الأن رابطة ملاك الددسن الدبل 4 * 4 . . صور .. إستفسارات .. إبداع ... إلخ

[omar 3]

أنا من المؤيدين للرابطة مستقله للدبل كما في الهايلكس

[عز نفسك]

حيااك الله اخوي عز نفسك ..

الجنوط الكروم اغلبها تجي 8 انش وما فوق ..

جنط الوكاله 5ر6 .. ما يجي مساوي له او اقل من 8 انش الا الحديد ..

ولا انصحك بالحديد لانه ثقيل .. وفيه منها دايو وفيه الهلل مستوبيشي

والكروم اخف شي حسب ما سمعت ولا جربتها هي الجي تي .. مثل اللي بالصوره تحت ..... مع الاعتذار لصاحب الموتر ..

اللي انا مركب هذي حقت سفاري .. وهي نوعين وكلهن جربتهن وزينات فيه مكحل وعادي .. اللي عندي مكحل

انظر الصوره تحت فيها النوعين .............

.
.

.
.



وفيه جنوط نجمه كروم حقت الوكاله وفيه منها تجاري .. بس سخيفه ما هي حلوه على الدفرنسين بنظري ..

اتمنى اني افدتك .. هلااا بك

.
.
.

كفيت ووفيت أخوي الغالي

بس لو ماعليك أمر الحين اذا بغيت أغير الجنوط لازم أرفع الموتر أو لا

طيب وش أفضل الجنوط السخاف يعني الهلل ومن على شاكلتهن هههه هلو اللغة ؟؟

[toto313]

يسرني الانضمام لرابطة ملاك الددسن الدبل 4 * 4 ددسن دبل 2007

[يوم السبت]

يسرني الانضمام .
2008

مشيته 150 . وخايف عليه , ما اغير له زيت دبل ولا قير ؟؟

مالي خبره في صيانة الدبلات و ناوي في رمضان اجازة اوديه و اتمخمخ عليه

[هبــ حريملاااء ـبوب]

كفيت ووفيت أخوي الغالي

بس لو ماعليك أمر الحين اذا بغيت أغير الجنوط لازم أرفع الموتر أو لا

طيب وش أفضل الجنوط السخاف يعني الهلل ومن على شاكلتهن هههه هلو اللغة ؟؟

هلااا وغلااا اخوي عز نفسك ..

ما لك لوا .. ماهو لازم ترفع الموتر .. الجنوط تركب عادي وما تحك والمدى بعيد

بس انا موتر مرفعه ورا وقدام .. ورا حطيت لعابات 18 سنتيمتر طول
وقدام رفعته عن طريق المسمار شديته اخر شي تقريبا ..

بالنسبه للجنوط الحديد ما سبق جربتهن ولا افتيك .. ومن رأيي ان الكروم اجمل واخف

حيااك الله ..

[هبــ حريملاااء ـبوب]

يسرني الانضمام .
2008

مشيته 150 . وخايف عليه , ما اغير له زيت دبل ولا قير ؟؟

مالي خبره في صيانة الدبلات و ناوي في رمضان اجازة اوديه و اتمخمخ عليه

حيااك الله اخوي يوم السبت

والله انا موتر 2008 ولا غيرت فيه ليومك الا السيور وصفايه بنزين وفلتر هوا وسلامتك

ولكن لا مانع من التشييك .. شفه ناقص زده بس لا تغير ........... انتبه تغير زيت القير او دفرنسات

وان كان يبي تشحيم لاحظه .. اهم شي الزيت والمويه هذي على قائمة المراجعات والمتابعه والباقي بسيط ..

هلااا بك

[omar 3]

للررررررررررفع

[يوم السبت]

شباب الفحمات عند الوكيل ب 370 .

ماكنها غاليه ؟؟

بس الحق يقال مشت 80.000 من اخر تغييره انا مو مصدق

ايش رايكم ما اتعدا الوكيل ؟؟

[أبوسعد111]

أخوي (يوم السبت)
مالك إلا الوكيل
إلا إذا انت تعرف صاحب محل قطع غيار وتثق فيه وبضاعته أصليه

وللأسف بعض قطع الغيار عند الحمراني مبالغ في أسعارها
مع أن الفرق في البائع ونسبة الخصم الي يعطيك

وبالنسبة للقطع الميكانيكية والكهربائية أحرص على الاصلية
لسلامتك
دمت بحفظ الرحمن

[wafian]

سجل عندك ددسن دبل 2006

نفيد و نستفيد

[معاند البحر]

ياشباب انا معروض علي ددسن 2008 دبل ماشي 160000 بسعر 43000الف هل يستاهل الفلوس والا لا !!!!!!!!
ومن استشارك دخل في ذمتك . يقولو ضعيفه في الطعوس وغير مريحه في الخط وانا حبيت اسال اهل الخبره في الددسن وتقبلو احترامي

[أبوسعد111]

أخوي معاند البحر
سلمك الله
فعلاً عزمه لك عليه بالنفود
(ولو أن الخبرة بالسواقه بالنفود لها دور)
خاصه وإن الكفرات والجنوط العريضة لها دور كبير بسهولة المشي على النفود
أو نقص الهواء من 20 - 15 على حسب عرض الكفر
لان الددسن الدفرنسين ثقيل مقارنه بالددسن الدفرنس
(وانت تحتاج لخف السيارة بالنفود ليسهل مشيها)
وإذا كنت جربت وتعودت على سيارة 6 سلندر أو 8 سلندر بالنفود فماهو صالح لك
وإستشر وإستخر وعسى الله يكتب لك ألي فيه الخير
وأي إستفسار أبشر برد عليه

دمت بجفظ الرحمن

[معاند البحر]

اخوي ابو سعد1111 شكرا على المرور والمعلومات بس مدري كيف هيه مع الخط لاني في الصيف اروح البحر حوالي 180 كلم وفي الشتاء اروح البر حوالي 100 كلم بس مارديت علي تسوى السعر هذا ولا لا والله يتقبل صيامك وقيامك

[أبوسعد111]

أخي الكريم
معاند البحر
سلمك الله
مادري عن السيارة كم تسوى لان لي فترة طويله عن معارض السيارات وأسعارها
ولكن عندك عدة أمور مادام إن السيارة معروضه عليك
- جربها بخط ونفود علشان تشوف العزم بيصلح لك أو لا (مع مراعاة أنك يمكن تحمل عليه ويضعف شوي العزم)
- أفضل كفرات للددسن بالنفود العريضه والأفضل بالخط السلق أو أعرض شوي
- والددسن الدبل يمشي الحال ماهو أردى شئ ولا أفضل شئ بين السيارات وألي بيحكم تجربتك له
- بعض الناس يفضل الهايلوكس لخفته وقوة عزمة ولكن (مافيه أمان لان بديه قرطاس - سعر مبالغ فيه)
والددسن "عزم لك عليه" "وبديه وسعره معقول وفيه حديد" ماهو مثل الهايلوكس فيبر وبلاستيك مع إعتذاري لمن معه هايلوكس

ولاتنسى تجرب وتستخير
والله يطرح لك ألي فيه الخير

موفق

[wafian]

السلام عليكم ورحمة الله وبركاته

الي يخبرلي وين القاء النسافات الخلفيه للددسن الدبل 2008 غير الوكاله لاني رحت للوكاله وقالي بنظلبهالك وقيمة الثنتين بحدود 800ريال ومريت حقين القطع في الصناعيه القديمه وما لقيت ....

وبي فزعتكم ياشباب معي الي يخبرها لي لا يبخل علينا

محبكم في الله
vnb

انا مركبها بالغرابي تجاري بس راكب صح 70 ريال

و الميزة فيها انها ممكن تركب امامي و خلفي

و اقصر من الوكاله و فيها مرونه ( يعني ما قاسية ) تروح و جي


تحياتي