هديه لعشاق الارنب (((((( صــــــــــــور ))))))

[صفوان]

الاخ/ أسير البر حفظه الله

عندي تساؤل لك بخصوص أرنب الجنوب.. ماذا تعني "بالجنوب"؟

إذا كان جنوب المملكة.. فحنا رحلنا مع شباب في الصيف الماضي شهر رجب وصدنا منهن ولا لقينا (خراج) أما الحجم تراه أكبر شوي.. والدليل الصورة المرفقة..
تحياتي لك ولجميع المشاركين، وخاصةً صاحب المشاركة "رحااااال"



وهذي الكبدة والكلاوي وش زينها.. وانظر وصفات اللحم



أخوكم صفوان
على فكرة ابقوا معنا بانتظار ها الرحلة وعجايبها!

[اسير البر]

بعد اذن مشرفنا الغالي( بو خليفة)

الاخ الغالي/ صفوان حفظك الله ورعاك

اولا : الف شكر على الصور الجميلة وبالعافية

ثانيا :انا من عشاق الارانب

ارانب الجنوب تتميز بالكبر مثل ماذكرت والصورة موضحة الحجم
ومن خبرتي البسيطة اشوف انها ماهي مطاردية يعني ماهي مثل ارانب الحجاز والحرة من تشوف النور يلمسها الجن

ثالثا :بالنسبة الخرجان صيدكم كان موفق لاكن كان فية وقت من الاوقات
كانت الارانب في الجنوب فيها (اخراج) يمكن وقت كانت مصابة بهذا الشي (اخراج)
ولان ولله الحمد سليمة وهذا يسعدنا .

لاكن عندي سوال انت رحت وشفت وشرايك هل هي مطارديه يعني تتمتع بطردتها يعني سبوق يعني جفول؟

هذا وتقبل تحيات اخوك (اسير البر)

[رحال]

مساك الله بالخير اخوي العزيز (( اسير البر )) وحياك الله يالغالي .

اول حاجة اعتذر لـتأخري بالرد عليك

اخوي اسير البر يمكن وكما تفضلت ارانب الرملة تختلف من حيث الحجم واللون عن ارانب الجنوب ولكن انا اخالفك الرأي عندما قلت : (( مع العلم ان ارانب الجنوب ماتسوى يعني فيها (خرجان) )) اخوي اسير البر مقناصنا دائماً في الجنوب وسنوياً نقنص ولكن لم نرى فيها مايريب سليمة ولله الحمد .

وبالنسبة اذا كانت مطاردية او لا :
لاحظ اخوي اسير البر جميع صور الارانب اللي ارفقتها في المنتدى حجمها معقول ولكن الصورة التي ارفقها اخوي صفوان بصراحة وماشاءالله كبيرة الحجم وعليهم بالعافية .

اخوي اسير البر لا تستطيع الحكم على السلق اذا كان قنصكم في الليل لأن ارنب الليل لاتعطيك سرعتها الحقيقية لأنها سوف تصتدم في ( الشمع او أي شي يصادفها في طريقها اثناء الهرب ويتم صيدها وبسهولة ) .

ولكن اثناء النهار سوف تحكم على السلق اذا كان ينفع او لا .
وثق تماماً إن ارنب الجنوب مجنونة ولكن اثناء النهار أما في الليل ماتنفع .

وتقبل تحياتي

[صفوان]

الأخوان أسير البر والمشرف رحااااال حياكم الله وبيّاكم

من حيث التساؤل عن وصفها "بالمطاردية".. لا مريحتنا مرة.. يعني تمشي شوي وتاقف ترتجف!
على فكرة أنا ماني من أهل الطردي وأتنمى أكون مثلكم ويشرفني ذلك
أستخدم السلاح في الصيد إما الشوزن أو الخرازة "حسب الحاجة"

بخصوص الأرانب.. صدناهن بالخرازة في منتصف الليل.. وجدناها شكلها ما طردت من قبل في الليل "يعني غشيمة" ما قد شافت سيارة!!هذا في الليل
أما في النهار فهي أيضاً ما تجفل بسرعة يعني على هونها.. شفناهن أكثر من مرة بعد الفجر بس ما حنا حولها ندور الحجل "آه يا الحجل"، ومرة صوبت على الأرنب في الفجر بدري واخطيتها "بالخرازة طبعاً" ما قدر الله لي نصيب فيها، وخويي بقى يذبحني!
عاد يوم تكرر ظهورها مرات كثيرة في الصباح قررنا زيارة المنطقة بالليل للبحث عنهن!
لين تمكنا من اصطياد ثنتين فقط + ثعلب دعاية معها.. "للعلم الثعلب ما صدناه عبث وانما كان ينافسنا على الأرنب عيني عينك" يعني حنا شفناها وأطلقنا عليها وأخطيناها "والثعلب يدور معانا قدامنا" لا.. بعد يناظر فينا.. عاد قال خويي: تراه شم ريحتها بيلقطها علينا "عاد أنا دورني" أفا قمت وأفتيته بالقتل ولا تراه ما ينقتل إلا للمصلحة إما أذية عليك ولا غيرها وأيضاً مهو من الحيوانات المفترسة اللي يخاف على الانسان منها مثل الأسد والذيب.. وغيرهم، وأقل ما فيه انه يسبح الله فيترك لذلك. طبعاً بعد ما صدنا الأرنب أنا ندمت بعدها وأستغفرت الله.. "فتوى على عجلة ما تصلح" مثل الصيد دون ركادة!


تحياتي لكم

صفوان

[المضحي]

تسلم يارحال على هالهدية .. في انتضار الهدايا المقبله




أخوكم :
المضحي

[رحال]

مساكم الله بالخير يا اخوان :

اخوي العزيز صفوان غريبة تقول مريحتكم مرة لأني نادر اشوف من هذه الارانب اللي تريح لأني والله ما اشوفهن إلا صواريخ (( ارض جو )) وحنا نحب مثل هذه الارانب التي تعطيك الحماس وتشوف مقدرة السلق ولكن اعتقد حسب المنطقة لو كانت المنطقة كثيرة الدوس راح تكون الارنب اكثر حذر ولكن الارض اللي ماتداس إلا قليل راح تكون الارنب مريحة وسهلة للصيد .

وتقبل تحياتي يالغالي


===================================

===================================

اخوي العزيز المضحي حياك الله يالغالي والحمدلله بأن الصور قد اعجبتك وابشر إن شاء الله بالهداية .

وتقبل تحياتي يالغالي

اخوكم بوخليفة

[فـ(الجـوف)ـتى]

تسلم اخوى على الصور والصيد الطيب

ماشاءالله عليكم 0

[رحال]

هلا وغلا اخوي العزيز (( فتى الجوف )) وحياك الله يالغالي

اخوي فتى الجوف لاشكر على واجب ترى ماسوينا شي هذا واجبنا تجاه المنتدى والحمدلله إن الصور قد اعجبتك وانتظر مني الجديد .

وتقبل تحياتي يالغالي

اخوك رحااااااااال / بوخليفـــــــــــه

[الخبير]

السلام عليكم ورحمة الله وبركاته

الله معميني عن الموضوع هذا
لأني أحد الأشخاص إلي يحبون الأرانب.
تسلم و الله يا رحال على موضوع رجع لي ذكريات ما تنسى.

يازين طردته، وياضحك يلحقه ويا كفرات تصلخ معه.

[صقر]

موضوع رائع وصور اروع

مشكور يا مشرفنا رحاااال

بارك الله فيك

[الرصاصه]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
على خبري أنا رحناء للجنوب بس الصيد الارانب صعب
ولكن كانت بكثره مافي أي ملاحضات
ومن الحجم كبير كبير
السلام عليكم ورحمة الله وبركاته

[رحال]

مساكم الله بالخير جميعاً

هلا وغلا مشرفنا الغالي (( الخبير بو عبدالله ))

وعليكم السلام ورحمة الله وبركاته

الموضوع له فترة وتقول توك تشوفه انا عارف وهذا بسبب قلة دخولك ومشاركاتك معنا في الخيمة

انا اشهد يازين طردته وكل شي فيه حلو .

على العموم ماقصرت يالغالي ويعطيك العافية .

وتقبل تحياتي يالغالي
اخوك بوخليفــــــــــه



===============================

===============================

مساك الله بالخير اخوي (( صقر )) وحياك الله يالغالي

انت الرائع وانت الأروع ياصقر وانت وتستاهل الخير كله .

تمنياتي لك بالتوفيق والنجاح
اخوك بوخليفــــــــــــــــــــــــه

===============================

===============================

وعليكم السلام ورحمة الله وبركاته

هلا اخوي الغالي (( رصاصة )) وحياك الله معنا عضو في مكشات
بالنسبة لصيد الارنب فعلاً كما تفضلت صعب وخاصةً في النهار
وهي مازالت بكثرة .

وتقبل تحياتي يالغالي
اخوكم بوخليفة

[عاشق السلق]

والله ونعم بالرحال

والله يعطيك الف الف عافية على الصور الجميلة ونبي اكثر من الصور

[dyap]

الله يعطيك العافيه يا رب

مشكور اخي

[ابونهار]

ما قصرت اخوي رحال الله يعطيك العافيه على الصور