اذكر قبل شيبانا في الدهنا كانت سياراتهم دداسن والي معه هايلكس كان يسحب سلك واحد من البواجي اذا دخل لنفود واذا طلع منها وقف وركب السلك وكانت طريقه جدا فعاله خاصه مع تنسيم الكفرات وش الاسباب مدري
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اذكر قبل شيبانا في الدهنا كانت سياراتهم دداسن والي معه هايلكس كان يسحب سلك واحد من البواجي اذا دخل لنفود واذا طلع منها وقف وركب السلك وكانت طريقه جدا فعاله خاصه مع تنسيم الكفرات وش الاسباب مدري
السائق له دور كبير بنسبه عاليه .. بعدها تنسيم الكفرات ...
السياره اخر شي.. والكلام عن الدفع الرباعي عموما
جمس hd قير عادي دبل , تنسيم الكفرات على 20 , وجربت عدة سيارات ماشفت مثله , فيه ميزة ان السيارة تمشي بالقير الاول الثقيل ومن دون دعس على البنزين وماتطفا السيارة , وشهادة لله انه طلع عرق بالدبل والقير الاول والهواء على 20 بدون دعس على البنزين , وإذا حس بالتغريز يشيل عزمه لحاله بدون ماتدعس له.
وسبق وجربت الدوج سيارة قوية ومعروفه لكن الجمس hd 2500 غير ويعجبك في قوة عضلاته ويشفع له قوة مكينته 8 سرندل 6لتر ويختلف عن 1500 ان عضلاته قوية جدا وماعليه خوف
كل السيارات تغرز
بس فيه اللي يقدر يطلعها من التغريز وفيه الغشيم اللي يطيح فيها
طعست مرة بكامري 94 اربعة سلندر قير عادي و كفرات تبع خطوط بدون تنسيم
و اللي عجبني وجربته لاندكروزر VXR ديزل موديل 93 عزم جبار وبدون تنسيم كفرات
العلم والخبرة تتفوق على القوة والجهل
كثيرين من اهل الجيوب نحصلهم مغرزين وطارحين الجيب على بطنه من الغشامه وقله المعرفه
راعي الرحلات الصعبه مثل الربع الخالي او الطعوس العادية لابد يتخذ امور من نزوله عن الاسفلت مباشرة
اولا:تنسيم الكفرات على حسب طبيعه الارض 20 او 15
ثانيا:عدم كبس فرامل بقوة؛لانك بضغطك على الفرامل بقوة تغرز السيارة فالارض
ثالثا:الشد على السيارة بقوة بحيث انك تعشق الاول وتحط رجلك هذا خطا
رابعا:بعض الاحيان لاتحتاج للنمرة الاولى لانها قوية مع فزتها تغرز لكن لو عشقت الثاني ومشيت بسلاسة وهدوء تطلع بالراحه
وفيه امور غيرها مهمه لراعي البر والطلعات ان تاحت لي الفرصة كملتها
صحيح الموتر من سواقه والخيل من خياله
انا من طلعت على الدنيا وانا بالبر بدوي بين نفود وجبال وصحاري وادويه وتغاريز ولي عشرين سنه استخدم سيارات الدبل لكن مع هذا كله لازلت اخاف من المغامرات مع اني ماعمري غرزت تغريزه تخوفني لان الدبل مهما غرز السواق يطلعه واللي يطلع الددسن والهايلكس ماهو عاجز لايطلع موتر دبل
ومن ناحية السيارات كل السيارات الدبل حلوه لكن تعتمد على خفة الوزن
صحيح ان الجموس والامريكي بشكل عام مامثله بالقوة والعزم لكن يقابله وزن ثقيل جدا تعجز عنه المحركات
اي موتر ربع خفيف وزن ممتاز حتى لو بنص مكينة امريكي
الهلي هذي هي تطامر بالنفود ويقطعون فيها العروق لانها خفيفه ولو غرزت تطلع مع انها اربعه سلندر وبدون دبل
لكن ان كنت تبي القوه الخارقه خذ مرهم
بدي نسيان مخفف ومركب له مكينه 6 لتر او مكينة LS1&LS2&LS3
هذا طياره بس عسى تقدر تجود بالدركسون لاينفلت من يدك لكنه ماهو حق استخدام نفود وبس
الذين يشاهدون الموضوع الآن: 1 (0 من الأعضاء و 1 زائر)