أنا من المؤيدين للرابطة مستقله للدبل كما في الهايلكس
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
أنا من المؤيدين للرابطة مستقله للدبل كما في الهايلكس
يسرني الانضمام لرابطة ملاك الددسن الدبل 4 * 4 ددسن دبل 2007
يسرني الانضمام .
2008
مشيته 150 . وخايف عليه , ما اغير له زيت دبل ولا قير ؟؟
مالي خبره في صيانة الدبلات و ناوي في رمضان اجازة اوديه و اتمخمخ عليه
هلااا وغلااا اخوي عز نفسك ..
ما لك لوا .. ماهو لازم ترفع الموتر .. الجنوط تركب عادي وما تحك والمدى بعيد
بس انا موتر مرفعه ورا وقدام .. ورا حطيت لعابات 18 سنتيمتر طول
وقدام رفعته عن طريق المسمار شديته اخر شي تقريبا ..
بالنسبه للجنوط الحديد ما سبق جربتهن ولا افتيك .. ومن رأيي ان الكروم اجمل واخف
حيااك الله ..
حيااك الله اخوي يوم السبت
والله انا موتر 2008 ولا غيرت فيه ليومك الا السيور وصفايه بنزين وفلتر هوا وسلامتك
ولكن لا مانع من التشييك .. شفه ناقص زده بس لا تغير ........... انتبه تغير زيت القير او دفرنسات
وان كان يبي تشحيم لاحظه .. اهم شي الزيت والمويه هذي على قائمة المراجعات والمتابعه والباقي بسيط ..
هلااا بك
للررررررررررفع
شباب الفحمات عند الوكيل ب 370 .
ماكنها غاليه ؟؟
بس الحق يقال مشت 80.000 من اخر تغييره انا مو مصدق
ايش رايكم ما اتعدا الوكيل ؟؟
أخوي (يوم السبت)
مالك إلا الوكيل
إلا إذا انت تعرف صاحب محل قطع غيار وتثق فيه وبضاعته أصليه
وللأسف بعض قطع الغيار عند الحمراني مبالغ في أسعارها
مع أن الفرق في البائع ونسبة الخصم الي يعطيك
وبالنسبة للقطع الميكانيكية والكهربائية أحرص على الاصلية
لسلامتك
دمت بحفظ الرحمن
سجل عندك ددسن دبل 2006
نفيد و نستفيد
ياشباب انا معروض علي ددسن 2008 دبل ماشي 160000 بسعر 43000الف هل يستاهل الفلوس والا لا !!!!!!!!
ومن استشارك دخل في ذمتك . يقولو ضعيفه في الطعوس وغير مريحه في الخط وانا حبيت اسال اهل الخبره في الددسن وتقبلو احترامي
أخوي معاند البحر
سلمك الله
فعلاً عزمه لك عليه بالنفود
(ولو أن الخبرة بالسواقه بالنفود لها دور)
خاصه وإن الكفرات والجنوط العريضة لها دور كبير بسهولة المشي على النفود
أو نقص الهواء من 20 - 15 على حسب عرض الكفر
لان الددسن الدفرنسين ثقيل مقارنه بالددسن الدفرنس
(وانت تحتاج لخف السيارة بالنفود ليسهل مشيها)
وإذا كنت جربت وتعودت على سيارة 6 سلندر أو 8 سلندر بالنفود فماهو صالح لك
وإستشر وإستخر وعسى الله يكتب لك ألي فيه الخير
وأي إستفسار أبشر برد عليه
دمت بجفظ الرحمن
اخوي ابو سعد1111 شكرا على المرور والمعلومات بس مدري كيف هيه مع الخط لاني في الصيف اروح البحر حوالي 180 كلم وفي الشتاء اروح البر حوالي 100 كلم بس مارديت علي تسوى السعر هذا ولا لا والله يتقبل صيامك وقيامك
أخي الكريم
معاند البحر
سلمك الله
مادري عن السيارة كم تسوى لان لي فترة طويله عن معارض السيارات وأسعارها
ولكن عندك عدة أمور مادام إن السيارة معروضه عليك
- جربها بخط ونفود علشان تشوف العزم بيصلح لك أو لا (مع مراعاة أنك يمكن تحمل عليه ويضعف شوي العزم)
- أفضل كفرات للددسن بالنفود العريضه والأفضل بالخط السلق أو أعرض شوي
- والددسن الدبل يمشي الحال ماهو أردى شئ ولا أفضل شئ بين السيارات وألي بيحكم تجربتك له
- بعض الناس يفضل الهايلوكس لخفته وقوة عزمة ولكن (مافيه أمان لان بديه قرطاس - سعر مبالغ فيه)
والددسن "عزم لك عليه" "وبديه وسعره معقول وفيه حديد" ماهو مثل الهايلوكس فيبر وبلاستيك مع إعتذاري لمن معه هايلوكس
ولاتنسى تجرب وتستخير
والله يطرح لك ألي فيه الخير
موفق
الذين يشاهدون الموضوع الآن: 1 (0 من الأعضاء و 1 زائر)