ما أفضل شاحن بطارية سيارة جودة وسعرا ؟

[رواق]

السلام عليكم ومثل ماهو واضح في العنوان حاولت في محرك بحث المنتدى ماطلع لي إلا موضوع عن الكويت.

ياليت اللي يخبر نوعية جيدة وسعرها معقول في الرياض يخبرني باسمها ومكانها وسعرها وسأكون لكم من الشاكرين .

تحياتي للجميع

[اصيل نجد]

هلا باخوي رواق اذا تقصد اسعاف اشتراك للبطاريه خذ صيني لونه اصفر بشرط مايكون معه ماطور هواء علشان تستخدمه عند الحاجه وتبقى الكهرباء متوفره فيه تنفعك وقت الزنقه بس اياني واياك يضحكون عليك زي ماسوو معي بالغرابي الله يسامحهم باعوني واحد ب 450 ريال على اساس انه امريكي والله ماجلس 3 شهور صار مايخزن كهرباء الله يكفيني شر الغش وانا اعرف زميلي معه صيني شاريه من الغرابي لونه اصفر ب 150 ريال ماشي معه زي الحلاوه مشاء الله تحياتي لك

[رواق]

تسلم والله يا أصيل نجد

بس لو تجيب لي اسمه أكون لك من الشاكرين

وما نستغني عن نصايح الاخوان

[اصيل نجد]

هلا اخوي رواق هاذي صوره الشاحن اللى يقولون عنه امريكي 900 امبير :

من الامام

من الخلف

[رواق]

مشكووور اخوي أصيل نجد

[بريدا]

ياليت يفيدونا اصحاب الخبرة واللي سبق اشتروا شاحن

[Mr.Patrol]

هلا اخوي رواق هاذي صوره الشاحن اللى يقولون عنه امريكي 900 امبير :

من الامام

من الخلف

عزيزي (اصيل نجد)

ماشاء الله
الى فى الصوره 900 امبير و قيمة ب 150 ريال
ياليت تدلنى على المحل وجزاك الله خير.

وشكرا للاخ (رواق) على الموضوع

[ادل 7973]

السلام عليكم ورحمت الله وبركاته


انصحك ياخوي انك تاخذلك بطاريه جديده لموترك وتخلي البطاريه الأوله احتياط
وتركبله اسلاك الأشتراك وتطلع وانت مرتاح البال


بس تراي ماجربتها بس شفته مع واحد راعي كشتات

[اسير الغضا]

الغالي رواق هذا جهاز اسمهJump Starter وله شركات كثيره اكتبه بقوقل تدوخ

وشف رابط امازن تخق معهن لو تقلب الى الصبح ماقدرت تشوفهن كلهن
http://www.amazon.com/Jump-N-Carry-J...pd_sim_auto_12

وطريقة التقليب كالتالي يابعدي بالاسهم وانتبه به شريطين الشريط الاول به شواحن ومحولات كهرب خله

به شريط تحته به الشواحن المقصوده اما الشريط اللي فوق اجهزه كثير

[فكوني]

يعطيكم الف عاافيه

[الرحاله ماستر]

الله يعطيكم العافيه اخواني
لكن نبي احد مجرب جهاز ويدلنا عليه وعن مدة التجربه

[ساري بريدة]

ملاحظه.. لاتركن بطارية الشحن مده طويله يجب كل فتره شحنها وتفريغها مره اخرى

[majed_sg]

السلام عليكم ورحمة الله

بحكم عملي فأنا أحتاج هذا الجهاز بشكل يومي .. وأستخدم نوع منذ أكثر من 3 سنوات ..

إسمه: START BOOSTER
قوته .. 2200 أمبير ويشغل السيارة مالايقل عن 30 إلى 40 مرة !!

وصناعته سويسرية .. وكيله العيسائي

والسعر: 1100 ريال

شكل الجهاز:




معلومات الصناعة :







تحياتي لك ,,

[اصيل نجد]

[QUOTE=Mr.Patrol;5416060]

عزيزي (اصيل نجد)

ماشاء الله
الى فى الصوره 900 امبير و قيمة ب 150 ريال
ياليت تدلنى على المحل وجزاك الله خير.

وشكرا للاخ (رواق) على الموضوع

[/QUOTE
i

هلا والله باخوي Mr.Patrol الظاهر انك اطلعت على اول الموضوع واخر الموضوع وماقريت وسطه الله يطول بعمرك انا اقول الامريكي ب 450 ريال ماهو ب150والصيني الاصفر ب150 ريال الله يسلمك وتقدر ترجع للموضوع فوق وتشوف تحياتي لك

[جوالة]

السلام عليكم ورحمة الله

بحكم عملي فأنا أحتاج هذا الجهاز بشكل يومي .. وأستخدم نوع منذ أكثر من 3 سنوات ..

إسمه: START BOOSTER
قوته .. 2200 أمبير ويشغل السيارة مالايقل عن 30 إلى 40 مرة !!

وصناعته سويسرية .. وكيله العيسائي

والسعر: 1100 ريال

شكل الجهاز:




معلومات الصناعة :







تحياتي لك ,,

وين أحصل العيسائي أخوي ؟