهد الميهوبي

كفيت ووفيت الله يعطيك الف عافيه

بس بودي اعرف كيف صوته هل هو خفيف ام لا يعني فيه فرق بينه ووالعايدي
وهل فيه غيره كاتم يعني نوع غير الهوندا
ولك تحياتي


محبكـ

كونكورد

[محرين باالخير]

مثل ماتفظل الأخ فهدالميهوبي مشكور اما بالنسبه للصوت فرق كبير مره الي بدون كاتم غير انه مزعج تلقاه من قوة الصوت يتحرك من مكانه لين يوصل المخيم الي جنبك اما الكاتم تقدر تكلم باالجوال وهو جنبك وتقدر تروح لعبدالله هاشم وتجربه عندهم وإلا إذا انت باالرياض شرفنا في محلنا وجربه بنفسك والله يحييك بأي وقت

[ALBDRANE]

هوندا يمدحونه

[دل البحار]

الافضل على الاطلاق هوندا معايه واحد قوته 2 كيلو كاتم صوت يطربك
أخت روبن ما ينفع ولا بريال مع الهوندا كاتم الصوت مررررره ممتاز وبتدعيلي من عقبه وسعره غالي لكن لك وللزمن خفيف اقتصادي بالبنزين بريال يكفيك 5 ساعات وزود تلقاه عند عبد الله هاشم ياباني اصلي

[تربة الشمال]

الافضل على الاطلاق هوندا لاكن لايوجد كاتم صوت ,,,, تحياتي