((السلام عليكم ورحمة الله وب ركاته))
هذه قصيده لشاعر بدر الحويفي باهل البل
ويقول فيها...
________________________________________
يـاهل النياق اللي عليهن تصكون.......من فضلكم لا تسجنـون البهايـم
مافيه داعـي للبهايـم تحبسـون.......خلو عطايـا الله تـذّب الخرايـم
اما عطوهـا حقهـا لا تشحـون....... ولا اتركوهـا مالكـم بالظلايـم
بحقوقها اللي وافيـه لا تعيـون........الله عطاهـا للصحـاري قوايـم
والبل بها شجعان نجد يتعـزوون.......اللي وراهـا يجدعـون العمايـم
مقدارها عند المناعير مضمـون.......يوم أنهـا بيـن القبايـل غنايـم
ليت الذي تحت المقابر يشوفـون.......اللي عن البل جاهـدوا بالعزايـم
اللي بميدان المعـارك يهوشـون.......يوم الرمك تعطي هجوم وهزايـم
هذا وانا مالي على الناس قانـون.......وجهة نظر ما افرض عليهم لزايم
واللي عطوها حقها ما يلامـون.......بعنايـة البـل مالحقهـم لوايـم
________________________________________
واتمنى ان تنال القصيده اعجابكم
دمتم بود
رد مع اقتباس