السلام عليكم
بخصوص الشروكي مالي خبره عندك رابطة الشيروكي ان شاء الله بتلقى الرد .
بخصوص الددسن الديزل حليل فالامطار والسيول الخفيفه بس لايدخل الما مع الفلتر ..
معي ددسن مكسيكي 14 بريمي دبل بانزين .. ماشي اقل من 2000 كيلو .. استخدامي له قليل..
مواصفاته ...
قزاز تماتيك .. انبير ضغط للمكينة .. قفل مركزي .. سماعات قدام فقط .. مسجل سيدي .. غطاء بلاستيك للحوض
ملاحظاتي على الموتر
بالنسبه للعزم اختلاف غير ملحوظ عن الددسن دفع خلفي
اما الراحه افضل من الدفع الخلفي .. ما يطامر فالخط
في البر .. هوا الكفرات عشرين .. اطول طعس مايردك .. وعلى الخفيف
الكلام هذا كله على شد البلد .. وش لون على الترهيم والتزويد ..
دمتم على خير ..