مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلااام عليكم .. ومن العااايدين
حياا الله الحضور كله .. هلااا بكم
ياهلا ومرحبا فيك يا الغالي
منووووور الرابطة
يا اخوان نبي صور دداسن نبي نحرك الرابطة
أخوي عاشق النيسان
السلام عليكم ورحمة الله وبركاته
الله يعطيك خير سيارتك ويكفيك شرها
بأسألك عن عرض كفراتك هل هي 245/70/16
1- كيفها بالنفود إذا نسمتها بحدود 20-15
2- بالخط وصوت الزفلت
3- عزم السيارة على الخط
4- تنصحني فيها والجنوط أو جنوط ال جي تي
لان الكفرات ألي معي 235/85/16
عذراً على الإطاله عليك
دمت بحفظ الرحمن
وعليكم السلام ورحمة الله وبركاته
ياهلا وغلا ومرحبا
حياك ربي
مقاس كفراتي يا الغالي حاليا 235/85/16 جنوط هلل
1- با النفود تمشي ماعليها بس احسها ثقيله شوي اثقل من اول بشوي لان كفراتي قاسيات بشوي اخترتهن لاني راعي بر وشعبان قليل اجي النفود من رايي 10 الهوا ممتاز للنفود
2-با الخط ما تمشي حدها 140 واذا الهوا معك ومع نزله ممكن تاصل 160
3-انا ما ادري وش مرادك انت طلعات بر وشعبان احسن لك جنوط هلل على نفس مقاس كفراتك اما كان تبي خطوط وسفرات خلك على جنوط البلد اخف واريح للموتر مع الخط
واي استفسار ثاني انا تحت امرك
مساك الله بالخير
والله يجزاك خير أخوي عاشق النيسان على الرد الوافي
من ردك ألاحظ أن مقاس كفرات سيارتك مثل مقاس ألي معي
وأنت تقول إنها قاسيات (وأعتقد بسبب نوع الكفر)بعكس ألي معي هانكوك لينه سواء بالخط مع المطبات أو بالنفود وأنسمها بحدود 15-20 على حسب التحميل ونوع النفود ألي أدخلها
ولكن بالنسبة لتجربتك لجنوط السفاري ألي شفتها بردك السابق هل تحس بخفها على النفود بحكم عرضها أو مافيه فرق
أو تنصحني أركب جنوط هلل أخف من جنوط البلد على مقاس ألي معي
شاكراً لك سعت بالك معي
دمت بحفظ الرحمن
مساك الله بالنور والسرور اخوي
ماسويت شي يا الغالي
جنوط السفاري اللي كنت مركبها مقاسها الجنط 15 ماهو 16
ومقاس الكفر هانكوك لين با المره 235/75/15
وخفيفات وللنفود والخط مافيه مثله
بعض الاحيان اركبهن اذا نويت تطعيس لانهن اخف من الهلل الـ16 بواجد واريح للموتر
وانت براحتك بعدين كفراتك مقاسهن 16 ؟؟
اي سؤال او شي مو واضح انا تحت امرك
يا هلا بك أخوي عاشق النيسان
مساك الله بالخير
مقاس كفرات سيارتي 16\85\235
قريبه من ألي معك مع فرق المقاس والارتفاع
وجنوطها هي حقت الوكالة الحديد وأحسها ثقيله بالنفود
وقولك
((بعض الاحيان اركبهن اذا نويت تطعيس لانهن اخف من الهلل الـ16 بواجد واريح للموتر))
هنا إتضحت معي
وشكلي بأنتظر حتى ينتهي عمرها وأستبدل المقاس بأعرض منه 16\70\245 وكذلك الجنوط إلى جنوط جيب السفاري
مثل سيارة حبيبنا العضو ((ددسن 2008)) الله يبارك له فيها
وأنت عارف إن مشكلة الددسن الدبل عزمه لك عليه ولازم تحط له كفرات عريضه علشان تساعدك وانت تطعس بسبب ضعف عزمه نوعاً ما لانه 4 سلندر
لاني جربت ددسن دبل موديل 2000 بنزين مع تغيير له انواع الكفرات والآن معي ددسن دبل 2006 ديزل تيربو
جزاك الله كل خير على توضيحك
وآسف على الإطاله
وأي خدمة حاضرين لك طال عمرك على طاعة الله
دمت بحفظ الرحمن
ياهلا بك أخوي وأسعد الله مساك بالأمطار والخير
الله يبيض وجهك على ردودك وشرحك الوافي
وأسأل الله أن يزيدك من فضله
ويوفقك بالدنيا والآخرة
دمت بحفظ الرحمن
السلام عليكم مطلوب ددسن دفرنسين اي موديل يفضل تكون مكينته بخاخات الموقع الرياض
ويفضل ان يكون السعر تحت الأربعين وجزاكم الله خير
السلام عليكم شباب وش افضل كفر استخدم خطوط وتحميل وبر مقاس 16\245\70 وكم سعره
الذين يشاهدون الموضوع الآن: 1 (0 من الأعضاء و 1 زائر)