زراعة الشاهي ...شاهي يعدل المزاج

[سهيل تميم]

السلام عليكم ورحمة الله وبركاته






في زيارتي للمنطقة الجنوبيه هذا الصيف .. وجدت عند احد الاصدقاء نبتة (الشاهي)

وزينا منه برااد لا انساه في حياتي

وطريقته اننا خليناه يطبخ(يغلي) وخليناه تقريباً عشر دقايق يخدر... وصار الشاهي لونه احمر....

وصورت النبتة .. وبحث بالرياض ولم اجد من يبيعه .. وكل الي يشفونه يقولون حبق..

السؤال .. هل يوجد من يبيعه (شتل) بالرياض...وهل تتحمل هذه النبته حرارة الجو في الرياض ....

وهذه صور لها :













وتقبلوا تحيااتي ....

[A B D U L L A H]

ماشاء الله تبارك الرحمن

شئ طيب والله

بس ممكن اخوي تسوي له بيت محمي مصغر عندك بالحوش او السطوح

وتكيفه بدرجه معينه مثل ماهي درجه الحراره بالجنوب عند صديقك

وإذى جد جديد بالموضوع بلغنا لآهنت

[سهيل تميم]

ماشاء الله تبارك الرحمن

شئ طيب والله

بس ممكن اخوي تسوي له بيت محمي مصغر عندك بالحوش او السطوح

وتكيفه بدرجه معينه مثل ماهي درجه الحراره بالجنوب عند صديقك

وإذى جد جديد بالموضوع بلغنا لآهنت

هلااابك اخوي عبدالله

المشكله اني عجزت القا بالرياض .. وماطرى علي اني آخذ شتله من الرجال ..

تحياتي لك

[هدد688]

وعليكم السلام
المفروض ماطلعت من عنده الا محمل لك كم شتلة
وما ظنتي تلقاه بالرياض .. المهم اذا لقيته عطنا خبر لاتنسى

[ناصح]

هذا نوع من الحبق البري

وينبت بشكل طبيعي في جبال الجنوب

وهذا من تصويري

[سهيل تميم]

حيااك الله اخووي ناصح...

شاكر لك اهتمامك ...

وصورة الحبق التي اوردتها تختلف عن النبته التي اقصدها... وطعم الحبق معروف ولايختلف عليه اثنان..

تحيااتي لك

[سهيل تميم]

وعليكم السلام
المفروض ماطلعت من عنده الا محمل لك كم شتلة
وما ظنتي تلقاه بالرياض .. المهم اذا لقيته عطنا خبر لاتنسى

هلاابك اخوي هدد..

انا توقعت القاها بالرياض ..واستحيت من الرجال لأن ماشفت عنده واجد منها..

تحياتي لك

[حلال المشاكل]

ابحث في المواقع المتخصصة عن اسم النبتة العلمي واماكن تواجدها
اتوقع تكون عشبة اللويزا
رائحتها تشبة رائحة الليمون تسمى اللويزا الليمونية
وهي مزروعة عندي في حوش البيت




واي خدمة تراني حاضر

[ايه احبك]

يا اخ تميم الله يعطيك العافيه الي انت حطيت صورته حبق .. وانا متأكد من هالشي . لكن الشاي يختلف عن شكل هالنبته . واذا كنت بالرياض وتبي شاي . روح على طريق الميه كأنك متجه لبرق الحيا يجي على يمينك مشاتل تلقى عندهم شتلات شاي . انا قبل فتره اخذت من عندهم شتلاث ( شاي +حبق+ نعناع) ....

[العاذر]

الله يعطيك العافيه

[عاشق السراة]

أعتقد أنه لن يعيش في الرياض ولو حاولت لأنه يحتاج أجواء بارده كالجنوب
لكن اذابغيت عندنا مليان في مزرعة جدي أرسلك فديكس
أما الحبق البري في الجنوب فهو كالحبق العادي وينبت حول المياة

[قـديـم]

مشكور اخي الكريم

[مزيانه]

سبحان الله

[ابو غند0]

الله يعطيك العافيه وان شاء الله أفادوك الأخوان

[سهيل تميم]

اشكر للأخوان مرورهم وتعليقاتهم... واؤكد انه موبحبق ...انا متأكد انه شاهي .. الرجال راعي مزرعه وهو الي زارعه بنفسه يقول انه شاهي .. ثاني شي انه لاحطيته مع الماء المغلي يقلب لونه احمر ..

تحياتي للجميع