هاذي يبي له تعب كانه غاليه عليك وكانه عاديه خله تولي ,,
لكن كانك تبيه وملزم عليه أمش على الخطوات وأنشالله تستفيد :
1-لازم السلقه توالف معك ,, شلون تخليه توالف معك !!؟
دقه بالعلف لاتعلفه خله خمس أيام على ماء بس وبعد هالخمس أيام جب له
العلف وأعلفه أنت بنفسك وبيدك وخله ثلاث أيام وأرجع أعلفه أنت بنفسك
زي الطريقه الأولى وخله يومين وأعلفه وبعدين أستمر يوميا أنت اللي تعلفه
( بعض الشباب يبي يقول ليه خمس أيام حرام أقوله لازم لأن السلوقي الجفول
مستحيل يعلف من يدك لا صار شبعان أما بهالطريقه التدريجيه يبي ياخذ الأمان
ويعلف من يدك يوميا ) ,,
وخصص ساعه يوميا على الأقل أجلس لحالك عند هالسلقه تمسح له وتلاعبه
لازم يوميا لمده لا تقل عن الثلاث أسابيع ,,
2- تعليم الركوب والنزول : خل أي واحد من الشباب يعلم السلقه الركوب والنزول
أهم شي ماهو أنت اللي يعلم السلقه لأن مثل ماأحنا عارفين تعليم الركوب والنزول
يحتاج ضرب وأنتبه تضرب السلقه أنت أو تضرب السلقه وأنت موجود لأنك تكون هدمت
كل هاللي بنيته خل أي واحد يعلمه الركوب والنزول ,,
لا تعلمت الركوب والنزول ووالفت السلقه معك أكالوقت السلقه جاهزه للمقناص موالفه
معك ومعلمه على الكوب والنزول ومع هذا أضرب الأحتياط وأربطه بحبل خله يسحب
معه أما تجفل السلقه يكون الحبل موجود وماتتعبك السلقه تمسك الحبل وتركبه معك ,,
فيه نوع من الحبال ناعم وسخيف مايضر السلقه وهي تركض ولا تعثر السلقه بالركض ,,
أتمنى أن أكون أفدتك لو بالقليل ..