الأن رابطة ملاك الددسن الدبل 4 * 4 . . صور .. إستفسارات .. إبداع ... إلخ

[6ariq]

السلام عليكم ورحمة الله وبركاته
استفسار عن اسعار الددسن 2015دبل خليجي
كم اسعاره هل صحيح اسعارها 60الف
وكم سعر السعودي


وهل هي مرغوبه في حالة بيعها مستعمله

وعليكم السلام ورحمة الله وبركاته
صحيح اسعار الخليجي على 60 و 61

السعودي اغلى من الخليجي

واذا تفكر بالبيع لاي سياره مهما كانت لاتشتري جديد لانه بينزل سعرها

في موقع حراج 2014 ماشي 10 الاف وصل سومه 50 الف

الموتر طيب بالحيل للراكد واللي يحب الروقان بالمكاشيت يعيبه فقط صغر تانكي البنزين

[أبو محمد 201]

بيض الله وجهك
وجزاك الله الجنه

[ددسن 2008]

السلام عليكم ورحمة الله وبركاته .. حي الله الربع القدامى ابو سعد 111 وابو تميم وددسن 2008 ولايهون البقيه .. وشلونكم بشرونا عنكم

وعليكم السلام ورحمة الله وبركاته

هلااا وغلااا ومرحبااا الف بك ومن ذكرت ومن يقرااا

طاااب لونك الله يجمل حالك ومن يقرااا .. الصحيح انك احرجتنااا بهالمشاااركه
وسبقتنا بالطيب الله لا يهينك ومن يقرااا ... وابشرك ان امورنااا كلها طيبه بفضل من الله سبحااانه

والددسن الى هالحين يسمع صوتك صحيح مركون ولا عليه استعماال لكنه حبيب القلب ولا عنه غناااة

ومدري عن ابو تميم وش الدنيااا به أسأل الله سبحااانه لي ولكم العافيه في الدااارين ومن يقرااا وكل مسلم

اخوي ابو سعد الله يثيبك من يقرااا انت الجندي المجهووول في هالرااابطه الله يقويك ويجزاااك خير

ما شاااء الله عليك تسأل عن الاعضاااء وتجاااوب الاستفسااراات وتشاااارك انا اشهد انه جهد طيب مااا حصل ..

الله يسعدك اخوي ابو سعد ويجزاااك خير ومن يقراا

وسامحونااا على قل التواااصل الكبر شين شيبنا الله المستعان والعيون تتعبني لا طولت على الكمبيوووطر

أسأل الله لي ولكم العافيه وطول العمر على الطااعة

والسلاااام عليكم

[ابوريم865]

السلام عليكم
انا ناوي ان شاء الله اشتري ددسن جديد دبل خليجي2015
وعندي بعض الاسئلة لأهل التجربه والخبرة:
1-صرفية البنزين هل هي عادية لاني اللي اعرفه ان الدداسن تصرف بنزين؟
2-هل تدخل بضمان الوكالة عندنا؟
3-هل يجي قير تماتيك دبل؟
4-هل قطع غيارها نفس غيار الددسن العادي؟
5-هل المراتب مريحة واذا كانت غير ذلك وش المطلوب تغييره لتكون مريحة؟
6-السيارة للسفر بالعائلة والبر وعندي سيارة صغيرة للمدينه هل تصلح؟

[كاشت في الحوش]

عليكم السلام ورحمة الله وبركاته
هلا يابو ريم
الله يكتب لك مافيه الخير
بجاوبك على قد معرفتي بالموتر
بالنسبة للبنزين فصرفيته عاديه يعني بالنسبة لي اعبيه فل اذا كان فاضي مره ب 28 إلى 30 ريال بنزين أخضر ويمشي في الديره اسبوع كامل وعلى الخطوط تقريبا 400 إلى 450
الضمان لا علم لي
القير لا علم لي
قطع الغيار اظنه نفسه
بالنسبة للراحة ف الموتر تعليقه سست فطبيعي ماراح يكون مريح ومعروف عن الددسن انه يطامر لكن هذي انا حليتها من أول اسبوع من يوم شريته من الوكاله غيرت المساعدات الامامية الى جابريال والخلفية مساعدات لاندكروزر وفرق الموتر معي كثير بالنسبة للمطامر انتهى تماما ورسى الموتر
بالنسبة للسفر بالعائله فلا والله ماهو مريح ابد ابد ابد

وسلامتك
الموتر بشكل عام يستحق الاقتناء خصوصا اللي يهوى البر وسعة الصدر لكن للعائله يستحسن موتر ثاني

ابو احمد

[أبو محمد 201]

استفسار اقدر فصل المرتبه
عشان احط تكايه للطير ولا لزم اغير المرتبه كامله

انا افكر افصلها وتكون وقت مابيها تكايه اسحبها وتنزل معي وقت مابيها مرتبه ارفعها وترجع على وضعها الاول

[كايد]

عليكم السلام ورحمة الله وبركاته
هلا يابو ريم
الله يكتب لك مافيه الخير
بجاوبك على قد معرفتي بالموتر
بالنسبة للبنزين فصرفيته عاديه يعني بالنسبة لي اعبيه فل اذا كان فاضي مره ب 28 إلى 30 ريال بنزين أخضر ويمشي في الديره اسبوع كامل وعلى الخطوط تقريبا 400 إلى 450
الضمان لا علم لي
القير لا علم لي
قطع الغيار اظنه نفسه
بالنسبة للراحة ف الموتر تعليقه سست فطبيعي ماراح يكون مريح ومعروف عن الددسن انه يطامر لكن هذي انا حليتها من أول اسبوع من يوم شريته من الوكاله غيرت المساعدات الامامية الى جابريال والخلفية مساعدات لاندكروزر وفرق الموتر معي كثير بالنسبة للمطامر انتهى تماما ورسى الموتر
بالنسبة للسفر بالعائله فلا والله ماهو مريح ابد ابد ابد

وسلامتك
الموتر بشكل عام يستحق الاقتناء خصوصا اللي يهوى البر وسعة الصدر لكن للعائله يستحسن موتر ثاني

ابو احمد

الله يجزيك خير واللي يقرأ

اخوي ابو احمد وين ركبت المساعدات وكم سعرهن
خصوصا اللاندكروزر لازم احد يرهم .

[غازي الأول]

السلام عليكم ورحمة الله وبركاته

حبيت اسلم عليكم وعذراً على عدم المتابعة لإنشغالي مسبقاً


وبإذن الله في صدد شراء ددسن دبل 2015 ولكن ادعوا لنا بالتوفيق

[كايد]

يالربع الددسن ال2016 هل بيتغير شكله !!!!
اللي عنده علم يفيدنا مشكور

[كاشت في الحوش]

وعليكم السلام
بالنسبة للمساعدات في الصناعية القديمة
فيه ورشة فيها يماني ومشهورة
وفي ورشة ثانية يقالها مرات ومشهورة بالترفيع والتدبيل وتغيير المساعدات

بالنسبة ل 2016 أظن والعلم عند الله انه بيتغير
الانتظار زين
لان الشكل الجديد اللي انتشرت صوره تخليك تتركد في شراء ال 2015
والله اعلم

ابو احمد

[كايد]

جزاك الله خير

ماقصرت

[abumesh3l]

السلام عليكم ورحمة الله وبركاته
يشرفني ان اكون عضو في هذا الصرح الشامخ

وآمل ان استفيد وافيد


عندي استفسار لو سمحتوا
ابغى قطعة غيار للددسن دفرنسين 2009
جلدة عصا القير اللي ترد الغبار ورئحة زيت القير اللي عندة خبر وين توجد
يراسلني لاهنتو جوال 0554221638 ابو مشعل بأسرع وقت
ولكم جزيل الشكر

[xsalehx]

[/IMG]

حبيت اشاركم بصورة سيارتي��

[xsalehx]

[IMG][/IMG]


ماطلعت الصوره
ماعرفت الطريقه

[abumesh3l]

السلام عليكم ورحمة الله وبركاته وبعد

اخواني اعضاء هذا المنتدى والصرح الشامخ

احببت ان اشارككم الاراء في هذه الرابطة الموفقة

وحبيت استفسر هل يوجد محلات متخصصة

لقطع غيار الددسن الدفرنسين وين اجدها دلوني واذا كان هناك ارقام تواصل امل ذكرها

والقطعة المطلوبه جلدة عصا القير اللي ترد الغبار ورائحة زيت القير

لونها اسود تركب تحت الديكور الاحمر

وهذا رقم جوالي0554221638 ابو مشعل وجزاكم الله خير