قصيد في (gx) وارد البازعي

[&هاوي الرملة&]

انا حصلت هاذا الشعر على احدى المنتديات او حبيت احطه لكم

راكب اللي لامشى الخط الطويل *** لومشى يومين ما جاب المــــــــلل
اسمحوا لي باصفه وصف قليـــــل *** عقب وصفي يا عسى دربه سهـل
اقصد GX ما غيره بديـــــــــــل *** لعنبوا من صممه لين اكتمــــــــل
امدحه وان ما مدحت آخر مود يل *** وايش بابمدح موتر غيره اجـــــل
وارد اليابان ماجا له مثيـــــــــــــــل *** اقطم في السوق ما مثله نــــــــزل
كحلي لونه مثل زبده صميـــــــــل *** وارثم خشمه مثل خشم الفحـــــــــــل
لون زيكه لمعة السيف الصقيل *** لمع برق في خيال منهمـــــــــــــــــــل
والعلامة لاسرى مثناه ليــــــــــــل *** في جبينه كنها كوكب زحــــــــــل
والإشارة لونها جمر كليــــــــل *** يتلالا مثل منتوج النحــــــــــــــــــــــل
والخطوط بشاشة صفة فصيل *** تزهر أرقامه مثل ورد النفــــــــــــــــــل
والازره داخل الكشنل الجميل *** دائرية حجمها كبر الهلـــــــــــــــــــــل
ويتهزأ مثل نقاض الجديـــــــــــل *** منوته مثناه خط لنسحــــــــــــــــــــل
ويتنهض لبرمه في القاع ويـــــــل *** وان بغيته يعتلي راس الجبـــــــــــل
كن تشيله عن عزاز الأرض شيل *** فيه من قدام دفرنس الدبــــــــــــل
اسود كنه حصاه من حجيـــــــل *** للنفوذ مصممينة والوحــــــــــــــــــــل
ما ورد مثله مواتر مستحيـــــل *** أن رضي راعي السفا ري وان زعــل
الجيوب أوصافها في الرأس خيل *** من خويه جيب ماجاه زمــــــــــــــــل
افترد البازعي ألهن وكيل *** وعامل اليابان وانصح في العمـــــــل
فوقها اللي لامشى الغد راء دليل *** ويتحمل للشقا مثل الجمـــــــــــــــل
في لزومي عن طريقه ما يميـــل *** ولانخيته ما تمشى بالمهـــــــــــــــل
حوله مع حافة الضلع المهيل *** لين عنه طويق قدام انعـــــــــــــــــــــــزل
باسمح له يا عسى جاله يسيل *** لاسمح له زيد سواقه وصـــــــــــــــــــــل
ولاتساوى مر مرات يعيـــــــــل *** ولاتعدى من وراء البديع عــــــــــــدل
ثم تنهض مابقي لوكان ميل *** داخل الطبلون والخط النحـــــــــــــــــــــل
وشد حيله مابقى في الحال حيل *** لين ضاق الكون جا كبر الدحــــــــــل
والهواء عن رفرفه جاله شخيل *** راسي ومرسيه عرض العجـــــــــل
المراكز ما تعرض له سبيــــل *** خابرينه عن هدفهم مستقـــــــــــــــــــل
ثم تنصى الأصيل ابن الأصيل *** لاوصفته فاصفطه قدم المحــــــــــــــــل
تاجد اللي داخل المجلس ثقيل *** ولاتكلم ما تلفظ بالزلــــــــــــــــــــــــــل
الكرم تلقى أوله بن وهيــل *** والسوالف والحجاج المسفهـــــــــــــــــــــل
والشبب ومعز بك ذباح حيل *** تفعله يمناه لاجاها شلـــــــــــــــــــــــــــــل
قل لبو مــســفــر كساب الجميل *** وايش رأيك ندرج اسمك في السجــــــــــــل
غنوا الشعار ومرير الحبيل *** تيحت الفرصة لرجال يحــــــــــــــــــــــــل
واستلم ما قيل واجني بالحصيل *** واركب المبروك وارجع لي عجــــــل

منقول
وانشالله ينال اعجابكم

[ذيب مجيرة]

هاوي الرملة صح لسانك
اولا القصيد بــ vxr وليست بــ gxr
والقصيدة لمرير الحبيل وليتك كتبت اسم راعيها احقاقا للحق
وفيهم بيت يقول
قل لبو مــســفــر كساب الجميل *** وايش رأيك ندرج اسمك في السجــــــــــــل
والصحيح
قل لبو نيَّان كساب الجميل *** وايش رأيك ندرج اسمك في السجــــــــــــل

واذا انت هاوي gxr

فخذ على الرابط هذا مطلوبك
http://www.mekshat.com/vb/showthread.php?t=20513

وسلمت يالذيب

[**طير شلوى**]

ومن قال سالم ..

يا اخوي انا حاطها قاصد عضو من الاعضاء بس ماعرف منهو قايلها..
وما قصرت على الافادة....

[&هاوي الرملة&]

تسلم اخوي الذيب على الافادة
==================
وماقصرت يابو مسفر **طير شلوى **
وقمت بالواجب....

[al-nashmi]

السلام عليكم ورحمة الله وبركاته

اخونا هاوي الرملة مشكور على المشاركة

القصيدة لمرير الحبيل العتيبي ونا سامعها منه شخصيا


بس انا اول مرة ادري ان زبدة الصميل كحلية ههههههههههههههههههههههااااااا



وتسلم ياهاوي الرملة


النشمي

[عاشق الجبل]

قصيدة جميلة بالرغم من التحريف

ومثل ماقال أخونا النشمي : الزبد ماخبرناه كحلي

والصحيح :


أبيضٍ لونه مثل زبدةٍ صميـــــــــل *** وارثم خشمه مثل خشم الفحـــــــــــل