ماهي أفضل ثلاجة سيارة !!!!

[سمناني]

السلام عليكم ورحمة الله وبركاته
انا جربت ثلاجة الطمرة القديمة واعتقد انها الان انقطعت من السوق اللي تشتغل على كهرب وعلى السيارة قبل 9سنوات تقريبا اول مانزلت بالسوق والى الان وهي تشتغل قولوا مشاء الله
مشكلتها الوحيدة فقط ان اسفل الثلاجة لايمكن ان يجمد فيه اللحم اواي شي اخر لازم يرتفع عن الارضيه حقت الثلاجة بمقدار 5سم
وفيه ملاحظة قد لاتكون مشكلة وهي انها لاتحتفظ بالبرودة وقت طويل مثل ثلاجة السنيدي(الثميري)

[السلمان2010]

الله يجزاكم خير جميعا والله انني استفدت من ردودكم ومن كاتب الموضوع

[سرهيد]

من واقع تجربه حوالي سنتين الرمااااااااايه


عمليه جدآآآآ

هلا بك

وش الحجم اللي عندك طال عمرك

تقبل مودتي

[محيسن1]

هلا بك

وش الحجم اللي عندك طال عمرك

تقبل مودتي

ارحب ابوعبدالله
حجم الثلاجه 45 لتر كمبروسر صيني

[ابو صقر 111]

اشكرك اخي فهد الغيهب على النصيحه 00دمت بخير

[سرهيد]

السلام عليكم

اخوي فهد ، ابركها من ساعة واسعد بتقديم المشورة لاي شخص اجد فيها خدمة له ، وترانا ما دفعنا دراهم بس دفعنا وقت ... يعني ما فيه فلووووووووووووس

بخصوص الرماية الاحجام الكبيرة من 60 وطالع يعني 60 و80 لتر يكون حجمها بالارتفاع وليس بالعرض والطول وهذا جعلني ابتعد عنها ...

يعني عميقة جدا .... ولو كان كبرها على العرض والطول اول من يشتريها انا ...

عموما ... يجب التركيز على الثلاجة اللي ما تسحب كهرباء اثناء انطفاء السيارة ... مما يعني انها تعمل اطول ...

تقبلوا احترامي

[fusfus]

الطمره وبس وخل عنك باقي المطاريس

[معدي المرقاب]

من واقع تجربه طويله استخدمة الانجل القديمه 60لتر لاكنها تسحب كهرب وبطيئه بالتليج اما الطمره 40فرار مشاء الله مافيه كلام بس عيبها الوحيد ماتحفظ البروده لاكن بعد ماتعطيها كهرب سريعة الثليج ....الان معى الرماية والله ممتازه مالاحظت عليها اي شي تثليج اقتصاديه بالكهرب وهم شي جودت الفصالات ...

[راعي المستوي]

ابشركم اشتريت الرماية الصينية 45 لتر
وتستهلك 5 امبير بالساعة و 60 وات
شغلتها على -4 لمدة 8 ساعات من 10 مساء الى 6 صباحا ووجدتها تعمل
وشبكتها على كهرباء البيت ووضعهتا على -19 و خلال ساعتين تقريبا وصلت الى -19
وسعرها طلع على 1550 ريال
ومقارنة سعرها بالطمرة 40 لتر فهي ارخص و اقوى عزل حيث انه يأتي معها غطاء عازل قصدير بس عيبه ان لون القماش الخارجي اسود مما اضطريت الى تفصيل تلبيسة تنزاني مع عازل
ويوجد بالطمرة ميزة قد تكون غير مهمة لبعض الناس وهي وجود لمبة بالثلاجة
وحسب كلام بعض الاعضاء انه لا يوجد لدى الطمرة مقاس 45 او 40 لتر

[قمرآآآى]

لله يجزاكم خير جميعا والله انني استفدت من ردودكم ومن كاتب الموضوع

[كويس]

انحش عن ثلاجة الرمايه تعبانه ماتنفع

انا عندي الطمرة 50 لتر ممتازه لها عندي 3 سنوات والحمدلله

فيه ثلاجه ايطالية لونها ابيض عند الرمايه ممتازه البارح شاريها ب 2900 (50 لتر) ممتازه زي تويوتا تكد في البر

وتحياتي للجميع

[راعي المستوي]

انحش عن ثلاجة الرمايه تعبانه ماتنفع


وتحياتي للجميع

ممكن توضح اخوي ليه الرماية تعبانه
تراها ماخذة المركز الثاني في التصويت فوق بعد الطمرة
بود انك توضح الاسباب يمكن فيه اشياء نحن ما نعرفها
وبارك الله فيك

[منتق العراجين]

مشكورين على المعلومات ياجماعه وعزمت اشتري ثلاجة الرمايه لكن لما رحت لرمايه احترت لأن الرمايه انواع من ناحية الكمروسر والماطور فيه صيني وياباني والماني ارجو منكم أفادتي ولكم جزيل الشكر

[kmarrr]

سمعت ان الرمايه نازل عندهم نوع جديد فرار بدل الشاشه الاكترونيه فيه احد جربها يااخوان وهل ي اقتصاديه في كهرباء السياره يعني ماتورطك في البر اذا جيت تشغل السياره في الصباح

[ولاعة]

الله يعطيكم العافية