اماكن الصيد بقطر

[وحدآني]

السلام عليكم ورحمة الله وبركاته

ياشباب انا ناوي اروح لقطر ان شاء الله وابغى احدق هناك بعد ما اخلص شغلي قبل ما ارجع

اتمنى من اهل قطر او اصحاب الخبره باماكن الصيد على الشاطئ بالقصبات يفيدني

الله يسهل درب كل من افادني او حاول يفيدني

تحياتي واشواقي

[زاحف بحر]

يالغـــلا بالنسبــة للموضوع أنا قرأت في احدى المنتديات

أن افضل صيد هو على الســيف يقع في شماال قطـــر من جهه راس لفان

وهو ممتاز جــداً كذلك لمن يستخدم الشبك [ الشوار ] وفيه صيد وفير

وأفضل صيد قبيل طلوع النور [ وقت بيان النور ] وأنا لم ازور

تلك المناطق التي ذكرتها لاني تعرفت على المناطق من خلال بحثي و

استطلاعي في النت لاني فكرت أصيد في قطر وكذلك راس بوقميص

لانها على طريق واحد وقريبة من بعض ..





بالتوفيق للجميع ..















..

[بوراشد911]

السلام عليكم ورحمة الله وبركاته

مرحبا ومسهلا بين هلك وناسك في قطر اخي الحبيب وحدآني اذا ودك بالحداق عليك بالمنطقه الجنوبيه من قطر
جهة سيلين الصيد فيها جيد ولا بأس به وخصوصا اذا البحر في اول المد ابشر بالشعري الزين والصبيطي بإذن الله
والطعم اذا كان خثاق ممتاز واذا الموتر فوروييل عليك بالعديد........

ملاحظه: صيد النهار احسن من صيد الليل لانه بالليل يكثر فيه النيسر ويخلص الطعم بسرعه

ارجوا ان اكون قد افدتك

[زاحف بحر]

ما شاء الله تبارك الله ..

الله يجزاك خير اخوي ابو راشد على المعلومات اللي استفدنا منها ..

بالتوفيق للجمع ..

[حياتي البحر]

كان ودي افيدك ولكن انا من جده
واتمنى لك التوفيق وننتظر تقريرك

[وحدآني]

ماقصرت يابو راشد كفيت ووفيت صراحه

[عوام 5]

تروح وترجع بالسلامه

[وحدآني]

الله يسلمك من الشر

[الحمد والثناء]

الأخوان أفادوك وبتوفيق

[بحرالخبر]

ابشر بسعدك اخوي

عندك في سيلين طعس الدوبه ممتاز للشعري والسبيطي

والعديد الاماكن واجد.....

مثلا : الدهيمي , الطعس البعد الادهيمي وانت موجه صوب العديد بعد يسوي شعري وسولي وساعات هامور

وعندك الديحه اذا لك خاطر بالبدحه والقرقفانه وبعد عندك بعد ماتعدى الديحه عند طعس القصار بعد يسوي شعري وسبيطي, ولا تنسى الشيراتون للبدح والشعري وساعات هامور.....

تقريبا سيف العديد محدق بس انا انصحك انك تستعمل السناره لانها احسن لك تفكك من شرابيك الخيط وغربال

ان شاء الله اكون افدتك

[زاحف بحر]

جزااكم الله كل خير على افادة اخونا وحداني

اتمنى لك صيداً وفيراً وطعماً لذيذاً ..

بالتوفيق للجميع ..

[سلطان الأحساء]

يفيدونك الربع وترجع بالسلامه

[accentkool]

انا اخبر فية سقالات بالدوحة صوب مرسى القوارب ناس كثير يصيدو عندها والدخلة المسفلتة الصخرية تمام

[وحدآني]

يعطيكم العافيه جميعا ماقصرتوا

[turki6500]

مساكم الله بالخير

أشكر الجميع على مشاركتهم في هذا الموضوع والكل يعرف أن الرازق هو الله سبحانه وتعالى أول مرة رحت العديد قطر كان الصيد ممتاز ولله الحمد وكان ودي احط لكم إحداثيات الموقع بس الحين مو معي وبعدها صار الصيد يقل وأحيانا نروح العديدي ما نصيد الا حبه او حبتين
انتو ذكرتو الاماكن ما قصرتو أتمنى أن يكون فيه صور أو إحداثيات إن أمكن للمواقع اللي فيها الصيد الاماكن اللي مجربة فقط

شاكر ومقدر لكم