15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
اخباركم ياشباب عساكم طيبين ..
بصراحه دبرت لي مبلغ زين .
وقلت بطلع موتر للبر جديد ..
وابغاه قوي ويتحمل .
وصراحه محتار بين الباترول مو 2010 لانه خايس اقصد 2009
وشاص 2010
وبنزلكم كم صوره للموترين عشان تقارنون
وهذا الباترول .
وهذا الشاص .
وانا ابغا الموتر باب واحد ... لاني عزابي
مكشاتي متواصل
شـــــــــــــــــــــــــــــــــــــاص ولاتشاور
مكشاتي
احسنت اخوي ..
وانا كنت صامل على الشاص..
بس قالولي انه يكسر الظهر .. عشان المراتب *_8
مكشاتي متقدم
الله يوفقك ....... شاص عندي وتراه عال كبدي بالديره ... بر خذ شد حزامك ..
بس تبلش لازم عندك مووتر ثاني ..عليك بالسفاري والله يوفقك .. صلاة استخاره قبل لا تشتري
شتان بينهما
وانا اقولك لا ذا ولا ذا
شف لك لاند من الجدد اصرف لك
لك وللركاب وللسفر والعايله والكشخة
وش لك بالغثى
نصيحة مجرب ربع
ما ادري عن الشاص
ولكن ما يزال صغير وحق تحميل
وانت ما طرحت الخيارين إلا وانت منتب راعي تحميل
شكلك راعي صيد ومكاشت وانصحك تشوف لك موتر رزه 4 بيبان
باترول ولا لاند
وريح وارتاح
مكشاتي متواصل
نصيحتي لك عليك بالباترول والربع بالذات سياره قويه وتوديك اماكن لاالشاص ولا المقفص يجيها وفوق هذا كله رزه وفي الخط راسي ومريح ومكيفه لايعلا عليه وسياره خفيفه بالبلد وعائليه يعني مشعاب وقناه
ولا الشاص للي عنده سياره ثانيه وبل او غنم ينفع لكن لاخط ولا عايله ولا بلدويكسر الظهر
مكشاتي برونزي
رأيي للبترول بدون منازع خفيف نفس ويوديك أماكن مايوصها غيرة وأريح من الشاص بالخطوط ومكيفه خيال وأوفر من الشاص في الأول والأخير من أستخار ما خاب
مكشاتي
الله يعطيكم العافيه ..
والله لايحرمنا منكم .
مكشاتي متواصل
الموضوع يعتمد على قوة تحملك
وعندك بعد تخطيطك للمستقبل
الشاص سياره ممتازه لكن متعبه وماصنعت للاستخدام اليومي داخل الديره اذا تبي ونيت استخدام يومي فـ عليك بـ الجمس او الشفر ام التويوتا الموجوده هنا فـ هي للتحميل او البر ولو كانت تنباع عندنا التويوتا تندرا كان قلت لك انها مناسبه لكن الشاص ماينفع (وجهة نظر)
اما النيسان (ياحبني له) مع اني ضد فكرة نيسان في استخدام حديد خفيف ويتفكك مع السرعه لكن بصراحه سياره مريحه وصغيره وممتازه للبر والسفر والديره خاصة للي يحب يطلع البر بشكل مستعمر وماعنده الا سياره وحده..
ربي ييسر لك الخير والصالح..
موفق..
مكشاتي ذهبي
كلها زينات
إذا أنت راعي قنص وتحميل وعزبة بر ثقيلة عليك بالشاص
أما إذا أنت تحب المركب المريح والقوة والمكاشيت الخفيفة عليك بالسفاري
موفق
مكشاتي متقدم
والله يالغالي من تجربه شخصيه طلعت سلق موديل 99 وجلس معي 5سنوات والصراحه موتر ماعليه كلام ويطربك في البر لكن يشرب بنزين ومايزبن في البر والحمد لله بعته وشريت شاص 2003وتبي الجد الشاص هو الموتر ماتشيل هم بنزين ولا مويه واذا جاك مطر وانت كاشت ارقد في الحوض طبعا مركب شد وياخذ 2لنوم نصيحه خلك على الشاص دامك عزوبي وعلى فكره بعت 2003 بقيمه حلوه وشريت 2009 بريمي وبنفس تجهيزات القديم والي يقولك يكسر الظهر لها حل توانك وكفرات بالون ويضبط نصيحه وانا اخوك ماراح تندم على الشاص وحاول انك تاخذ شاص فيه دف لوك...
مكشاتي متقدم
شف وانا اخوك الباترول الربع قيمبته بـ95 << ومع احترامي لملاكه مهنا عزم وخصوصاً في الجدد نفس الشكل الي انت حاطه وفي الخط ياقف على ال160 لين تمرنه انت وفي النفود عز الله انه بطه وعساه يدف عمره واذا جيت تبيعه مايجيبلك سعر يستاهل مثل التيوتا
و الشاص قيمته حول ال105 << ميزته شيك في البيع عزمه فوق الممتاز في البر + الديره ويوصل مواصبل ماياصلها الا هو و المقفص ومهنا خرابات
وان بغت ترتاح وموتر حليو وحجمه حليو وقوي وبحول القيمه الي معك شفلك فورنتشرv6 عز الله انه موتر ويناطح الاند و الفتك في القوه و الممشى في البر وحلاته وسيع وتقدر تجدع المرتبه الثالثه وموتر بيكد ويمد معك حتى لو بغيت تتزوج لياه يواجه شوي وممشاه فوق الممتاز وصرفيته حلوه وقيمته مابين ال106 لل116 على حسب المواصفات الي تبيها
واذا كنت تبي قير تماتيك وصغير ترا الاف جي اثبت وجوده < سبق لي تجربته مع احد الاخوان وطلع فوق ما كنت اتصوره وخفيف نفس << اهم مافيه انه شيك وقت البيع وطلابه كثااااار من شيبان وشباب
مكشاتي متقدم
الشــــــاص وبـــــــــــــــــــــــس
مكشاتي متقدم
من شاور الناس شاركهم عقولهم
بسراحه انت في دوامه وبعد الاراء بتخش بدوامه اخرى
لكن استخير الله
وشف زملائك وشف الباترول وجربه وكذلك الشاص
لاني اذا بشير عليك بقولك خذ كبسوله
كل واحد ورائيه
والله يوفقك
مكشاتي متواصل
لاشـــــــــــاص ولا باتــــــــــــرول...
مـــــــــايطرب القلب الا الهــــــــــــــــدد...اسم على مسمى..
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس