(((&رآبطة ملاك البآترول من موديل 1988 إلى 1997 م &)))

[أبو سندس]

ولد حمد يعطيك العافية على الموضوع والرابط المميز وانا معكم معي باترول 1992 بدي شد بلد بودي وماكينة مانفكت ولله الحمد بس عندي طقطقه خلفية اظنها من الكعكات لأنهن راكبات فوق الياي وش رايك لو اخليهن تحت الياي حيث اني نفظت جلد اللي تحت كامله ارجو الرد

[بوحازم الشنفري]

بوحازم الشنفري مشاء الله وش هالمزيون موترك ؟؟
الله يطرح به البركه يااارب ولا تحرمنا من مشاركاتك واي رأي عندك ونا اخوك او موضوع يكون هنا بالرابطه عشان الكل يسهل عليه البحث ويستفيد ..

ما عليك يا ولد حمد تسلم لي ترى حسيت نفسي في بيتي من كذا دخلت في الجو طوالي مثلما تقولون

بإذن الله وجودي بيكون دائم بإذن الله، وبعد الرد التالي راح أطرح ملخص شغلي في الباترول هذا

ولد حمد يعطيك العافية على الموضوع والرابط المميز وانا معكم معي باترول 1992 بدي شد بلد بودي وماكينة مانفكت ولله الحمد بس عندي طقطقه خلفية اظنها من الكعكات لأنهن راكبات فوق الياي وش رايك لو اخليهن تحت الياي حيث اني نفظت جلد اللي تحت كامله ارجو الرد

يالغالي والله ما فهمت فكرة الكعكات ولا الياي مادري لو عندك مرادف

مقتبس من رد لي في موضوع آخر:

خراباته سببها التلبيق، ولما تبدل كل شيء بالمستعمل، في أمور لازم تبدلها بشيء أصلي، ولو من الوكالة وأسعارها رخيصة لأن قطع الباترول بهذا الموديل صارت تتصنع في مصانع نيسان بتايلند، وكثير من القطعة أشتريها من الوكيل.

سيارتي 97 وكانت مبهذلة بشكل لا يتصور من صاحبها السابق، الزين إن جسم السيارة مرتب مافيه تعرجات "ما شاء الله" ولا الربلات ومن داخل مبهذل بها، اشتغلت عليها شوية وجبت نتايج مرضية وشخصيا مش مفكر أبيعها بأقل من 60 الف ريال سعودي مع إني شاريها بـ16 الف قبل سنة تقريبا! لأنها السيارة الثانية ومش سيارة الاستعمال اليومي.

زمان قبلما أركب هالموديل خصوصا كنت أتقزز منه على الرغم من شكله اللي كان يعجبني منذ التسعينات، بس كنت أفكر سواقته مملة، وللأمانة ولا يزعلون مني الشباب سواقة الشاص واللاند مملة والتويوتا عموما وبصراحة تقصر العمر وهي خلتني أفكر إن الباترول كذا، ولكن بعدما جربت وحدة نظيفة جدا موديل 89 وكنت باشتريها بحوالي 17 ألف، انصدمت جدا مع إنها أضعف بمراحل من حقتي اللي اشتريتها لاحقا الانجكتر، وفكرة شرائي لها كان سببه أولا لأني نيساني حتى النخاع وأريد سيارة لقضاء حاجتي في الأودية والرصد البيئي كسيارة ثانية إضافة إلى موتري انفينيتي M45 موديل 2007.

يعلم الله إني بعدما اشتريت الباترول اني تدريجيا كرهت سواقة الانفينيتي، ياخي فعلا في فرق بين تسوق موتر وموترة، سيار وسيارة، ذكر وأنثى، لأن الباترول فعلا ذكر!

كانت أول سنة مليئة بالجولات للصناعيات، وكان أسبابها في الغالب بسبب التلبيق، اشتريتها والسيارة فيها هذي البلاوي اللي صلحتها:

- فتحتات المكينة حقت الراديتر مبهذلة.
- الكلتش محروق عن بكرة أبيه.
- الربلات كأن كلب أكلها.
- الداخلية وسخة والتخشيبة حول الجير مكسرة وتدخل حرارة بسيطة.
- الراديتر يسرب.
- المكيف خربان والبرادات والمكيف المركزي الخلفي.
- جزوز مزعج جدا بدون دبات قياس 3 إنش، يعني تمر بآخر الليل برمضان تنوب عن المسحراتي!
- ميزانية المقود مشي حالك.
- التواير بدون ميزانية.
- عجلة مضروبة ومصلحة تلبيق.
- مروحتين مكسيما موصلات بواير واحد بدون فيوز نحيف ويصلح للمبات فقط! وكل مرة تحترق.
- الانجكترات متفحمة ولها عمر طويل ما تبدلت!
- الباب الخلفي للشنطة ما ينفتح إلا من الداخل.
- النوافذ أغلبها ما تنفتح "للحين ما ضبطتها كلها زين"، وكان باب الراكب الزر طالع برا تقول مصارين ضب.
- بطارية مائية مستهلكة تشتغل انت وحظك.
- ضربة بسيطة نسبيا في مؤخرة السيارة خلف التاير الايمن.

وغيرها مما يحضرني، وكملت السالفة وصدمت قلاب "شاحنة حاملة طين" وصلحتها بحوالي 7 آلاف ريال سعودي، منها فصلت راديتر جديد بـ3 عيون مع ماي تويوتا وبدلت شبكتها، والمقدمة تكسرت بشكل عام وبدلت البونيت "الكبوت" والمتجار الأيسر والصدام والشبك والأنوار على اليسار، ونزلت المكينة وصلحت بقيمة زهيدة فتحات المكينة بس تكلفة التنزيل مكلفة بحوالي 1300 ريال سعودي، فصلت وايرات منفصلة وسميكة مع فيوز مستقل للمروحتين للتبريد، ووصلتهم بالبطارية اللي بدلتها بوحدة نظيفة حقت جمس الكترونية 70 أمبير، ومن بعدها المراوح عال العال. للعلم لما كانت تتوقف كل المراوح أروح الصناعية بدون مراوح مسافة 13 كم وأدور على الجراج، والحرارة ما توصل المنتصف! ما شاء الله ^_^

بدلت جميع الأنوار حتى تجي نظيفة أكثر من برا لأن النور الخلفي صار بدل أحمر وردي من كثر انه مستهلك! وصبغتها كانت ممتازة بس كلون ما عجبني وغيرتها للأسود المطفي أول مرة بعدين أسود لامع عشان أجددها بالشرطة.

وبدلت كلتش من الوكالة بحوالي 1050 ريال سعودي وكراسي الكلتش من الوكالة أيضا لأن كراسي الجير كانت مكسرة من أول وأنا أشوف السواقة غريبة والجير مرات ما يركب زين.

بعدين ارتحت شوية من الصناعية، بديت أهذبها:

قمت بتلبيس الأرضية فوق طبقة الوكالة بأرضية حمراء بقيمة 450 ر.س وطربال 180، ونزعت التخشيبة المبهذلة حول الجير عشان يكون القماش مغطي على الجير 100%، وفصلت جلد أحمر للجيرات مع جيوب يغطي أيضا لتصير 3 طبقات وانسى شيء اسمه حرارة بشكل نهائي، وضيف عليها اشتريت صوف أصلي بحوالي 180 ريال أسود وحوطت على الجيرات ويغطي على التلبيسة الجلد الحمرة للجير يبقيها فقط في الأعمدة.

كان هذا بعدما غسلت السيارة بالكامل وعمل بوليش بالمكينة للبودي، وشفت شكل التلبيسة البيج لازال مرقع كما أن البيج القماش شكله تافه، قمت بتلبيس السقف بالجلد الأسود بـ350 ر.س، وغطية المقاعد بقماش خفيف بـ100 ر.س، وتطريز الأبواب بالجلد الأسود والأحمر مرورا بجوانب السيارة في الخلف بـ600 ر.س مع مخمل الأبواب السفلي، وقمت بتديل السماعات الأربعة بسماعات سوني بـ440 ر.س، تصليح الإنارة العلوية وتغطيتها بأغطية الوكالة الأصلية بدلما كأنك في خرابة بنجالية وكانت موجودة بالدرج.

قمت بتبديل المساحات اللي أتوقع ما تبدلت من قرون طبعا بسعر زهيد وتجاري، وقمت بتفصيل وتركيب مكينة بخاخ ماي حق رنج روفر قديم مع تسليكات وبخاخات تجارية على البونيت "الكبوت" وتوصيلها بحوالي 170 ر.س، كنت أريد أصلح المساحة الخلفية وبخاخها بس أجلت الفكرة.

اشتريت كاميرا بلوتوث وشاشتها للرؤية الخلفية وتفصيل زر مستقل بدل تشبيكها بالريوس بـ500 ر.س، وتصليح تسليكات الكشاف الخلفي اللي كان موجود اصلا. تصليح 3 اقفال معطلة في السيارة منها الشنطة وعمل جهاز فتح من بعد بـ350 ر.س. تبديل ربلات النافذة للراكب الأمامي الداخلية من الوكالة بحوالي 90 ر.س، تبديل البوشات في المعاونات الأمامية مع استبدال السيلات حقت الدفريشن الأمامي اللي كانت تسرب آيل الدفريشن منها من الوكالة القطع بحوالي 250 ر.س، وتبديل صحون البريك الأمامية و4 صفايف "سفايف + فحمات البريك" تجارية بحوالي 350 ر.س، تصليح المكيف وتبديل الكمبريسر بمستعمل بحوالي 350 ر.س وكان ثلج لدرجة إن برا كانت الحرارة 35 الظهر وانت ركبك شوية تتكسر من البرودة، ويمكن لأن وضعية الكمبريسر ما تريحه اخترب وبدلته مرة ثانية بحوالي 400 ر.س ونقصت البرودة زيادة عشان يعمر وبرودته زينة لا بارد بارد ولا حار.

مع غسيل السيارة بالديزل طلعت الربلات تتأثر وتتفتت البوشات، فأنصح بتجنب استعمال الديزل ويفضل الزيت العادي وحتى لو جديد زين ترى فرق بسيط "10 ر.س" في التنظيف السفلي، عموما بدلت 8 بوشات لكل السيارة اللي قلبت عصافير من الصرصرة وكان عندي تاير داخل وتاير بارز وطلع المعاون مضروب وبدلته وصلح لي الأمور من تحت زين بحوالي 1250 ر.س، ونبهني على سالفة الديزل في التنظيف ووراني البوشات المفتتة وهو يشتغل أمامي.

ولازلت ما خلصت 100%، كنت أريد أبدل كل الربلات حقت الأبواب والنوافذ بس تكلف حوالي 2100 ر.س.

ووعلى طاري الأنوار وإني بدلت بعضها كان باهت والآخر مشقوق بحوالي 350 ر.س تجارية ضفت لمبات أمامية هالوجينية من شركة BOSCH أفضل 50% زيادة عن التقليدية وعمر أطول ومدى 20+ متر زيادة، وأنا أكره الزينون في سيارات الكرف والإنارة ممتازة بالمقابل، وسعر اللمبتين حوالي 50 ر.س.

الصبغة الأولى المطفي كلفت فقط 500 ر.س، الثانية حوالي 180 ر.س مع السمكرة.

الإطارات يوم خذيت السيارة مستهلكة، وركبت تواير مستعملة بس نظيفة وأكبر شوية، وفكيت المداعس الجانبية حتى يطلع شكلها مرتب أكثر.

إجمالي الخساير مع الحادث تقريبا 13-14 الف ريال سعودي، ولا أملك ولا ذرة نية لبيعها

قمت بتركيب هيدرز ودبة وسطية "السويدي - الإماراتي" بحوالي 1250 ر.س، مع دبة شاص كاتمة وتفصيل 2.5 انش، الصوت اللي يطلع واضح وجيد ويبرز عند 3 وقبلها ما يهتمون فيه الشرطة ومريت من 4 نقاط تفتيش زي العسل.

ركبت مخفي في الزجاج الأمامي بالكامل 30%، وفي الجامتين الأماميتين 40%، والوسطيتين 60%، والخلفيتين والشنطة 80% عازل حراري تجاري بحوالي 300 ر.س، ويعطي فرق هائل في راحة السياقة وينسيك الشمس.

واشتريت مؤخرا خارطة GARMIN Oregon 550 مستعملة مع خوارط طوبوغرافية + مدنية + طبيعية شبيه بجوجل مابس، وبصراحة زي العسل، وهي تركب وتؤخذ في الترحال على الأقدام.


لمشاهدة الصور "107 حتى الآن":

$$- نيسان باترول 1997 عبر طبيعة ظفار، لا يفوتكم *_^

كثرت في الكلام، ولكن لا تلوموني ترى أتكلم عن باترول 97 ولازالت السيارة قيد التعديل والتضبيط.

سيارتي ما شاء الله تعتبر بالنسبة لمعظم النياسين من نفس الموديل اقتصادية، الخزان يمشي 450 كم تقريبا لو نقيسها لين ينظفي، وحوالي 400-420 قبلما أعبيها قريب E، وهذا صعودا بالجبل وتجوالي بالمدينة، أهم شي ما تزيد عن 120 بالسرعة.

[قرضاب]

أتوقع الراس

يادافع البلاء يارجال تفاءل بخير روعتني الله يحفظك

[قرضاب]

هلا اخوي قرضاب الموديل عادي .. مثل خووي موتره ربع وكاتبين 4 ابواب ..
مشاء الله كيف المكينه معك ؟!! وهل شاري الموتر مركبن به المكينه ولا انت مركبه ؟؟
وبالنسبه للحراره من متى وهي معك كذا دام تقول كل شي سليم ؟؟!!
طيب شف كل تسمع صوت تبخير من القربه ؟
وتاكد من اللي الصغير الي طالع من الرديتر رايح للقربه يمكن به شق ؟
ولا يمكن مراوحك مهب زاك الزود ؟ وش مراوحك حقات اي موتر نسيان ؟

أبد أخوي لاتبخير ولا ينقص الماء عرضتها على محل تنظيف الراديترات ويقول مافيه حرارة مع أن العداد على النص والمشكلة مايجي ترهيم عداد خارجي مثل اللي يركبون أصحاب الشفر فوق ركبت السواق

[قرضاب]

عادي، ترى سنة الصنع 96 والموديل 1997، مثلما تشتري موديل 2012 بعد كم شهر وانت عادك في 2011

أما بخصوص الراديتر، من تجربة شخصية:


رأس شافط هواء تجاري - Air intake
5 OMR

مروحتي تبريد المحرك - نيسان ماكسيما، واير سميك لكل مروحة مع فيوز موصلة بالبطارية مباشرة، مع توصيل مباشر لمروحة المكيف (بمجموع 3 مراوح)

مبرد المحرك (راديتر) ثلاثي المنافذ - تفصيل
50 OMR

والمكينة مرتاحة صارت الحمد لله وهذا بعد الرجوع من جولة



بقية الموضوع:

http://mekshat.com/vb/showthread.php?t=432081

بس تحتاج ترفع الـrpm لاحقا حتى ما تضعف كهربا السيارة.

بو حازم الله يعطيك خيرة ويكفيك شره ماشاء الله تبارك الله
أنا موتري خاص بالبر والطلعات وماودي أحط الحرة فيه محافظ عليه من المطارد والمطامر وعندي موتر جديد عائلي جمس للديرة لكن أنا اشهد انه يعقب عن الباترول ثقه وصوت يطرب

[بوحازم الشنفري]

بو حازم الله يعطيك خيرة ويكفيك شره ماشاء الله تبارك الله
أنا موتري خاص بالبر والطلعات وماودي أحط الحرة فيه محافظ عليه من المطارد والمطامر وعندي موتر جديد عائلي جمس للديرة لكن أنا اشهد انه يعقب عن الباترول ثقه وصوت يطرب

تسلم يالغالي

ترى الباترول هو حق بر ومطامر بس طبعا باتزان، يعني ما تعاملها بحقد هههههه

أهم شي تهتم في بعض الأمور، وصدقني بعدين راح تنسى الجراجات، خصوصا لو انت اصلا ناوي تمسك السيارة وما تبيعها

++++++++++++

ملاحظة لمدير الرابطة، ترى العنوان مكتوب "ربطه" مادري هل المقصود كرفتة ولا كيف ؟؟

[رقاب الضرابين]

السلام عليكم ورحمة الله وبركاته
تقبل الله صيامكم وقيامكم
اخواني الاعزاء انا من العراق
عندي بترول 2007 فل عادي 4500
\بحني بصرف البانزين وما به عزم ومع الخط يكدش
جيت قبل يومين للكويت وشفت يرهمون مكاين لكسزز على البترول
هل تنصحوني اشري بترول ورهمه وهل الترهيم ناجح وشلونه بصرف البانزين
افيدوني جزاكم الله خير

[سفااري]

انا معكم وش العلم موتري 97

[ابومازن2]

أبد أخوي لاتبخير ولا ينقص الماء عرضتها على محل تنظيف الراديترات ويقول مافيه حرارة مع أن العداد على النص والمشكلة مايجي ترهيم عداد خارجي مثل اللي يركبون أصحاب الشفر فوق ركبت السواق

هلا وغلا فيك
1- شيك على السنسر حق الحرارة الي فوق صغير يوجد نوعين منه فية واحد لونة اسود تجاري وواحد لونة ازرق حطة يجي فوق المكينة يمدحونة .
الي داخل فية السلك للسنسر

2- شيك على الديلكو ووزنيته
3- شييك على طرنبة الموية

تحياتي لك
ابومازن

[ولدحمد]

أبد أخوي لاتبخير ولا ينقص الماء عرضتها على محل تنظيف الراديترات ويقول مافيه حرارة مع أن العداد على النص والمشكلة مايجي ترهيم عداد خارجي مثل اللي يركبون أصحاب الشفر فوق ركبت السواق

هلا اخوب قرضاب صبحكـ الله بالخير ..
هذا الي كنت بقوله لك ..
الا يركب بس درو لك الاصلي ولا غير الانبير تراه سهل رح لم التشليح وخله يعطيك طبلون خربان بس الانبير والجهاز حقه الي ورى يشتغل وخذه وفكه تراه مسامير وركبه

[ولدحمد]

أخوي قرضاب صبحك الله بالخير ..
ولا عليك أمر أبي طبلون مثل حق موترك ؟
كم موديله وهل يركب بمكان طبلون عادي بدون RPM ؟؟
قصدي الاسلاك الخلفيه الافياش ؟
واذا ركب يشتغل RPM طبيعي .؟؟ ياليت اذا حولك شي ونظيف تقولي ؟

[ولدحمد]

انا معكم وش العلم موتري 97

هلا وغلا حياك الله أخوي سفااري اسفرت وانورت ياهلا ..
العلم ونا خوك نبي نخلي هالرابط مطرح كل شي خاص بالباترول من موديل 88-97 ..
وتبين تشاركنا كل شي عندك سواء مشكله او حلول او مواضيع خاصه من كل النواحي ..
وباذن الله بتواجد الاخوان كلهم نبي نفيد ونستفيد ولا نبخل عليكم بشي ابد ابد باذن الله

[ولدحمد]

ولد حمد يعطيك العافية على الموضوع والرابط المميز وانا معكم معي باترول 1992 بدي شد بلد بودي وماكينة مانفكت ولله الحمد بس عندي طقطقه خلفية اظنها من الكعكات لأنهن راكبات فوق الياي وش رايك لو اخليهن تحت الياي حيث اني نفظت جلد اللي تحت كامله ارجو الرد

وعليكم السلام ورحمة الله وبركاته ..
هلا بخيي حياك الله بين اخوانك وابركه من ساعه وجودك معنى ..
والرابطه كله بفضل الله ثم بفضل اخوي ابودحيم ..
ومشكله موترك ياحبيلك ابشر بسعدك ..
صوت القطه هذي الي عرفته انه من نفس الياي يضرب ابعض ..
وفيه احد الاخوان الله يجزاه خير قال حل ونا بنفسي كنت اسويه بس للاسف مهب كل شي يجي ابالك ..
شف سلمك الله ..
تجيب لي اسلاك عريض وقوي جدا مقاس 3/4 بطول الياي وتحط بوسطه زيت عشان يدخل بكل سهوله مايدقر ولف عليه الياي وباذن الله يروح الصوت ..
وهذا نقلا عن احد الااخوان الله يبارك فيه ماقول اني انا الي قلته ..
ونصيحه شيك على المواضيع بالرابطه وشف كلامي بخصوص ياي بلد الباترول والحل الامثل للبديل

[بوحازم الشنفري]

السلام عليكم ورحمة الله وبركاته
تقبل الله صيامكم وقيامكم
اخواني الاعزاء انا من العراق
عندي بترول 2007 فل عادي 4500
\بحني بصرف البانزين وما به عزم ومع الخط يكدش
جيت قبل يومين للكويت وشفت يرهمون مكاين لكسزز على البترول
هل تنصحوني اشري بترول ورهمه وهل الترهيم ناجح وشلونه بصرف البانزين
افيدوني جزاكم الله خير

وعليكم السلام ورحمة الله وبركاته

يعطيها قوة طيبة وصرفية تكون اقتصاية تقول 4 سلندر، بس بالمقابل ما تتحمل كرف مثل مكاين الباترول أو على الأقل مكينة فكسار تويوتا، فهناك حكمة من برمجة المحرك على أسس تتناسب مع سيارات الدفع الرباعي، وأيضا تتمشكل في سوالف الفيول بمب والكهربا.

[عاااشق الشمال]

يعطيكم العافيه واااااااااااااااااااااااااااااانا منظم لكم معي باترول 90 وانشاءالله نفيد ونستفيد من بعض


عندي مشكله وابيكم تساعدوني غيرت الشكمان كااااااااااامل بشكمان سعودي لكن ذبحني صووووته مو عاجبني

وغير هذااااااااااااااااا كله كل شوي منكسر من عند الشياااااااااااااااااااال اللي عند الدبه ولا الوصله الاولى منفكه وخربان الوجه

اااااااااااااااااااابي البديل شنوووووووووووووووووو عطوني حل سمعت عن شكمان اليوكن بس مافهمت الطريقه ااااااااااااافيدونا جزاكم الله كل خير

















عاشق