ضع هنا جميع الاستفسارات للمبتدئين بالسلق

[مقناص راوه]

قناص رواه
شي عادي وعلمك شي احسن امجربها جيب خيشه او قماش ضع فيها عظمه او لحمه مستويه واربط حبل وارمه وسحبه خلي السلق يشوفها وشوي شوي يجري وراها واعطيه فرصه يمسكها وادا ماجابها لك اسحب الحبل شوي شوي ونشاءالله تنفع معك تقبل مروري

جزاك الله خيرا أخي القناص

[ابو ثآمر]

السلام عليكم اخوان

أنا منتسب جديد لهل المنتدى الراقي

وحاليا اقتنيت جرو عمره شهرين ونص وعلمته على اسمه ويلحقني بس اناديه ولكن لما ارمي له شي مرات يروح عليه يشمه ويرجع ومرات ما يروح هل هذا الامر عادي ولا الجرو فيه شي

تحياتي لكم

توه صغير على التدريب

وبعدين حطها بالك السلوقي فيه غريزة الصيد فطره

لو شاف له صيده يلحقها

والتدريب مطلوب

بس ماهوب بالعمر ذاء

وانصحك بالجربوع وقت التدريب واذاا كبر وكمل عمره 7 شهور ارنب بلدي جبها له يطردها

[مقناص راوه]

السلام عليكم

جروي عمره 3 شهور هل اشده بحبل وله اتركه من امشيه ويايه بدون ربط وش قولكم

[سهم الزود]

السلام عليكم ورحمة الله وبركاته...
شوف اخوي الكريم اذاهو يتبعك او يمشي معك هنا طول الله عمرك لاتربطه. .وما اذا هو فيه اشراد شوي يعني يخاف منك او يهج او يجفل منك اربطه بس اول شي لا تربطه على طول وتمشي به اربطه في دحله او المكان الي هو فيه لمدة 3 او 4 ايام عشان يتعود على الرباط واهم شي اربطه بسلسله لنه راح يعظها ويقطع الرباط اذا هو حبل السلسله اضمن وحط له سبته او حبل على ارقيته مثل السبته عشان مايجرح نفسه بعد الا4 ايام راح يتعود هو في البدايه يبي يصيح ويتل السلسله خله يتل ويصيح مثل مايبي بيركد من حاله بعدها فكه واربط فيه رباط وخله يمشي معك راح يمشي عادي بس كذه بيجلس يتل ويصيح موب ماشي معك اذا ماعودته. .. ونشالله اني ماقصرت معك. .واسف على الاطاله. .

[عمر العصيمي]

يا الربع تحمست اخذلي سلوقي ادربه على الصيد

مع اني ما اعرف بها شي بس منتم مقصرين

ابقروشكم بهالموضوع

[مقناص راوه]

السلام عليكم ورحمة الله وبركاته...
شوف اخوي الكريم اذاهو يتبعك او يمشي معك هنا طول الله عمرك لاتربطه. .وما اذا هو فيه اشراد شوي يعني يخاف منك او يهج او يجفل منك اربطه بس اول شي لا تربطه على طول وتمشي به اربطه في دحله او المكان الي هو فيه لمدة 3 او 4 ايام عشان يتعود على الرباط واهم شي اربطه بسلسله لنه راح يعظها ويقطع الرباط اذا هو حبل السلسله اضمن وحط له سبته او حبل على ارقيته مثل السبته عشان مايجرح نفسه بعد الا4 ايام راح يتعود هو في البدايه يبي يصيح ويتل السلسله خله يتل ويصيح مثل مايبي بيركد من حاله بعدها فكه واربط فيه رباط وخله يمشي معك راح يمشي عادي بس كذه بيجلس يتل ويصيح موب ماشي معك اذا ماعودته. .. ونشالله اني ماقصرت معك. .واسف على الاطاله. .

بارك الله بيك والله انك ماقصرت يالغالي بس بقى عندي سؤال من حيث الدين

اعرف ان الاسلام جوز تربية كلاب الصيد بس قريت بالفتوى انه اللي يمسك الكلب اجلكم الله لازم يغسك سبع مرات احداها بالتراب فهل هذا القول ينطبق على ملامستنا لكلب الصيد السلق

الموضوع مهم فانتظر الاجابة

وجزاكم الله بالخير

[رفيق الأمل]

بارك الله بيك والله انك ماقصرت يالغالي بس بقى عندي سؤال من حيث الدين

اعرف ان الاسلام جوز تربية كلاب الصيد بس قريت بالفتوى انه اللي يمسك الكلب اجلكم الله لازم يغسك سبع مرات احداها بالتراب فهل هذا القول ينطبق على ملامستنا لكلب الصيد السلق

الموضوع مهم فانتظر الاجابة

وجزاكم الله بالخير

نعم اخي الكريم يغتسل سبعة مرات وتكون السابعة بالتراب النظيف

[سهم الزود]

السلام عليكم ورحمة الله وبركاته...
بعد اذن مشرفنا السبع مرات لي الكلب موب السلق السلق نظيف ومرباء ولاهو بنجس الكلب يختلف كله وصاخه ونجاسه حتى نابه سام اذا جرح السلق بنابه يتاثر السلق منه ويمرض لاكن السلق يختلف نابه مهوب سام حتى يوم تتهاوش ويصوب السلق الثاني بناب مايثر فيه وحب اقولك شي ثاني الكلب اصيده الي يمسكها ماتنكل لن انيابه فيها ماده مضره عكس السلق حتى لو يصوبها مافيها شي لن انيابه خليه من الماده الي بناب الكلب ووالسلق اداة صيد. . لونه نجس كان ماحللو الصيد الي يصيده هذا الي اعرفه بتقلون مافيه فرق ولا معرف شي براحتكم يالغالين . . اهم شي مايزعل احد من كلامي وعلى راسي اخوي رفيق الامل كلامك الي قلته بس حبيت ابدي ماعندي من معرفه عن هذا الموضوع واسف ع الاطاله تقبلو مروري بصدر رحم وسعت بال ..

[سعد الرويس]

الغسل 7 مرات للايناء اذا شرب منه الكلب مهب للمس , المس عادي..

[مقناص راوه]

بارك الله فيكم اخوان

ماحد بيزعل من الحق واللي يعرف هذا الحكم يبدي رأيه حتى تتم المعرفة ويستفيد الاخوة لأن الامر مهم ما هو بالسهل

تسلمو اخوان

[فرخ قطا]

في الحديث( اذا ولغ الكلب في إناء أحدكم فليغسله سبع مرات إحداهن بالتراب)

وقالوا المقصود اللعاب أما باقي جسمه فلا يشمله الغسل


هذا الي اعرفه


والله أعلم

[رآعي النيسآن]

السلام عليكم ورحمة الله وبركاته

كيف حالكم يا اخوان ان شاء الله طيبين

انا يا اخوان جديد على الهواية ذي

وجاني جروين هديه

والصراحه انا ما اعرف ادرب السلق


واذا ما عليكم امر ولا كلافه اللي يعرف احد يدرب سلق

يعطيني خبر لا هنتم

وياخذ الجرا ويدربهم

لوجه الله سبحانه وتعالى

ولا ياخذ له واحد هديه

موقعي الرياض

[ابو ثآمر]

السلام عليكم ورحمة الله وبركاته

كيف حالكم يا اخوان ان شاء الله طيبين

انا يا اخوان جديد على الهواية ذي

وجاني جروين هديه

والصراحه انا ما اعرف ادرب السلق


واذا ما عليكم امر ولا كلافه اللي يعرف احد يدرب سلق

يعطيني خبر لا هنتم

وياخذ الجرا ويدربهم

لوجه الله سبحانه وتعالى

ولا ياخذ له واحد هديه

موقعي الرياض

ودك والله تدربهاا على يدك اشواااء من غيرك يدربهااا على يده

[مقناص راوه]

السلام عليكم

عذرا لكثرة الاسئلة بس تحملوني لاني جديد

عبر جروي عمره 3 شهور ولمن ارميه شي يروح عليه بس ما يجيبلي اياه وهو متعلم عليه يعني من اصيحه يجيني ولمن اكله روح لبيتك يروح بس ما بيرضى يجيبلي شي

وش كولكم يا الربع

[رفيق الأمل]

وعليكم السلام
بهذا العمر تعلمه على الطاعه وملازمتك هذه النقطة الاولي اما التدريب فيكون بعد شهرين او ثلاثه شهور