الفزعه ياربع

[الصقار الجديد]

ياخوان انا في الخفجي من كل سنيني ونا معي طير ولا شفت اي حباره الى الكراوين الحباري لييش مو موجودات ونشالله الرد

[حامد الحنيني]

السلام عليكم ورحمة الله وبركاته
صباح الخير
والله وانا اخوك اللي يدور الحبارى يلقاها بأذن الله والدعوه كلها توفيق
لاكن الحبارى دائم تكون بعيده عن الناس تدور الخلى
اما الكروان بكل مكان قد لقاهن واحد من العيال بقطعة ارض وسط بيوت
والله يرزقك بالحبارى اذا بغيت الحبارى بتلقها بأذن الله .

[الصقار الجديد]

الله يعطيك العافيه

[الصقار الجديد]

طيب انشالله الخفجي فيها حباري انا ماشفت ولا حباره

[راعي غضبان]

الله يرزقك بها الحبارى قليله وبعد توفيق من الله اليا من الله كتبها لك تحول على راسها والى على ثرها الله يوفقك يارب بالحباري ويونسك طيرك امين يارب وتقبل تحياتي

[سلاااامات]

الله يرزقك بالحباري أن شاء الله

[راعي هواش]

الله يرزقك التوفيق بيد الله

لكن عندك خبر ان الخفجي من اقوى عبوور للحباري

لكن بعد العقم اللي حطووه

وبعد ماصارت القاع مسطاح مافيها شمع


تجيك توقع على السيف وان طارت تعدت حدود بر الخفجي يم قريه وذيك القااع


لكن فيها عبور ويجي ماهو نفس اول

لكثره الناس وقله الشمع

[alsayad]

الله يوفقك ان شاء الله هالسنه
مادري الخفجي تجيها الحبلرى او لا؟

[طير الهقاوي]

بسم الله الرحمن الرحيم
حياك الله يالصقار جديد
ان شاء الله بيرزقك الله باللي بخاطرك
ولم طيرك
دهله واركد عليه
طلقه ولا تملعه
وهذي بدايه بقولهاا لك
اتعب على الدوره وأن الله اشاء واراد انك تهد عليهاا
طريقة القنص على الساحل الشرقي ترا كن المغيره مغيره من طرت النور خلك بمقناصك
عندك السفانيه وعندك الحمض الي مقابل لراس مشعاب
وعندك الزور
خلك قريب من البحر خله عنك من الكيلو او الكيلو والنصف
امسكلك خط سحراوي يباري للبحر
خل كفر موترك على سايد منه وسايده الثاني استقص معه وان شاء الله انك تقول ابشرو بجرتهاا
وبتهد وتقر عينك
تمنياتي للجميع بالصيد الوافر
واتمنى من الصقاقير جميعهم عدم الغلط على الاخرين وخص بمن تعب عليهاا ولقهاا
تقبل مروري طير الهقاوي

[ابوسرور الرشيدي]

الله يرزقك بلحباري بس يخوك اتعب وتلقاء ان شاء الله

[هاوي بر و صيد]

نشمي يا طير الهقاوي
وربي يوفقك لكل خير يا صقار جديد
عيدكم مبارك ويا رب يوفق الجميع

[الراسي.الراسي]

الله يرزقك

[الصقار الجديد]

طير الهقاوي لله يطول عمرك والله يعطيك الف عافيه ونشالله القى الحباري ولسلام عليكم ورحمة الله وبركاته

[الصقار الجديد]

اطلب من مشرفين المنتدى يغلقون الموضوووووع

[راعي - عديم]

ابوعبدالله تبي توهق الرجال توه جديد
ع الصقاره اكثر المناطق اللي قلتها له
محميه
تقبل مروري طير الهقاوي