المشاركة الأصلية كتبت بواسطة راعي الشهامه
اخوي الغريب اول شي حنا يا مربين الحلال ودنا برخص الحلال قبل المستهلكين
بعطيك حسبه بسيطه وابيك انت الحكم . بعدها قل جعله يرتفع سعر الشعير !!
انا عندي 50 راس شاريهن في شهر 6 بسعر 650 للراس
ابي اعطيك حسبه بسيطه . الحساب الرسمي غير الحسابات الجانبيه
الشعير :
نصف كيس يوميا . سعر متوسط لقيمه الكيس نقول 42 ريال
15 كيس في الشهر * 42 * 6 << ست شهور الى الضحيه شهر 12 = 3780 ريال صرفيه الشعير
البرسيم :
3 لبنات يوميا . سعر متوسط لبنة البرسيم 15 ريال
3*15 *30 يوم *6 شهور =8100
الوافي :
نص كيس يوميا . سعر الكيس تقريبا ثابت بـ 35 ريال
15 *35*6شهور =3150
علاجات اقل شي نقول 500 ريال خلال هالست شهور
اجار عامل 500 ريال في الشهر *6 = 3000
موت حلال : مات عندي ولله الحمد والمنه حتى الان خمس روس 650 *5 =3250
المجموع = سعر الحلال 650 *50 =32500+الشعير 3780+البرسيم8100+الوافي3150+العلاجات 500 +اجار العامل 3000 +موت حلال 3250=
54280 تقسم 45 راس =1206 سعر الراس . يعني لو بعت بهالسعر لاربحت ولاخسرت
ملاحظه : تعب وقومت صبح ومصالاة وضربت شمس وربو الله يكفينا الشر . كلها ما انحسبت ... وانت يا المستهلك وانت تحت المكيف تقول وبكل بساطه ليه هالجشع !!
ويالله بداريك وبقول اني ببيعها بسعر حلو كم نقول بــ 1300 ضرب 45 راس =58500 - 54280= 4220 هذا ربحي خلال ست شهور !!
وبعد هالكلام ادع ان الله يرفع سعر الشعير !!