المشاركة الأصلية كتبت بواسطة راعي الطلعات
كل السيارتين طيبات صراحه
بس اذا بيأخذ فورتشنر فا انا انصح بالقير العادي
بالتوفيق
مشكور وماتقصر وهاذيهي نيته
المشاركة الأصلية كتبت بواسطة ابوصالح77
هلا بك أخوي
من كلامك أستشف أنك مؤيد لـ fg
الإفجي أفضل من الهايلوكس المصندقة
ويصلح له أكثر لعدة أسباب :
تماتيك + قوي + الركاب قليل + الشكل الخارجي + وسع الشنطة + الراحة
ويتميز الفل
دفلك + ست وسائد هوائية + صاجة +هوك
تركيب تانكي الماء أسفل السيارة (مخفي )
لكن يعيبه (صغر تانكي البنزين)
بالتوفيق
لاتحقر الفوترتشر ترا فيه دفلك وفيه 6 ارباقات مدري 4 وراحته ممتازه ووسعه حليو وشنطته وسيعه ((للمعلوميه انا من ملاك الفورنتشر وهو مادخل مزاجه الا يوم شافه معي))
هاذي اول مره ادري عنها ((تانكي ماء تحت)) لاكن انا غير مويد لتانكي الماء اسفل السياره حلاته عندك في المرتبه الخلفيه
ومن ناحية تانكي البنزيم مثله مثل الفورنتشر
واحلا مافي الافجي قوة عزمه مع انه قير تماتيك
مشكور على مرورك
المشاركة الأصلية كتبت بواسطة محمد الشمروخي
على فكره اخوي ترى القوه وحده ال fg ليست اقوى من 6 سلندر فورتنر بل نفس القوه
مالك لوا تختلف القوه مع انها نفس المكينه وهي لصالح الافجي يمكن بسبب خفته
يعطيك العافيه على الرد
المشاركة الأصلية كتبت بواسطة ابوصالح77
هلا بك أخوي
صدقت الماكينة واحدة
أنا قصدي إن الموترقوي مع إنه تمكاتيك
انا اشهد له بالقوه كنت حاقره لين سقته تغيرت نضرتي له
يعطيك العافيه
المشاركة الأصلية كتبت بواسطة مهندس/م
خله يآخذ الفورتشنر ويتوكل على الله إذا هو من عشاق النفود!!
أنا معي فورتشنر قير عادي 4 سلندر وبدون دبل وأدخل فيه النفود وعين الله عليه وما عمري غررزت فيه ولله الحمد .
كان معي قبله جيب شروكي دبل و6 سلندر وغررزت فيه أكثر من مرره
أكثر ما يميز الفورتشنر إرتفاع بطنه عن الأرض وهذي ميزه للنفود والحجره.
ربي يوفقه للصالح .
انا معي فورنتشر وهو ماجازله الا يومه شافه معي وجربه
ويعطيك العافيه يا اخوي
المشاركة الأصلية كتبت بواسطة غالي
والله العظيم انا مستغرب
ليش العالم تبيع ال اف جي !!!!!!!!!!!!
كلما سألت احد عنه مايتفقون على عيب واحد
الي يقولي مرتبه نازله
والي يقول ماينفع بالخط
والي يقول مراياه الجانبيه ماهي مضبوطه بالنظر
والي والي .......
ابي اعرف ياشباب جد وش عيب ال اف جي؟
وانا اخوي افضل ال اف جي : 1- شكله احلى بكثير 2- شبابي 3- اعرض وارسى بإذن الله
اما قوه عزم او قوة تحمل ماجربتهم ولا اقدر افتيك وسامحني ماني مصوت بشيء انا اجهله
لكن انصحه اذا خذ افجي يا باللون الاسود او الرصاصي الجديد
صراحه عندي احلى لونين
موفقين
انا سمعت ان مديلات ال2008 و 2009 فيها مشكلة صوت في المكينه وانا سامع هاصوت ويقول راعي السياره انها كذا من الوكاله فيها مشكله ورافضين اصلاحها لانها في كل سيارات الافجي من مديل 2008 و 2009 ويقولن الناس والله العالم انهم حلوها
شاكر لردك
المشاركة الأصلية كتبت بواسطة المنيعي1
والله يا مجنون واحد أردا من الثاني كلهن اشكال غلط وداخليه بايخه وقيمه غالية.
نسبياً الفور تشنر افضل .
لكن قله ياخذ برادو احسن واكشخ وتحس انك راكب جيب أما هذولي مع أحترامي لملاكهن اعتبرهن ألعاب اطفال
يا اخي حرام عليك وبعدين وين الغلاء فيه علمني واحد ما معه الا 100 الف وش تبيه ياخذ لاند مديل 2005 مكروف لين اذن ولا تبيه ياخذ سفاري 2006 ماتدري عنه اي شي ولا تبيه ياخذ نيسان اكستيرا بـ 99 الف وداخليته تقول افيو مع احترامي لملاكه
والبرادو على قولتهم ((كوه ننقلب)) ويكفيك سعره المبالغ فيه صفق ال170 الف وشكله الخارجي ما استسغته نهائياً
انت علمني بس وش تاشر عليه موتر جديد بحدود ال100 الف يكون v6 وجيب اتوقع ماراح تلاقي الا امريكي من الشروكي وطقته ولا اسيح نوع
ترا الحين لمعلوميتك فقط ان الاوريون واصلة لل110الف وهي صغيره والكابرس ltz وصل لل120 الف و الجموس جديده وصلت لل140 الف و السوناتا الكوريه وهي v4 وصلت لل90 الف
انت اشرر لي على جيب بحدود ال100 جديد مكينته v6 وفيه دبل
ولمعلوميتك انا من ملاك الفورنتشر وانا اشد وابصم لك انه يجامل في البر بشكل كبير وا اتوقع ما احد يتصوره وعزمه منه وفيه ويكفيك من وكالته مايحتاج لامساعدات ولا يايات من وكالته شاد عمره
مشكور يا اخوي وجزاك الله خير فتحت لنا دعوه للتناقش في القيمه
رد مع اقتباس
