السلام عليكم ورحمة الله وبركاته
يا اخوان بغيت فزعتكم انا عندي يوكون 2009 4*4
وش افضل كفرات له بحيث انها تكون مريحه في الخط وتتحمل في البر ولا تنشق مع الحصى اجلكم الله
مع العلم ان الكفرات اللي جايه معه وكاله جوديير كندي مقاسها 17/70/265
ولا انتهت دعستها لاكنها رديه ومتقطع اجزاء صغيره من الدعسه وانا خايف منها خصوصا ان مشاويري طويله
حتى قبل اسبوع نسم علي الكفر ونقص بسرعه وانا متجه من بنبان جهت خزام ولا مشيت الا على المزفلت يوم وصلت محطة خزام لقيت اللي شاقه قزازة صغيره!!! اصغر من عقلة الاصبع
هذا غير الاصوات اللي مع اللفات من شريت الموتر الى الان
فياليت تشيرون علي بالنوعيه الزينه واللي تناسب الموتر ماندري وش نختار البرجستون يقولون يتحمل بس قاسي ومتعب
الدنلوب لقيت الشباب يمدحونه في البر ولاكن في الخط محد يجيب له طاري
واللي يقول الهانكوك واللي يقول يوكوهاما لاكن كلهم ما جربوها على الجمس
والمشلان ينشق بسرعه غير ان سعره غالي بالحيل
وهل لازم يكون مقاس الكفرات نفس المقاس الاصلي
والله يوفق اللي يساعدني ويدلني ويرزقه الجنه
رد مع اقتباس
أستغفر الله* أستغفر الله*أستغفر الله