ساهر على طريق الرياض القصيم

[fof6666]

السلام عليكم

أمس وأنا راجعمن القصيم ويوم بقى على محطة العتش 5 كيلو
كشح فلاش مرتين على سيارتين قدامي بعده هديت السرعة ولا هذا باص ساهر يلقط من هالعالم وكان هذا الكلام الساعة 12 بالليل تقريبا

والله على ما أقول شهيد

[hgrkhw]

الله يعين على هالمخالفات الا نظام كاشف الرادار يكشف ساهر

[سهيل تميم]

وطريق الشرقيه فيه ساهر.... من الرياض الى مخرج سعد .. ومن مخرج سعد للرياض..

[اهل الردات]

الله يعينكم بس اقوال

[nayf01]

هذه شركة سارقة مارقة وخارج القانون .

المفروض يعّرف بنظام ساهر اولاً

وعدم تصيّد المسافرين بهذه الطريقة الوقحة

[ولدعبدالعزيز]

وعليكم السلام ورحمه الله وبركاته
والله يا اخوي الكريم حصل لي نفس الموقف ثاني ايام عيد الفطر كنت راجع من الطائف الى الرياض وتقريبا قريب من الخاصره كانت الساعه تقريبا 8:30 ليلا مريت من جنب باص يمشي وفجاه قام بالتصوير فلا حول ولاقوه وحسبنا الله ونعم الوكيل...

[لاتكب البيالة]

المشكلة هالسيارات ما يعرف لهن مكان
انا راجع من القصيم يوم الاحد ولم الاحظ فيه سيارات
وواحد جاي قبلي بيوم يقول لقاهم المشكلة ما ندري وين ومتى يكونون موجودين
وماهي معقولة السرعة على الخطوط 120 فقط المفروض 140 اعتقد 120 مقررة قبل 30 قبل تطور السيارات والطرق والامان

[ابو صاالح]

المشكلة هالسيارات ما يعرف لهن مكان
انا راجع من القصيم يوم الاحد ولم الاحظ فيه سيارات
وواحد جاي قبلي بيوم يقول لقاهم المشكلة ما ندري وين ومتى يكونون موجودين
وماهي معقولة السرعة على الخطوط 120 فقط المفروض 140 اعتقد 120 مقررة قبل 30 قبل تطور السيارات والطرق والامان

----------------------
بهذي معك حق ، لو كان قصدهم يضبطون الناس ، يحددون سرعه معقوله وهي 140 في الطرق السريعه ، وأنا اجزم ان الناس راح تقتنع من هالسرعه ، لكن 120 ماهيب شيء الصراحه

[سلطان 2010]

ادعوا على صالح كامل ان يزيله الله عن وجه هذه الدنيا فالشركة هذي له ..
وش ذنب الشعب فدائما نحن من فقر الى فقر...
حنا عاطلين فكيف بنسدد هذه الضرائب..
من وجه نظري فهذه القسايم تعتبر ضريبة طرق توخذ منا بطريقة غير مباشرة.

[العابر2222]

كلامك صحيح أخوي موجودة حول محطة العتش ... وانا راجع ثاني ايام العيد من المجمعة صورتني وهي بين الخطين محطوطه

[خالد ...]

هذا اصطيــــاد واستغلال واتحدى اذا كــان من اجل السرعـــــــة

ودليـل ذلك ( موقــع باص ساهر لنقل المخالفــات )

[عبد الله 99]

نفس الموقف و انا راجع من سدير جيب مستوبيشي يمشي تقريبا ستين حولها ما دريت الا وهو معطيك ذيك الصوره 4×6 يحبها قلبك تقل اثبات و حنا يا غافل لنا الله نسدد

حسبي الله ونعم الوكيل على من فكر بمثل هالانظمه حسبي الله و كفى

[قدر مكتوب]

لاحول ولا قوه الا بالله

[fares2011]

الله يكون في عون الجميع...
قبل كم يوم من طريق الرياض - الخرج
والمشكله كل يوم له مكان ومسار

والله يعين المواطن !!

[سلطان ال حسيان]

حسبنا الله ونعم الوكيل