لو صار لك مثل هالموقف وش بتسوي !!!!

[غالي]

السلام عليكم ورحمة الله وبركاته

طبعا هذا واضح تمثيل

لكن افرض انه يصير لك حقيقه ومعك عيالك وماحولك احد

وش بتسوي ؟؟؟؟

[اسير الغضا]

اصلن ماادخل بالاماكن ذي بالعوائل مستحيل العائله احرص اني اكون قريب

اذا صار تسذا ابصدمه او اطخه مع راسه وعلى حسب في سيناروا يبي يصير تهديد وتراي ابطخك والله لايجعله

[ابن عكاش]

اصلاً انا ما امشي اللي بسلاحي معي ومصرحه حمل ومزهبه على خط النار طبعاً بعد التوكل على الله
واللي معه عيله ولا معه سلاح مفرط

[أطلال نجد]

ما يشتغل عندي !

[فهد الميهوبي]

لا احد يطلع للبر وخاااصه اهله معه والا اسلاح وااالم ومعشق بعد والله يكفينا الشررررر

[V I P]

الله يستر علينا وعلى كل مسلم ولكن توقع يصير معك نفس هالموقف

الحذر واجب ولكل موقف تصرف في نفس اللحظة والانسان لابد ان يكون ماخذ إحتياطة

إذا كان قريب منك ومقابل لك فافضل طريقة هي انك تنصاهـ بالسيارة وتصدمه لانه بيرتبك لاشاف السيارة ناصيته

[سرطوقا]

غالي ، مآقلت لنا وش بتسوي انت ولا خايف هآ ؟! هههههههه


طبعا ابسوي نفسي خفت وبعدها طحت على المرتبه مسوي اني مغمى علي < لاحظ معي على المرتبه والمخفه اهو بيجي يبي يوخرني عشان يسرق الموتر وامسك السلاح اللي معه والعن خآ مس خآمسه هههههههههههههه

وشرايك بالله فيني هههههههههه


الله يكفينا شرهم وانا اخوك

شكرا شكرا على الموضوع الممتاز

[العايد999]

مقطع منتشر في اليويتوب تمثيل واستهزاء وسخرية

اللهم احفظا بحفظك واكلأئنا برعايتك

[بريداوي اصليm]

بسم الله والله يوم رمى نزيت
لو أنا بمكانوه كن أنزل وأفرك خشتوه بالأرض
وأخذ الرشاش وأفضيه بظهروه

[ولد وايل..]

الصدق ان الموقف يختلف يعني لو كنت بالحالك ولا شباب فيه مجال للأخذ والعطاء...

لكن بالنسبه لي لو أعترض لي واحد وانا معي أهلي وواضح منه الشر يبي يسرق

شرط إني أحلل قيمه الدعامه بخشته أتوجه له وأصدمه وأتأكد من انه فنقس ...

[عاشق سجة البر]

هرج السعه يزينه لكن لياجالصحيح يتغير العلم

الوقايه خير من العلاج أصلن الي ياخذ العايله للبر ماعنده سالفه

الا اذاكان عدة عوايل والرياجيل كثيره مع أخذ الحذر

[قراند ماركيز]

الله يكفينا الشر

[رفيع المقآم]

والله يالربع اللي رجلينه بالماء مو مثل اللي بالنار
والله لو انه طالع لي اني لانصاه بالموتر
وبعدين البر يبيله سلاح على خط النار والله يكفينا الشر

[غالي]

شاكر مروركم الكريم جميعا والله يبعد عنا كل من فيه شر

وطبعا هالمقطع تمثيل لكن لاتستبعد على ارض الواقع ونسمع ونشوف قصص قطاعين طرق بالشارع في وسط الناس وليس بالبر

غالي ، مآقلت لنا وش بتسوي انت ولا خايف هآ ؟! هههههههه

تبي الجد ابدعس من الخوف وبنزل راسي عاد ياسلمت والا الله يرحمني برحمته

اموت شجاع ومدافع عن حلالي وعرضي لو معي اهل ولا اموت جبان ونكبه موهق اهلي

لكن الخوفه اني ادعس واغرز عندهم وش السوات ارجمهم بالاشرطه مثلا ؟ ههههههههه

الله لايجعلنا بهالمواقف امين

[مطنوخ قطر]

هههههههه الله لايقوله,,,,بس شكلهم ربع ويمثلون المشهد,,,,,,, انا افر الموتر واسحب ابوعكفه من تحت المرتبه ورميه في براحتهههههههه الدجه حتى يصير عبره للضعوف اللي مثله......