ياشباب وش افضل كفرات على الددسن الدبل
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ياشباب وش افضل كفرات على الددسن الدبل
السلام عليكم ورحمة الله وبركاته
الي يخبرلي وين القاء النسافات الخلفيه للددسن الدبل 2008 غير الوكاله لاني رحت للوكاله وقالي بنظلبهالك وقيمة الثنتين بحدود 800ريال ومريت حقين القطع في الصناعيه القديمه وما لقيت ....
وبي فزعتكم ياشباب معي الي يخبرها لي لا يبخل علينا
محبكم في الله
vnb
سجل عندك دبل 2005
وانا من المؤيدين لهذه الرابطه وكرهت رابطه الددسن من تالي خربو
انا ابيكم تشوفون اسئلة ملاك الددسن العادي وصورهم الي طارح موتره وحاط لزقات والي حاط بيت شعر على قفا موتره والي ناصبه والي حاط لزقات حمر ودبه وشكمان وتلميع الحمد لله على نعمه العقل
تكفون الهمه وخلونا نطلع من الددسن العادي الهايلكس حطين رابطتين دبل وعادي
صورة اتمنى تعجبكم
السلااام عليكم ..
هههه ابو تميم شكلك معصب
ومهما يكون انطبااعك عن الاعضاااء براابطة الددسن فهم يبقون اخواان ولهم قدر ومعزه ..
واسلوب الطرح يختلف من شخص لآخر كلن وهواه .. عااد لا تدقق
خذ اللي يصلح لك واترك اللي ما لك فيه .. اللي ما يلوق لك بيلوق لغيرك
والناس فيما يشتهون مذاهبُ
مع اني من أوائل المشاركين برابطة الددسن ومازلت ..
ولكن ما يمنع نشارك هنا نفيد ونستفيد ..
هلااا بكم ..
هلا ومسهلا
بغيت اسئلك عن الشد كم ركبته به
لاني ودي بشد لاكن مهوب ذا الي معك ابيه رص يجيك الشد مشدود مرره
وتكفى لاتبخل علي باي معلومه عن الشد نوعيه القماش واحسن ورشه واحسن محل قماش
الله يحييك اخوي ابو تميم ..
الشد فصلته بـ 450 من اول ما خذت الموتر ..
وانا متعمد ما ابيه مرصوص .. يصير اخف الى النصف تقريبا ..
سويته بورشة الرياض الصناعيه القديمه .. موب شرط .. كل الورش تفصل .. اهم شي السعر المناسب
المرصوص بيجيك دبل الثقل ودبل السعر .. ونا ما عاملت عليه بس اتوقع والله اعلم حول 900 الى 1000 ريال حاليا ..
بالنسبه للطربال سويت اثنين واحد جلد بـ 400 ريال
وآخر تنزاني هالمنظور قدامك في الصوره مع خرجين يمين ويسار
الخرج اليسار به شراع مخيط به 3 في 2 مع العمودين واطناب ..
والخرج اليمين به رواق متر وربع ارتفاع في 8 متر طول سيخ مهوب ماصوره واخرها طنب .. السيخ اقوى
هذا سويته بـ 650 ريال .. الرياض/خريص .. شارع الامام الشافعي عند محل اليوسف جنوب معرض الجميح / همر ..
الله يسهل امرنا وامرك ومن يقراا ..
واي استفسارا لا تردد ما عندي الا حلالك الله يسلمك ..
الله اعلم انك مافهمتني
ياطويل العمر افتح الرابط ذا وانزل تحت http://mekshat.com/vb/showthread.php?t=331347&page=2
ابي حديد مثل ذا يجيك الشد مشدووود مره
وكم يكلف مثل ذا تقريبا
والله اني شقيت عليك اسمحلي
هلااا وغلااا اخوي ابو تميم ..
لا بالعكس والله يسعدني اني افيدك الله يسلمك ..
طيب شف هالرابط .. ان شاء الله تلقى مراادك
http://www.mekshat.com/vb/showthread.php?t=98604
واي استفسار انا حاضر لا يهمك ..
حيااك الله ..
السلام عليكم ورحمة الله وبركاته مساكم الله بالخير جميعا
سؤالي للاخ هبوب حريملاء ولجميع من يملك المعلومة
عندي مثل موترك الدفرنسين و ودي اركب مثل الجنوط اللي انت مركبها
اذا كانت تفرق بالرمل والطعوس عن جنوط بلادها
سؤالي كم حجمها 16 او 15 وكم سعرها وهل هي اصلية او تجارية و وش افضل الكفرات العراض اللي ممكن
تركب على جنط الوكالة وتكون فعالة
وتحياتي للجميع
سجل معك ددسن دبل 2008
ياشباب ابي اسأل عن أفضل جنوط ددسن دبل أبية يكون سخيف ماهو عريض ؟؟؟
وعليكم السلااام ورحمة الله وبركااته
حيااك الله اخوي ابو عميران ومن يقراا
الجنوط اللي عندي 16 .. 8 انش .. تجاري والكفرات 245/70/16 هانكوك كوري
بخصوص جنوط البلد ما استخدمتها من اخذت الموتر فكيتهن يمكن ما مشيت عليهن 40 كيلو
ولا ادري كيف وضعهن .. اما اللي عندي ممتازه وخفيفه وراسيه بالملفات والطعوس
ما اطعس لكن دخلت عدة مرات عادي بس لازم دبل وبعض المرات لابد ثقيل اذا انت في طلعه
اما الرمل مستوي ما يحتاج ثقيل نسم وتوكل على الله .. طبعا انا ما قد دخلت فاضي بدون حمل
انا اطلع ومعي خزانين مويه وعزبه وخلافه غير الركاب .. اتوقع لو كنت فاضي ما احتاج ثقيل ابد ..
اتمنى اني افدتك .. هلااا بك
حيااك الله اخوي عز نفسك ..
الجنوط الكروم اغلبها تجي 8 انش وما فوق ..
جنط الوكاله 5ر6 .. ما يجي مساوي له او اقل من 8 انش الا الحديد ..
ولا انصحك بالحديد لانه ثقيل .. وفيه منها دايو وفيه الهلل مستوبيشي
والكروم اخف شي حسب ما سمعت ولا جربتها هي الجي تي .. مثل اللي بالصوره تحت ..... مع الاعتذار لصاحب الموتر ..
اللي انا مركب هذي حقت سفاري .. وهي نوعين وكلهن جربتهن وزينات فيه مكحل وعادي .. اللي عندي مكحل
انظر الصوره تحت فيها النوعين .............
.
.
.
.
وفيه جنوط نجمه كروم حقت الوكاله وفيه منها تجاري .. بس سخيفه ما هي حلوه على الدفرنسين بنظري ..
اتمنى اني افدتك .. هلااا بك
.
.
.
السلااام عليكم ..
حياا الله كلن باسمه الحاااضر والغايب ..
وفقنا الله واياااكم ومن يقراا الى ما يحب ويرضااا سبحااانه
اللهم ألحقنااا رمضان وارزقنا صيامه وقيامه.. آميييييين
ماشاء الله تبارك الله
مبروك
أنتو هنا
انا من فتره أدور على رابطة لملاك الددسن 4*4
سجل عندك
ددسن دبل 2006 ديزل تيربو
وأي إستفسار أنا بالخدمة
بلغنا الله وإياكم شهر رمضان وأعاننا فيه على الصيام والقيام
الذين يشاهدون الموضوع الآن: 1 (0 من الأعضاء و 1 زائر)