يا النشاما ... مطلوب بذور غضا ... الله يرحم والديكم

[مساعد الربيعة]

السلام عليكم ورحمة الله وبركاته

الاخوان المهتمين بموضوع الحياة الفطرية واستزراع النباتات والشجيرات الصحراوية التي افتقدناها وللاسف بسبب الرعي الجائر والاحتطاب سيئ

سألت المختصين عن انواع الشجيرات والحياة الفطرية عندنا في الكويت فقالوا لي اللي عندنا في الكويت ( العرفج منقرض - الرمث دخل في مرحلة الخطر الشديد - الارطى ايضا مهدد جدا جدا - السمر لاااا يوجد - الطلح يعني )
سألتهم عن الغضا قالوا ماهو من نباتات ارضنا بل هي في المناطق اللي جنب حايل و وشمال المملكة و و و و ....

فاخوكم اليوم يطلبكم بذور لهذا النبات او الشجر الا وهو (( الغضا ))

فمن لي بالغضا يا النشاما ؟؟؟

اخوكم مساعد الربيعة

[الريمى]

هلا مساعد الغضى زرعته بالكويت وصار له 4سنوات بس قليل منه اللى يعيش يعنى 10 شجرات يمكن يعيش 3تقريبا لانه يبيله عنايه بس بعد سنه ينبت ومافى مشكله اقدر اوفر لك شوى من البذور بس بعد شهرين يعنى الموسم باخره لانى برا الكويت

[مساعد الربيعة]

السلام عليكم

هلا بك يا الريمي ويا مرحبا والله يجزاك خير على تفاعلك

اذا على الاستنبات فلا تخاف يا الغالي باذن الله اني بزرع البذور في مكان معقم ومخبري وشي على مستوى

لكن وش قصدك بعد شهرين الموسم بآخره ، هل هو آخر موسم الزراعة للغضا ؟؟؟؟

والله يجزاك خير على الرد والتفاعل مره ثانية يا الغالي

وان شاء الله يكون بينا تواصل بخصوص الزراعة وابي اخذ رايك في موضوع ما دامك من اهل الكويت

وعسى الله يعين ويسهل

وبالتوفيق

[مساعد الربيعة]

للرفـــــــــــع

[الريمى]

هلا ومرحبا الوسم من 25-9 الى شهر 12 ميلادى وجربت كل اوقات الزراعه بس الافضل شهر 11 واذا زرعته بعد شهر 12 ماينبت وانشالله نتواصل

[الريمى]

هلا ومرحبا الوسم من 25-9 الى شهر 12 ميلادى وجربت كل اوقات الزراعه بس الافضل شهر 11 واذا زرعته بعد شهر 12 ماينبت وانشالله نتواصل

[الريمى]

هلا ومرحبا الوسم من 25-9 الى شهر 12 ميلادى وجربت كل اوقات الزراعه بس الافضل شهر 11 واذا زرعته بعد شهر 12 ماينبت وانشالله نتواصل

[عاشق ورق]

اخوي مساعد
اظن ان فيه مركز في الجوف يهتم ببذور النبتات الصحراويه
اسأأهل الجوف يفيدونك

[عاشق ورق]

اخوي مساعد
اظن ان فيه مركز في الجوف يهتم ببذور النبتات الصحراويه
اسأأهل الجوف يفيدونك

[مساعد الربيعة]

على خير يا الغالي
وجزاك الله خير على التفاعل والتواصل

[مساعد الربيعة]

جزاك الله خير

يا الريمي

على التفاعل والتواصل

لا خلا ولا عدم

انا مشكلتي مقدر ادز رسايل بسبب مشاركاتي القليله

يا ليت ترسل لي ايميلك اضيفك عندي اذا ما عندك مانع الله يحفظك على الخاص

[مساعد الربيعة]

الله يثيبك يا عاشق ورق على المشاركة والتفاعل

[ملك الغضى]

فرع وزارة الزراعه بعنيزه بالقصيم يوزعون شتلات غضا بالمجان انا جيته و اعطوني 3 شتلات غضا و3 شتلات قرض ومستعد اني امر عليهم واخذ اللي تبي و ارسله لك وان اخوك

[ملك الغضى]

فرع وزارة الزراعه بعنيزه يوزعون شتلات غضا وقرض بالمجان انا مريت عليهم واعطوني 3 شتلات غضا و3شتلات قرض 000 اذا تبي انا مستعد ارسلك اللي تبي راسلني على الخاص و ابشر بسعدك

[ملك الغضى]

نضرا لسوء الاتصال تكررت المشاركه اعتذر عن هاذا الخلل التقنيييي