ضع هنا جميع الاستفسارات للمبتدئين بالسلق

[راصد بيئي]

السلام عليكم ورحمة الله

عندي كم(ن) سؤال الله يجزاكم خير

1"صدنا جرو ذكر كيف ادربه(حراسه-موالف-افكه مايهج)

2"عظة الكلب بشكل عام ما اضرارها

3"احسن عمر للتدريب(حراسه اوصيد)

4"ايهما افضل بالحراسه ذكر والا انثى والصيد كذلك

على فكره انا مبتدئ بموضوع السلق فأي استفسار نحضر عندكم

تحياتيــ وبالغــ احتراميــ محبكمــ////




ســيــوف الــدهــنــاء’’’’’’’’’’’

اخوي بشكل عام السلق ماتصلح للحراسه
دور لك كلب بوليسي مثل الجريمن شبرد او الروت وايلر

اما عضت الكلب قد تنقل الأمراض والجراثيم اذا كان الكلب يحملها ولم يطعم
وقدينقل داء الكلب والسعار للإنسان اذا كان مصاب به

والانثى مساوية للذكر بالحراسة بنظري

[malm]

اخوي برق الرحا عندي لك طريقه ان شاء الله تزبط معك
اول مايمسك الجربوع انزل له وازغته لايبلع الجربوع
واذا بلعه خل معك ملح اول مايبلع الجربوع
جب الملح وصله باثمه لين مايرجع(يطرش) تكرمون
وان شاء الله انها تفيد معك
تحياتي لك

[المجهول212]

انا عندى سوأل وانا مبتدي

1-كيف اعرف عمر السلقه (اذا تبغون صوره ترى موجوده )
2-هي تعضني ولاكن مهب قويه شمخه بس وكيف الحل او ليه هي تسوي كذا يمكم مزح بس منب داري (خصوصا لو امسح على راسها)

ارجو الاجابه

[عاشق.السلق]

ابي رايكم في نجمة

[عاشق.السلق]

كيف احطة في موضوع لوحدة انا جديد في المنتدى

[راعي ضويانه]

هل السلق يصيد ضبان

[عواد الشمري2]

هل السلق يصيد ضبان

ايه نعم تصيد السلق على وش ماتدربه هي والطير تهد حتى لو على اوااادم تهد والطير نفس الحكايه

[udubai]

سؤالي : - اسباب الاسهال عند السلق ؟

[رفيق الأمل]

تسلم ياطيب وبخصوص موضوعك تفضل بالرابط المعد من قبل الاخ الفاضل راصد بيئي وارجو الاستفادة منه

http://www.mekshat.com/vb/showthread.php?t=365525

[عاشق.السلق]

س1ٍٍٍٍ{اقدر اشبي السلقة مرة وحدة بس يعني ولادة مرة وحدة؟ س2{كم مدة حملة {متى تولد} س3{اقدر اجربع بالسلقة وهي مشبية {حامل} ومتى اجربع بة عقب التشبية اقدر اول ما تشبي
اسف على الاطلاع ’جديد,

[رفيق الأمل]

هلا بالأخ الفاضل عاشق السلق وبالنسبة لموضوعك فهو مايلي
1 )السلقة تحمل في السنة مرتين وتقدر تشبيها بعد صرفها برغبتها إذا رغبت جراوة منها
2 )مدة حمل السلقة شهرين وعشر ايام يعني يحسب عشر الأيام الاولي من اول تشبيه وبعدها بـ 60 يوم ان شا ءالله
3 ) انصحك من اول التشبيت لا تجربع بها واتركها براحة وعليك بالأكثار من الطعام وتهيء المكان المناسب والراحة لها وبأمكانك ان تجربع بها بعد الولادة بـ 3 أو 4 شهور لكن اولاً عليك بالتدريب الجري ربع ساعة اسبوعياً وهكذا كل من تطول الأيام يطول وقت التدريب لكي تستعيد اللياقة بعد الولادة
وان كان افادتي قليلة فالأخوان مايقصرون يفيدونك بالأكثر والأهم
مع جزيل شكري وتقديري لك

[كيفي سعودي..؟]

السلام عليكم
ابي افادتكم
عندي جرو عمره شهرين2
اقدر ادربه على الجرابيع في ذا العمر
وكيف طريقت التدريب في البدايه
ارجوو الإفاده...

[طيــر شلــوى]

السلام عليكم
ابي افادتكم
عندي جرو عمره شهرين2
اقدر ادربه على الجرابيع في ذا العمر
وكيف طريقت التدريب في البدايه
ارجوو الإفاده...

هلا بك اخوي الغالي ..

لا !!

هذا العمر دربه على اسمه وكلمة تعال

أما تدريب الصيد ..

فإذا كمل الـ 6 شهور فك له جرابيع بالحوش وشجعه إنه يمسكها

وإذا كمل 8 شهور إطلع جربع فيه ويفضل انه يكون معه سلقه مدربه يتعلم منها السنع !

تحياتي لك

[عاشق هواها]

السلام عليكم عندي سؤال لاهل الخبره جاني سلوقي هديه من رجال شرواكم السلوقي طيب بالحيل بس فيه عيب السلوقي يخاف ويصوي اذا كان في العشه ابد مايسكت واذا قلت له عيب يصاوي وينبح.واذا طرد مايمد يدينه ؟

[طيــر شلــوى]

السلام عليكم عندي سؤال لاهل الخبره جاني سلوقي هديه من رجال شرواكم السلوقي طيب بالحيل بس فيه عيب السلوقي يخاف ويصوي اذا كان في العشه ابد مايسكت واذا قلت له عيب يصاوي وينبح.واذا طرد مايمد يدينه ؟

هلا بك يالغالي ..

أكيد أنك دايما أذا سمعته يصوي تروح له وتدخل عشته ..

< وهذا أكبر غلط !!

اذا صوى ونابح لاتجيه ولا تقرب له

.. لإن اذا صوى وجيته ، يحط بباله انه دايما اذا صوى او نابح انك بتجيه

كم يوم ويتعود هذا شي طبيعي

تحياتي لك