ساهر على طريق الرياض القصيم

[صاحب الذود]

الله لايوفقهم
انا ان شاء الله ماشي يم القصيم اليوم الله يسترر

[راعي الرائد]

تقيدوا بالسرعه المحدده حتى تخسر الشركه و تعلن افلاسها ويفشل المشروع

[واوك]

على الجميع التقيد بالسرعه المحددة لكي لا تخسر نفسك ومالك !

[الوايلي...501]

اي والله صدق اخوي
امس صور معنا :d

[خ الفياض]

تقيدوا بالسرعه المحدده حتى تخسر الشركه و تعلن افلاسها ويفشل المشروع

[هــبــص]

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

[ابو نايف التميمي]

الي مايسرع ماراح ياخذ مخالفه

[جذآآآب]

والله انا صادني اول عيد وانا راجع من الرياض الدمام يوم تعديت مركز سعد 30كيلوي صورني باص واقف قدام تريله متعطله الساعه 9 ليلاً ومعي كوبرى ولاكتشفه

[راعي السيل]

ادعوا على صالح كامل ان يزيله الله عن وجه هذه الدنيا فالشركة هذي له ..
وش ذنب الشعب فدائما نحن من فقر الى فقر...
حنا عاطلين فكيف بنسدد هذه الضرائب..
من وجه نظري فهذه القسايم تعتبر ضريبة طرق توخذ منا بطريقة غير مباشرة.

!!

عزيزي، انت لا تسرع وخلك نظامي ومحد بيطلب منك "ضريبة" !

[ناجز]

انظام زين تسلم من اي قسيمة ان شاء الله
وانا ماشوف فرق بين 120 و 140 الادقايق بسيطه

[باث2002]

اي والله الله لايوفقهم صادوني عند العتش وفي بعد العتش بشوي تقريبا ً مسافة شفت الناس تهدي طلع بالاخير باص ساهر موقف على جنب ومشغل الفلشر <--------<< الحرامــــــــــيه
لا والوالده قالت وش النور ذا قلت هذا واحد متعطل يكبس <------<< تصريفه

[البرتقالي]

للتوضيح لا اكثر
ساهر ماله اي علاقه بصالح ناقص الباكستاني حق الارتي

[أبوفـهـــــد]

الله لايوفقهم ووياجعلها تنقلب ضدهم اللهم امين ..

[ونش]

يا جماعه استغرب من بعض الردود الي تشكى من ساهر يااخي ساهر مو عاجبك شف لك حل لانه راح يصورك راح يصورك ان عاجل او ااجل ان اسرعت او هديت يعني بالعربي كل واحد يدبر عمره لاتقول ابتقيد بالسرعه النظاميه لانك راح تغفل عنها وراح تتصور فشف لك حل مافيه مشكله الا ولها حل ونتم اسياد الفاهميم

[مغلي العرقين]

كلامك صحيح على طريق القصيم وانت طالع من الرياض للقصيم بعد محطه حفر العتش 10 كيلو والسرعه محدده يا خوان 120 ولك عشره بالمئه من السرعه يعني 130 واذا السرعه 80 لك الى 88 وهكذا