(((مــا أقـصى مبـلغ تـدفعـه في سـيارة دفـع رباعـي)))

[mo7taj]

السلام عليكم ورحمة الله وبركاته

تحية طيبة للجميع

تختلف احتياجاتنا من شخص لآخر بالنسبة لسيارات الدفع الرباعي

ومعها تختلف الاسعار

ولاحظنا ارتفاع اسعار السيارات في الفترة الاخيرة والمبالغة فيها

لكن ما باليد حيلة

وهذا الموضوع لمعرفة تفكيرنا في حالة الرغبة لأقتناء سيارة دفع رباعي

حيث ان الملاحظ ان بعض الاشخاص يكلف نفسه مبالغ كبيرة في سبيل

اقتناء نوع معين

وبعضهم الآخر مع قدرته المالية لا يرضى بدفع تلك المبالغ الكبيرة

ويكتفي بغيرها من الانواع الاقل سعرا" والتي تؤدي الغرض


وبعضهم صاحب قدرة مالية ولا يرضى بغير المميز ولو كان غالي

...............

وقد قابلت شخص في شركة عبداللطيف جميل ما سأل الاّ عن الدفعة الاولى

والقسط الشهري ولا سأل عن نسبة العمولة او مبلغ العمولة او التأمين

...............

ابدأ بنفسي في التصويت

الاختيار الثاني 100 الف فأكثر

لأني اراه مبلغ مناسب للحصول على سيارة تؤدي الغرض

مع مميزات وجودة معقولة

...............

تحياتي للجميع

اخوكم

ابو اسيل

[ساحووق]

الله يرحم امك ويسكنهاا فسيييح جنااته واحسن الله عزاااااكم

ولاتنساها تكفى من الصدقه

اما بخصووص سوالك من مية الف وووتحت وسلامتك

[ملقاط بن جمر]

حتى مية ألف كثيرة ..

والله ما نقدرعليها ..

سبعين الف وعساها بحملها تثور .. أقساط والله يعين على دفعة اولى ..

طبعا جالس ادور الحين على سيارة بس السوق نار تلضى

[.أبوعبدالرحمن]

أرى انه اذا السيولة متوفرة واحتاج سيارة دفع رباعي راح أبحث عن السيارة المناسبة لي بالياباني دون ما اتعدى 150 الف ماهما كلف الامر واذا ما لقيت الله يخلي السيارات الامريكية

الزبدة أرى اذا السيارة جديدة ما راح اتعدى 150 الف

طبعا اذا سيارتي منتهية لكن اذا سيارتي تمشيني وتقضي الغرض ما راح ادفع ريال واحد ههههههههه

[الجنوبي007]

والله طال عمرك مافكر بالسعر مثل مافكر بالنظافه هذا بخصوص المستعمل اوما الجديد ماتقدر تدور الاسعار محدودة والفرق مايتجاوز العشرين ولا انت بسال عنها دامك دافع اضعاف اضعافها والله انا يوم شفت مواصفات الجكس الجديد نسيت السعر وتوكلت على الله والحمدلله مرتاح

[فهد 333]

والله اكثر شي دفعت 150
ونفسي بالكزس لكن الظاهر مافيه أمل

[صامولي]

70 ألف ريال فقط لا غير ولو في خيار أقل كان اخترته
تدري ليش لأنه في جدة والله لو تأخذ سيارة بخمسمائة ألف ريال وفيها ما فيها من الجودة والله لتهربد مع الحفر والمطبات والخنادق
وأحسن الله عزاك ورحم ميتكم

[العاطل عن الأمل]

بصراحه اكثر من 70 الف ما ادفع ابد

لأن بصراحه بعد كم سنه القي ينزل سعر بس معقول

مهو اشتري بــ150 واخسر 80 او 50 قهرررر

[مستر جمس]

انا اقول اذا انك راعي بران وتطعيس ومطامر وكشتات لات تاخذ اكثر من 70 الف

اما اذا انك اغلب وقتك في المدينه حط 330 الف في جيب لكزس فل كامل وانطرب

[برق السيل]

شكراً على فتح الموضوع
والله يرزقنا ويرزقكم
واصابعك ما هي سوا وياليت الدنيا ترخص مثل اول
كان ياسلام
وانا لو معي مبلغ 70 الف وما فوق كان سويت مشروع يدخل علي بالشهر كم ريال
وخليت سيارتي تمشي لين الله يكرمني

[ابوو زيد]

انا من ناحيتي من 70 الى 100 الف

ودي بسيارات غالي بس ياخي تتحسف والله

الله يخلي لنا المستخدم اشتره واستخدمه سنتين او ثلاث وبعه مع اني ما قد طول معي موتر اكثر من سنه ونص

[قراند ماركيز]

حرام أدفع فيه أكثر من 150

[شلشكو]

سفاري نظيف ربع من التسعينات يأدي الغرض وزياده والا تويوتا ربع (( في حدود الثلاثينيات )) والحمد لله
الجديد بتداري عليه مع الطعس والا المطانيج واذا خرب كمبيوتر وخرابيط زايدة مالها علاج بالمقطعه
الجديد سيارة سيدان تدلع عمرك بها بالمدينه وبس
ودمتم بخير

[ملقاط بن جمر]

سفاري نظيف ربع من التسعينات يأدي الغرض وزياده والا تويوتا ربع (( في حدود الثلاثينيات )) والحمد لله
الجديد بتداري عليه مع الطعس والا المطانيج واذا خرب كمبيوتر وخرابيط زايدة مالها علاج بالمقطعه
الجديد سيارة سيدان تدلع عمرك بها بالمدينه وبس
ودمتم بخير

بعد إذن صاحب الموضوع بنشارك فيه كذا مره للنقاش الأخوي ..

الأخ شلشكو .. وجهة نظرك على العين والراس .. بس صعبة أركب أهلي جيب ربع وأكشت فيهم .. لو أنا الحالي كان سويت مثلك ربع في التسعينات وكده لين ينقطع بطنه ..

بس الواحد ماهوب قادر يتشري لا سيارة بر والا سيارة مدينة .. ودك الواحد يخليها حج وبيع مساويك .. يعني سيارة للبر والمكاشيت وللمدينة والسفر وتكون عائلية .. وتدفع قيمتها مره وحدة ..

أكرر أعتذاري من الأخ صاحب الموضوع ..

[اسير الغضا]

انا اقول مد رجلك على قد لحافك
سبعين الف ويالله يالله تحصل

المشكله وكلائنا جشعين وخدماتهم سئيه