(((&رآبطة ملاك البآترول من موديل 1988 إلى 1997 م &)))

[خبايا انسان]

السلام عليكم اصدقائي واخواني الاعزاء

السوحه انقطعت فتره عن المنتدى
ويعلم الله اشوف الرابطه من فتره لفتره ولله الحمد اليوم تمكنت من الرد فيها

وابشركم موتري ضبطته وما يبغي له برغي
وماشاء الله مشيه على 200 و 195 مايوقف



وان شاء الله بنزل الصوره اليوم وتشوفونه

وش كان مشكلة الموتر اول ؟

[خبايا انسان]

السموحه يا اخواني ماعرفت انزل الصوره كله يكتب لي عرض الصوره وارتفاعها غير مناسب

وش الحل

الحل انك ترفع الصور على اي موقع للرفع , ثم تنزلها هنا على شكل روابط

[خبايا انسان]

يا أخوان عندي باترول 91 نقص زيت بالخط طبعا المشوار 1200 كيلوا
بالديرة ماينقص وش رايكم مع انه مافيه تهريب ولا فيه دخان ابيض او ازرق
الزيت المستخدم سوبر جتي الفوكس علبه بلاستك

طبيعي جدا ولا تخاف ,,

كم نقص علبه ف الخط ؟ وكم كانت السرعه ؟

[بلوز بلوز]

السلام عليكم جميعا ..

ياخوان انا معي باترول 92 وودي اركب علية ديلكو الكتروني ... وش اسوي اشترية من التشليح والا اروح لورشة والقاه جاهز عندهم والا وش العلم ... علما اني من سكان الرياض ... والي خابر شي او عندة للبيع يعطيني خبر الله لا يهينكم

حياك الله اخوي راعي الصنف عندك ورشة اسمها ورشة المنصور في الصناعية القديمه
مخرج 17 يؤمن لك الديلكو والقطع الاضافيه معها ويركبه لك ويقوم بوزنه لك والتكلفة تقريبا مع شغل اليد حوالي 1600 ريال

[جنط]

السلام عليكم ورحمة الله وبركاته


يا أخوان الله يمسيكم بالخير عندي باترول ربع ودي اضيف تانكي بانزين على حق البلد

وش رايكم وكيف جتني كم فكرة لاكن ودي بافكاركم حتى لو اوقف واشفط بلي عادي من

التانكي الاضافي


علمن بأني ما ارتحت للتانكي اللي يركب بدل حق البلد مثل الاسترالي وحق الانجاز

لكثره خراب الطرمبة



تحياتي لكم

[مجالس الرجال]

طبيعي جدا ولا تخاف ,,

كم نقص علبه ف الخط ؟ وكم كانت السرعه ؟

اشكرك على تجاوبك ولا يهون الربع
نقص تقريبا ثلث علبة والسرعة في الغالب 130 وفيها
وشويات 150 و 140
عندي حرة وارعشة عند سرعة 40 و 60
فكيت العمود الخلفي وجربت الموتر صافي مابه كلام
ركبت وجربت عمودين من التشليح بس نفس المشكلة
بدلت الجنوط الخلفية بهلل صيني برضة نفس المشكلة
وش تتوقعون منه يا اخوان

[بو_خليفه]

وش كان مشكلة الموتر اول ؟

هلا اخوي خبايا انسان




تشرفنا بوجودك

مشكلته قبل كان يقطع ريسه على ريس 4 والطبيعي والمعروف بالنيسان يوقف ريسه عالاخر 5.2 خمسه وشخطتين

بعدها وصفني واحد من الربع اني ابدل الكويل واركب مكانه كويل انجكتر الكتروني للعلم موتري كاربيتر 4500

والحين من ركبته الكويل الحمدلله يمشي طبيعي وريسه يوقف على خمسه وثلاث شخطات

واحيانا امسك مع النيسان 4800 موديل 2005 فالخط لما امشي


وميزانية الديلكو الالكتروني اللي عليه 11 درجه والطبيعي من 8 الى 10




الصــــــور انتو وحظكم اذا اشتغل الرابط










ولاتنسى ذكر الله

[lowly]

اخواني وين احصل شبك الباترول السلقه شد البلد اللي يجي لونه رصاصي مطفي ؟

[خبايا انسان]

السلام عليكم ورحمة الله وبركاته


يا أخوان الله يمسيكم بالخير عندي باترول ربع ودي اضيف تانكي بانزين على حق البلد

وش رايكم وكيف جتني كم فكرة لاكن ودي بافكاركم حتى لو اوقف واشفط بلي عادي من

التانكي الاضافي


علمن بأني ما ارتحت للتانكي اللي يركب بدل حق البلد مثل الاسترالي وحق الانجاز

لكثره خراب الطرمبة



تحياتي لكم

شوف ياخوي ,, بالنسبه للباترول من 97 وتحت ,, لا تتعب نفسك ولا تحاول انك تفصل تانكيين لانه يبغى له تأسيس كهرب ويبغى له عوامات ويبغى له مجاري وليات يعني راح يكلفك فوق المعقول ,, الافضل تغير تانكي البلد ب تانكي كبير ,, استرالي مثلا او في ورشه بالمجمعه ,, وبامكانك فوق هالتانكي تحط قاعده جركل وبامكانك تختار الجركل المناسب ,, والله اعلم

[خبايا انسان]

هلا اخوي خبايا انسان




تشرفنا بوجودك

مشكلته قبل كان يقطع ريسه على ريس 4 والطبيعي والمعروف بالنيسان يوقف ريسه عالاخر 5.2 خمسه وشخطتين

بعدها وصفني واحد من الربع اني ابدل الكويل واركب مكانه كويل انجكتر الكتروني للعلم موتري كاربيتر 4500

والحين من ركبته الكويل الحمدلله يمشي طبيعي وريسه يوقف على خمسه وثلاث شخطات

واحيانا امسك مع النيسان 4800 موديل 2005 فالخط لما امشي


وميزانية الديلكو الالكتروني اللي عليه 11 درجه والطبيعي من 8 الى 10




الصــــــور انتو وحظكم اذا اشتغل الرابط










ولاتنسى ذكر الله

ماشاء الله تبارك الله ,, الله يطعمك من خير الموتر ويكفيك شره ,,


موتري ربع والمكينة الي عليه 4200 كربريتور ,, لاكن تراودني الافكار اني استبدل المكينه ب مكينه 4500 كربريتور ولا ادري هل فيه فرق يستحق التغيير ام لا ؟ ؟

لاني افكر مستقبلا اني اركب مكينة لكزس او فكسار ,, ف جتني فكرة جديدة اني اركب مكينة 4500 كربريتور او بخاخ << ليش لا ,,


طبعا السعر بيكون ارخص بكثير من اللكزس والفكسار وكذلك الكهرب والتحويلات والكراسي ابدا مارح يكون فيه لخبطه ,, لكن هل الفرق بيكون يستحق ؟ مع العلم ان الموتر ربع وراح يكون خفيف الوزن ,,


** ملاحظة ,, ما اطمح ان يكون موتري موتر سباق او تطعيس , فقط ابغاه فزة ف الخط وللمكشات وقليل الصرفيه ,, والله اعلم

[بو_خليفه]

ماشاء الله تبارك الله ,, الله يطعمك من خير الموتر ويكفيك شره ,,


موتري ربع والمكينة الي عليه 4200 كربريتور ,, لاكن تراودني الافكار اني استبدل المكينه ب مكينه 4500 كربريتور ولا ادري هل فيه فرق يستحق التغيير ام لا ؟ ؟

لاني افكر مستقبلا اني اركب مكينة لكزس او فكسار ,, ف جتني فكرة جديدة اني اركب مكينة 4500 كربريتور او بخاخ << ليش لا ,,


طبعا السعر بيكون ارخص بكثير من اللكزس والفكسار وكذلك الكهرب والتحويلات والكراسي ابدا مارح يكون فيه لخبطه ,, لكن هل الفرق بيكون يستحق ؟ مع العلم ان الموتر ربع وراح يكون خفيف الوزن ,,


** ملاحظة ,, ما اطمح ان يكون موتري موتر سباق او تطعيس , فقط ابغاه فزة ف الخط وللمكشات وقليل الصرفيه ,, والله اعلم

آمين يارب العالمين

وانا ماحسيت بفرق كبير بين مكينة ال4500 عن مكينة 4200 ولكن اللي بيطلع الفرق بينهم انك تركب عليه كام كاربيتر وتشوف الفرق


بالنسبه للمكينه ماتفرق في شي ابد اللهم اذا ركبت بخاخ لازم كهرب وفيول شغلات بسيطه

والا تركيب المكينه كاربيتر يحتاج فيول فالتانكي(طرمبه) ووصلة مرجع للبترول

لاني ركبة فيول فالتانكي نفسه فيول اللكزس وبسبب ضخه للبترول الزايد حطيت له وصلة مرجع والحين مايقطع


تحياتي للخدمه موجووووود

[خبايا انسان]

آمين يارب العالمين

وانا ماحسيت بفرق كبير بين مكينة ال4500 عن مكينة 4200 ولكن اللي بيطلع الفرق بينهم انك تركب عليه كام كاربيتر وتشوف الفرق


بالنسبه للمكينه ماتفرق في شي ابد اللهم اذا ركبت بخاخ لازم كهرب وفيول شغلات بسيطه

والا تركيب المكينه كاربيتر يحتاج فيول فالتانكي(طرمبه) ووصلة مرجع للبترول

لاني ركبة فيول فالتانكي نفسه فيول اللكزس وبسبب ضخه للبترول الزايد حطيت له وصلة مرجع والحين مايقطع


تحياتي للخدمه موجووووود

دام مافيه فرق بين ال 4200 وال 4500 ف الافضل نشيل الفكرة

[السفاري91]

يا الربع اذا صار الموتر بارد وشغلته يطلع من الشكمان مثل رذاذ الزيت يجلس شوي بعدين يختفي

وش علته؟

[خبايا انسان]

يا الربع اذا صار الموتر بارد وشغلته يطلع من الشكمان مثل رذاذ الزيت يجلس شوي بعدين يختفي

وش علته؟

والله اول مرة اسمع هالمعلومه يطلع مثل رذاذ الزيت ,,


شف ياخوي ممكن انه كربون ,, تعرف بعض الاحيان تكون مواصير الشكمان بارده ومنديه ومع الحراره تذوب او تكون مثل الماء ,, ومع هذا يكون الشكمان اسود جدا من الكربون ف الماء يختلط مع الكربون ويصير سائل ويطلع مثل الرذاذ اذا دعست , حتى انه يوسخ ثيابك او تشوفه مقطر ف الارض << عموما هذا التشخيص طبيعي جدا وتصير ف موتري ,,


لاكن اذا فيه اعراض ثانيه مثل نقص الزيت او الراس منشعر ويهرب للقزوز ف عليك بالميكانيكي ,,


والله اعلم

[السفاري91]

والله اول مرة اسمع هالمعلومه يطلع مثل رذاذ الزيت ,,


شف ياخوي ممكن انه كربون ,, تعرف بعض الاحيان تكون مواصير الشكمان بارده ومنديه ومع الحراره تذوب او تكون مثل الماء ,, ومع هذا يكون الشكمان اسود جدا من الكربون ف الماء يختلط مع الكربون ويصير سائل ويطلع مثل الرذاذ اذا دعست , حتى انه يوسخ ثيابك او تشوفه مقطر ف الارض << عموما هذا التشخيص طبيعي جدا وتصير ف موتري ,,


لاكن اذا فيه اعراض ثانيه مثل نقص الزيت او الراس منشعر ويهرب للقزوز ف عليك بالميكانيكي ,,


والله اعلم

التنقيص الطبيعي للزيت بمقدار كم في العموم