مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم. أخواني الله لايهينكم عندي باترول 92 فيه رجه قويه مرره بالدركسون اذا طحت بحفره أو طريق ماهو مستوي ما تروح الين انقص السرعه الى 50 وفيه رجه ثانيه متوسطه من سرعة 80 الي 120
..غيرت مساعد دركسون و ذراع دركسون و ترصيص أرضي و ركبت له جلبتين كبس بالمخرطة الضاهر حقت عمود التوازن و وزن لي الرمانات الاماميه و الجنوط شد بلد و سليمه وبعد الشغل هذا و الخساير كأني ماسويت شيء أبد أبد
خساير على الفاضي لكن انشاء الله ألقى الحل عندكم ايش أسباب الرجه غير الي صلحتها
و المعذره على الاطاله
اخواني عندي باترول مديل 93 الكهربا تعبانه شوي هل احصل ضفيره جديده له وكم سعرها
والسؤال الثاني بكم احصل بدي نضيف من الصدا والسمكره
والاهم عندي الخرطوش حق الرديتر يحجر والماء ماينقص وان فتحت الغطاء القاه ضاغط هواء هل الغطاء يسوي كذا وعيار زيت المكينه هل له بديل
وابي افضل القطع غير الاصليه لكباس النور والانوار كامله والاهم الرباطات وش حلهن يا أخوان موتري يحتاج رباطات وكراسي قير ومكينه ولكم الشكر انتضر ردكم
اخوي سعود
السلام عليكم ورحمة الله وبركاتة
ناخذها وحده وحده ( 92 فيه رجه قويه مرره بالدركسون اذا طحت بحفره أو طريق ماهو مستوي ما تروح الين انقص السرعه الى 50 )
فيما اعتقد لا تخلو من شيئيين
اولهما ( كراسي المكينة )
ثانيهما ( كراسي القير )
( وفيه رجه ثانيه متوسطه من سرعة 80 الي 120 )
اعتقد والعلم عند الله بان عمود الدوران يحتاج الي ترصيص
اتمنى اني افدتك ولو بالقليل
تحياتي لك
ودمت بود
ابو مازن
يااخوان ابي منكم الفزعه عندي باترول 91 توني موظب قبل شهر وطلع عندي تفتفه وفحصنا البواجي وطلع رقم 2 و3 و6 منتهيه مادري بنزين او كربون وكل مارحت عند ورشه كل واحد يقول كلام ونسويه ومافي فايده قد جنني ابي رايكم ومشورتكم من ناحية الكربريتر اخذته قبل سنه جديد من الوكاله وابي منكم ترتيب اليات حق الكربريتر باقي هي احتمل انها منها قد جنني ارجوكم فزعتكم
اكتشفت ان مافيه تفاعل ابد ماعلم ايش المشكله ولاكن حاب اعرض لكم ماهو جديد لدي وحصري
أولا بعد البحث والتحري اكتشفت ان كمبريسر السدرك مديل 2000 هو نفس كمبرسر الباترول ال4200 هو نفسه بالضبط
والعجيب انه نفس كمبريسر الددسن
والي الان ابحث عن الديلكو وسوف القى له جواب الي هو ديلكو الاتيما السته السلندر الكبليتر مديل 93وحولها
ابي ابحث عنه وان شاء الله انه يركب بدال ديلكو الباترول المتعب
البحث جاري عن باكم الاتيما والكبليتر
والمراتب الاماميه انا متأكد ان فيه نوع يركب على الباترول من السدرك او الاتيما او ال L200
وانتضروني
وانا اريد شخص يردعلي بسؤالي سابقا ولكم اللف شكر
يشرف الانضمام إلى قروب الباترول
اخوك أبو خلف
باترول موديل 91
سؤال انا لقيت التيما مخبطه ودي اشري الكبليتر حقها ولاكن سؤال هل هو يركب بدون ترهيم او لازم ترهيم ارجوو الرد للي ركبه ولكم الشكر
............؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟....... ..................
السلام عليكم ورحمه الله وبركاته
ي الربع انا معي باترول 96
وعندي مشكله مادري وش اسوي لها
الديلكو ذبحني هل هو السبب تحديد او معه شيء ثاني
موتري صافي ولله الحمد
لاكن عزمه طايح بزود اطرف موتر اساقطه يروح علي بالقومه
فريت الديلكو كم من مره ووزنته اهو وهواء الكلبيتر لاكن نفس المشكله
وش الحل لو تفضلتوا ..
هل اركب ديلكوا الكتروني وكويل 4500 ؟
او اركب القطعه اللي تقلب الديلكو الكتروني
السلام عليكم
مساء الخير جميعا
عندي باترول 92 مركب كت كامل بحريني
إذا مشيت والمكيف شغال يجي رطوبة بالدعاسات اللي تحت الرجلين أكرمكم الله السائق و المعاون ويجي ريحة ماء مدري وش السالفة؟ ؟؟
دورت تهريب ماء مالقيت شيء
التهريب من الثلاجه الحار الغ الليات وجرب
يااخوان ابي الفزعه حصلت لي باترول فل كامل سوبر سفاري دفلك وبخاخ و و و و.
الي ابي اعرفه الفل كامل هل يجي بدون جناح وسله؟
طبعا موديل الموتر 97
الذين يشاهدون الموضوع الآن: 1 (0 من الأعضاء و 1 زائر)