تعانى من تلف البخاخات وطرمبة الوقود هذا هو السبب بكل تأكيد

[YUKON_GMC]

جزاك الله خيراً على الافاده

ومثل ماتفضلت ... دائماً اعبي والموتر على الربع او اكثر ولازم اطفي الموتر اثناء التعبئه لأن الرواسب في قاعة التانكي تتحرك بشكل كثيف اثنا صب البنزين في التانكي مما يعرض الطرمبه للعطل على الفور


بالنسبه للصفايه ماهو لازم تغيرها الا كل خمس سنوات ولو كنت ذرب يعني حريف تقدر تفك الصفايه بنفسك وتغسلها بالبنزين مرتين ثلاث وترجها حتى تشوف البنزين يطلع منها صافي وتركبها

[ابونبيل]

انا اغيره كل 80 الف

بس الظاهر اني بغيره الان عقب موضوعك..

[الازرق الجنوبي]

اليوم حصل لي موقف بالكرسيدا تتفتف وربي طفشت كان معاي كاسة كافي ماعرفت اشربها من التقطيع..

مريت اخذت صفاية بنزين وغيرت القديمة يوم فكيت القديمة ملياااااااااااانة رمل وتراب ياوجه

الله يجزاك خير على هالموضوع ذكرتنا بالصفاية

[haertlove2010]

على انه خرجنا عن اصل الموضوع لكن
بنزين اخضر = احتراق اسعر + عدد كيلوات اقل
بنزين احمر = احتراق ابطأ + عدد كيلوات اكثر
بالمختصر المفيد تعبي السيارة بأحمر يجعلك لاتذهب للمحطة بسرعه

[ابا الصلابيخ]

يا اخوان
كان معي كابرس موديل 90
كل 4 شهور اغير الصفاية وصار عندي عطل بطرنمية البانزين
وقال المكنيكي لزوم نفك التانكي

وفكوة والله ياجماعة مالقيت شي با التانكي نظيف با الحييل

وين اللي يقولون الناس توانكي السيارات مليانه تراب

[demax]

كلام سليم ومقنع صراحة

افكر اغيرها لأنها ماغيرتها من يوم شريت الموتر (صني 2004 مستعمل) ومشيت عليه 80 ألف كم

كذلك لا تعبو بنزين من المحطات اللي تقابلو وايت البنزين فيها لأنها توها معبيه والشوائب ما استقرت بقعر

الخزان تبع المحطه

[الصيهد.......]

موضوع مميز
مع كل الشكر والتقدير

[sgl2002]

أوافقك الرأي 100% وعن نفسي من عرفت السيارات اخلي البنزين ينزل تحت الربع وقبل ما يوصل الخط الأحمر اعبي عشان ما تتراكم الاوساخ في التانكي واذكركم بأن المدن الرئبسية مثل الرياض وجدة والدمام تعبي توانكي المحطات بشكل شبه يومي بسبب الكثافة السكانية وكثرة استهلاك البنزين (اعرف محطه كل يوم يجيها وايت البنزين يعبي توانكها ما شاء الله تبارك الله)

وبالنسبة لبنزين 95 فيه سيارات فعلاً يقل استهلاكها بشكل وااااضح اذا عبيتها 91 والعكس اذا عبيتها 95 ومنها الكامري الجديدة ..

لكن في نفس الوقت فيه سيارات اول ما تعبيها بنزين 91 معاد تشتغل وتضرب عليك الطرمبه (كان عندي كرسيدا قراندي اول ما نزل بنزين 91 عبيتها ورحت البيت ويوم جيت اشغلها من بكرة معاد اشتغلت والسبب لان طرمبة البنزين ضربت على طول) !!

تحياتي للجميع ...

اختلف معك تماما

أنا بعيني قرأت كتاب السيارة اللي يجي مع الددسن وكانت ددسن بخاخات
وحاطين تحذير لاتجعل لمبة انتهاء الوقود تضيء لفترة طويلة لانها تسبب في أعطال مضخة الوقود ونظام الحقن <<< أو بمعنى الكلام

[خالد الحلالي]

الله يعطيك العافية

[شمس المغيب]

بيض الله وجهك وماقصرت

[الطبيب]

من وجهة نظر علميه بحته ..

انسداد فلتر البنزين .. سواءاً من الأتربه أو الأوساخ .. أو التعبيه في محطات الطرق السريعه وما أدراك ما محطات الطرق السريعه .. يؤثر سلباً على أداء المحرك .. ويتلف الطرنبه (مضخة الوقود) .. لأنها ستعمل بجهد أكبر لإيصال الوقود للمحرك .. مما يسبب عليها جهد زائد .. وبالتالي ارتفاع حرارتها .. ومن ثم تلفها ..

إطفاء المحرك عند تعبئة الوقود .. لا يؤثر على الفلتر .. ولا الطرنبه .. بل سبب طلب اطفاء المحرك هو .. لتفادي إشعال حريق لا سمح الله بسبب شراره من المحرك .. ويندرج تحت ذلك عدم التدخين .. وعدم استخدام الجوال .. إلخ من تحذيرات السلامه .. لأنه من المعروف أن أبخرة البنزين تنبعث عند التعبئه وهي قابله للاشتعال ..

الفلاتر مهمه جدا .. لابقاء المحرك في أفضل حالاته .. وكذلك البخاخات .. لأن فتحاتها صغيره .. وتتأثر بأي أوساخ .. أيا كانت صغيره .. أو دقيقه .. وكذلك يوجد ترسبات معينه .. تساهم في انسداد تلك الفتحات .. مثل قلة جودة الوقود .. أو خلطه مع مواد أخرى .. وهذا ما يلاحظه الذين سافرو لدول تعاني من شح الموارد النفطيه ..

بالنسبه للفرق بين البنزين الـ91 والـ 95 .. هذا معامل الأوكتان .. أو رقم الأوكتان .. وكلما ارتفع هذا الرقم .. كان عمل المحرك أنعم .. وهو ما يعرفه العاملون في مصافي البترول ومختبراتها .. بمعامل تخفيف الطرق ..

بالنسبه للمحركات ذات الكاربونيتر ..أوما يعرف بالكاربوريتر .. فهي ستبتلع أي وقود وتحرقه .. حتى لو كان متسخاً مع تأثيره على أداء المحرك .. وأيضا فإن المحرك العامل بالمكربن .. (الكاربوريتر) أقل حساسية من المحرك العامل بنظام الحقن (البخاخ) ..

المقصد والاستنتاج من هذا النقاش .. وهو رأيي الشخصي ..

أن تغيير الفلتر بمبلغ زهيد .. أفضل بكثير من إهماله .. حتى تتراكم مشكلة الاتساخ .. وتسبب أموراً أكبر ومزعجه .. كتعطل السياره في وسط خط السفر .. والخسائر اللاحقه لذلك ..

الفلاتر .. بجميع أنواعها .. الوقود .. الزيت .. الهواء .. تحمي المحرك من الكثير من المشاكل .. واسعارها رخيصه جداً ..

هذا والله أعلم .
والسلام ختام

[رحال الجوف]

رد: هنا :- رابطة ملاك و عشاق و محبي ( الشاص )
يارجال عندي مشكلة وهذي مشكلتي مع شرح وبيدة حيلي لاحول الله

الجيب يكتم يعني فجاءه ادعس مايدعس لوتدوس كامل الدعسة اذا اتعدا بثاني عشرين زين
وذا طفية الجيب وشغلتة يرجع ومثل الوردهـ والان لها شهرين تروح وتجي وللعلم يقعد ينتع من غيار لغيار كأنة يطفي
ويشتغل نتع لدرجة خفة القير يتأثر وامبير الظغط قبل لايكتم ينزل قبل الصفر ويظل الجيب ماتقل له صوت لين ماتجية مصيبتة ويكتم ولابد ان اعيد تشغيل الموتر ويرجع طبيعي فتره ويعيد الكرهـ والله شيبتبي هالمشكلة

الي يعرف المشكلة لايقصر وجزاه الله الف خير

الموتر شاص 2011 سعودي

[ابوحمد766]

الله يعطيك العافية

[ذبذبات]

الله يعطيك العافية

[كاشت بالبر]

انا من يوم شريت السياره ما غيرت فلتر البنزين ( 3 او 4 سنوات )

وفلتر الهواء مكروف ومتنتف < غيرته الحمد لله قبل 3 اسابيع تقريبا

ولا اعبي بنزين الا اذا صار البنزين على الاخير أو اذا ولعت لمبة البنزين

لكن اذا فتحت السويتش وجيت اشغل

اسمع ززززززززززززززززز اتوقع طبيعي صوت طرمبة البنزين

والحمد لله تمشي بدون مشاكل

لكني اطفي السيارة اذا جيت اعبي بنزين < مهم جدا .. من يوم اشتريت السياره وانا لازم اطفيها اذا جيت اعبي .. لأن عند التعبئة تتحرك الاوساخ اللي بالتانكي

قريبا ان شاء الله بغير فلتر البنزين وبقولكم اذا حسيت بفرق بعد التغيير


اغلب السيارات الصغيرة الجديده وحتى القديمة شوي

فلتر البنزين ( بالتانكي ) ويركب في طرمبة البنزين


لازم تفك غطاء صغير تحت المرتبة الخلفيه او بالشنطة ( عشان تغير فلتر البنزين )

وسعره غالي شوي فوق الـ 100 ريال

ويحتاج شغل كثير مقارنة بالفلتر العادي




انا ما اعتمد على الزمن ( 3 شهور \ سنة )
اعتمد على المسافة المقطوعة بالسيارة , كل 80 ألف كيلومتر

سيارة عن سيارة تختلف
بعض السيارات كل 80 ألف
بعض السيارات كل 60 ألف

والأفضل تقرأ كتالوج أو كتيب صيانة سيارتك
وتعرف كل متى تغيره


وحاول تعبي بنزين من المحطات الجديده