رابطة مُلاك جيوب السوزوكي SUZUKI

[زمزم 100]

بسم الله الرحمن الرحيم

على بركة الله
انشأنا هذه الرابطة بهدف الإستفادة من خبرات و تجارب مستخدمي سيارة الدفع الرباعي

لشركة سوزوكي SUZUKI 4X4

ولكي تكون المرجع الموثوق لمن أراد إستشارة أو إصلاح عطل ما ..... إلخ
كذلك مكان لتجمع عشاق هذا النوع من الجيوب .

أنواعها:

أولا

ساموراي

98 ونازل

ثانياً:

فيتارا

98 ونازل

ثالثاً:

جراند فيتارا ( القديم ) 99 - 2005

رابعاً:

جراند فيتارا ( الجديد ) 2006 و أعلى

خامساٌ :

جراند فيتارا XL 7
( 2007 و أعلى )

جراند فيتارا XL 7
(2006 - 2005 )

سادساً:

جيمني

بديل ساموراي

(99- 2011 )

أرجو من الجميع التفاعل

[اسير الغضا]

اخوي فيه موضوع مخصص لرابطة ملاك السيارات

سيتم ابلاغ المشرف ليتخذ الازم

[mobile2]

كنت سافتتح رابطه لملاك السوزوكي وخاصه الساموراي والجيمني لكن سبقتني

والى الامام

[زمزم 100]

فيك الخير و البركة ..

بس ألاحظ ما فيه أحد مشارك إلا أنا و انت !!

[abab999]

سجلوني معاااااااااااااكم

[زمزم 100]

سجلوني معاااااااااااااكم

مرحباً 1000

وش موترك ؟

[عااااشق-الريم]

السلام عليكم ورحمة الله وبركاته

صراحة سجلت وعلى طووول جيت هنا

رابطة السوزوكي

سجلووووني معااااكم

سيارتي:
جراند فيتارا
2007
V6
اللون رصاصي

وبالتوفيق للجميع

[الباكستاني]

السلام عليكم ورحمه الله وبركاته
ارجو ان تسجلوني معكم في الرابطه
انا مشترك في رابطه الددسن
وعندي سوزوكي وكنت ابحث للمسكين الساموراي على رابطه ابي اضمه فيها
والحمدلله حصلت رابطتكم الكريمه
الموتر سوزوكي ساموراي
الموديل 1997
لون احمر
تحياتي
ابوسلمان

[دبسان]

صراحة الجيمني ممتاز جدا انصح فيه

عملي + خفة في البر

[زمزم 100]

مشكلة يعاني منها اللي يطعس بكثرة ,,

وهي (( طقطقه )) تسمعها إذا شغلت الدبل و لفيت يمين أو يسار !!! ..

و الحل هو تغيير رأس العكس فقط ,, و قد تعاني منه مرة أخرى إذا كثرت من التطعيس .

[زمزم 100]

مرحباٌ بكم في رابطتكم ,,

و اتمنى أن يذكر كل واحد منا العطل اللي عانى منه و صلحه .

[الباكستاني]

هلابكم جميعا
العطل الي صادفني والي يعاني منه اكثر اهل الساموراي
هو الكاربريتر
والمشكله اكثر الورش لاشافوك مقبل عليهم بسوزوكي قالولك ما نصلحه
المهم لفيت ورش كثيره يقولك خل الموتر وتعال استلمه بكره ونفس الحكايه استلم السياره ونفس العطل فيها
يقولون قاعده الكاربريتر خربانه ويدخل بنزين زياده على الكبريتر
مما يسبب دفتفه وتقطيع وتثوير في السياره ودخان اسود كثيف
وقلت بدل وجع الراس ومشاكل مع الورش خلني اطقلي واحد جديد من الوكاله وافك نفسي من واللف والدوران
والحمد لله شريت كا بريتر جديد من الوكاله حق موديل 97 وطلع على كامل مع القاعده واللوازم الثانيه با 2200 ريال وانا ركبته في البيت
وطالع الموتر ولا احلى منه صح انه غالي شوي لاني حصلت جديد في قطع الغيار في الدمام ياباني مو اصلي
با 450 ريال فرق كبير بين الي شريته من الوكاله 2200 ريال وبين الياباني
بس من حبي وعشقي للساموراي فضلت الوكاله
والحمد لله موتري كله شد بلد
وفيه كم شغله يبيلها تضبيط
مثل وزن الكفرات الاما ميه مع الاذرعه
بيرينق الكلتش ان شاء الله نا وي اغيره او اغير كلتش كامل من الوكاله وحصلته با 350 ريال
لان فك القير لتغير البيرنق لابد منه وقلت ما دام انا فاك القير خلني اغير كلتش كامل مره وحده على ان الكلتش
عندي ممتاز وقوي بس قلت قيمه فك القير ما تسوى على بيرنق وقلت اغير كلتس مره وحده
وتحياتي
وان شاء الله اوافيكم با الاخبار ان حصل تطورات
وهذي صوره للدهم
اذكرو الله

=http://www.up-00.com/]

[الهكسان6]

عند خويي جمني 2006 المشكلة ان الدبل مايشبك الخفيف او الثقيل
كل الورش يرفضون حت الكشف علية
المشكلة : عند الضغط على الزر يتحرك الترس كانه بيشبك وتولع لمبة الدبل بعد ثواني تفصل اللمبة والدبل
قبل المشكلة صاحبنا غير كفرات امامي اصغر في المقاس وكانت السياره مو مرتاحة عند تعشيق الدبل تحس ان الكفر الخلفي اسرع دوران قلته ممكن المشكلة من الكفرات .
الرجال غير كفرات طقم هالحين ولا فاد
هل مرت المشكلة على احد او احد عنده خبره عن مشكل الدبل الكهرب يفيدنا لان الرجال ناوي يودية الشركة والله يكون في عونه .

[زمزم 100]

هلا اخوي ( الباكستاني )

القطعة الجديدة ما مثلها دائماً و لو كانت غالية ,, أول شيء ترتاح نفسك , و تنس المشكلة .

بالتوفيق .

[زمزم 100]

عند خويي جمني 2006 المشكلة ان الدبل مايشبك الخفيف او الثقيل
كل الورش يرفضون حت الكشف علية
المشكلة : عند الضغط على الزر يتحرك الترس كانه بيشبك وتولع لمبة الدبل بعد ثواني تفصل اللمبة والدبل
قبل المشكلة صاحبنا غير كفرات امامي اصغر في المقاس وكانت السياره مو مرتاحة عند تعشيق الدبل تحس ان الكفر الخلفي اسرع دوران قلته ممكن المشكلة من الكفرات .
الرجال غير كفرات طقم هالحين ولا فاد
هل مرت المشكلة على احد او احد عنده خبره عن مشكل الدبل الكهرب يفيدنا لان الرجال ناوي يودية الشركة والله يكون في عونه .

هلا بك ,,

مثل ماقلت , أتوقع إن سبب المشكلة من الكفرات ..

بس وش هو اللي تعطل ؟

ممكن حساس الدبل أو الدينمو أو العمود ,, المهندس أبخص .

... نصيحة ... مجرب ..

كان عندي جيب سوزوكي قديم و صلحت الدبل أكثر من مرة , و جربت أكثر من مركز في الصناعية القديمة , و كلهم نصابين سرقوني الله لا يحللهم و لا يبيحهم , يركبون قطع قديمة تمشيك فترة و ترجع لهم ..

المهم ,, رح للوكالة و لا تشاور و لو كان الإصلاح غالي

( تراك بتدفع أكثر في الصناعية )


إذا أنت بالرياض ,, رح لوكالة سوزوكي بامعروف فرع خريص
فيه مهندس سوداني محترم جداً اسمه ( ابو ابراهيم ) مكتبه في استقبال الصيانة ,,

اشرح له الوضع , و اطلب منه يعطيك خصم .

أنا متأكد .. ما راح يقصر معك . ( و انتبه من الصناعية و احذر )

و أرجو توافينا بجديدك .. ربنا معك .