كل عام و انتم بخير
يالغوالي بالسعر هذا وش اقدر اخذ لي موتر عائلي جديد
في انتظاركم
موفقين
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
كل عام و انتم بخير
يالغوالي بالسعر هذا وش اقدر اخذ لي موتر عائلي جديد
في انتظاركم
موفقين
على حسب الاستعمال
اذا بغيته عائلي بحت بدون بر
عندك الانوفاء و عندك الفونتشر الv4 ومنه نوعين يجي دبل و بدون دبل طبعاً جدد بالمبلغ الي معك بتوصلهن وانصحك بالفورنتشر اذا كان الاستعمال شخصي ماذا كان سواق خذ انوفا
عموماً عجزت القالك موتر عائلي و 3 مراتب وجديد بالمبلغ الي معك الا للي ذكرتهم لك وهن افضل شي اثناء البيع
وموفق
ماتقصر في انتظار باقي الاعضاء
و ايش رايكم في المستعمل !
موتر عائلي يعني كم نفر
تحصل ايكو او اكسنت او تيرسل او من سيارات كياه من موديل 95 الى 2000 ودور النظيف ولاتاخذ موتر عقب ايجار
خذ العلم والنصحيه من المجرب يالذيب اعتقد الجميع يوافقني على اليوكن النظيف من موديلات 2007 او 8
وغيرهـ عندك الفورتشينر تحصل بالقيمه هاذي موديل 2009 فول كامل مستعمل استعمال خفيف وانصحك بالخليجي ارخص لك ....
يجي ثلاث مراتب والمرتبه الثالثه اوسع تاخذ ثلاث اشخاص وفيه دبل ومكيفين وسته سلندر وخذ خفه ونشاط مشاء الله.
إذا تقدر تزودها عشرة الاف طق لك اكسبلورر ٢٠١٠ وكالة ، ضمان ٥ سنوات أو ٢٠٠ الف كم ، و الظاهر عندهم عرض صيانة مجانية ٣ سنوات
موتر عائلة ، كشخة ، بر
وإذا ماتقدر تزود المبلغ يجيبك لك اكسبلورر ٢٠٠٩ اخو الجديد تلقاه مامشا الا ١٥ الف
باثفندر 2008 أو 2009 (نص فل دبل)، فيه جميع المميزات، راحة في السفر، خفيف في الديرة و في البر حلو
كروولا 2011 فل كامل 1.8 بـ 78.700 ريال
وشاشة 5500ريال
وفلم حافظ للدهان من زيبارت وتضليل Vcool وتبطين اسفل السيارة من زيبارت
وخلاص قضينا
والله انها مشكلة اللي الكروولا بهالسعر
اخوي مالك إلا هيفاء...... إلا هيونداي عندهم جيب توسان وفيه واحد اكبر منه
وان كان بتسمع نصيحتي خذلك مستعمل اخو الجديد والسوق مليان
والله يوقفك لسيارة ترضيك
انا حسبته 8 الاف اثره زود صفر
تجيب لك خير كثير بإذن الله المبلغ مبروك إن شاء الله
تجيبلك ميتسوبيشي باجيرو 2009 مستخدم نظيف
السلام عليكم ورحمة الله وبركاته
انا مع اخوي مكسر الشوك
الباجيرو والله حلو يصلح ديره وبر
ولا ننسى انه (ياباني ياباني)
يعني القطع والصنع في اليابان
انا معاي فورد اكسبلورر 2007 صح مريح بالديره لكن بالبر (خكيري)
وركبت الباجيرو اكثر من مره بالبر قوي ونشيط بالشعبان
هذا رابط في المنتدى يعرض فيه الباجيرو 2010 بسعر 87000
وعلى الزيرو ومواصفات حلوه
http://mekshat.com/vb/showthread.php?t=329179
واسف على الإطالة
اخوي خذ لك لاند كروزر اذا انت من اهل البر موديل 2001 gxrاو vxr بتلقى لك نظيف افضل لك او تزود فلوسك وتاخذ برادو 6 سرندل 2009
الذين يشاهدون الموضوع الآن: 1 (0 من الأعضاء و 1 زائر)