15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
يا اخوان انا اشتريت سيارة يوكن 2010 SLE لونها رمادي
الله يعطيني من خيرها ويكفيني شرها وكل من يقرء
وانا رجال راعي خطوط واخاف ان وجة السيارة والانوار تشهب
فانا ودي اركب برقع مناسب للسيارة وغير مشوه لها فما احسن محل لبيعه وكم سعرة ؟؟
والف شكر لكم
مكشاتي متقدم
خذ لفه بالغرابي اكيد بتلقى الي تبيه والله يعطيك من خيره ويكفيك شره ,,
مكشاتي متواصل
مشكورالمشاركة الأصلية كتبت بواسطة ولد الدواسر
لكن انا ابي احد جرب
مكشاتي متواصل
أنا مجرب البرقع على التاهو
ركبته مرتين أو ثلاث وبعدين ما ركبته أبد
شغله فك وتركيب وبعدين يعدمك لك اللحية اللي تحت والبلاستيك اللي فوق الكفرات (بالمشكبيات والمسامير)
وإذا فصلته وسافرت عليه لازم تحشي الفراغ اللي يطلع بين البرقع والرفرف الجانبي(بقطعة إسفنج) لأني سافرت وصار يضرب بالرفرف لحد ما خلى أثر بالبويه
مكشاتي متواصل
بارك الله فيك
هل من تجارب اخرى ؟؟
ومالبديل؟؟
مكشاتي متواصل
اولا الله يعطيك خيرها ويكفيك شرها يارب ويجعلها عون لك على الطاعه
الشي الثاني خذ كلام ثقه انحش من البرقع زي ماتنحاش من اللي فيه انفلونزا خنازير
الشي الثالث انا جربت البرقع ولعب في موتري ولايفي بالغرض ويسبب حراره والمكيف مايبرد انا انصحك بطريقه انا سويتها تقريبا من 3 شهور وارتحت رحت للغرابي وقلت لهم يركبون حمايه للوجهيه ب 300 لأن موتري صغير ركبت حمايه شفافه على الصدام والرفارف ونص الكبوت والمرايتين والعوارض اللي جنبها هديه فوق البيعه
المحل شغله نضيف وتقدر تشوف اي شخص عنده يركب وتنتظر لما يخلص منه وتشوف الشكل النهائي
اسمه الظاهر دار الفنون او الفنون اسأل عنه وبيعلمونك
اتمنى اني افدتك
مكشاتي برونزي
الله يعطيك خيرها ويكفيك شرها وألف مبروك
وأنا أستشفيت من كلامك إنا ماترغب في التغبيره
وأنا اؤيد كلام أخوي عاشق وادي الدواسر في تركيب عازل شفاف للوجه كامل مع المرايات والكبوت كامل أفضل
ولاتنسى القزاز الأمامي ضروري تسويله لأني أرى إنه أهم من وجه الموتر
ونصيحتي لك ركب من الأنواع ذات الجودة الجيدة ولو كان غالي لأنه لك وللزمن ولو كنت أعرف محل متخصص بهالأمور ماقصرت معك ولكن باقي الأخوان فيهم الخير ومايقصرون
مكشاتي متقدم
شف العليان اللي بطريق خريص قبل الجميح على يمين
انا مجرب شغلهم ممتاز ومضمون يركبون لك حماية شفافة
مكشاتي متواصل
مشكورين يا اخوان
بس عيب الحماية الشفاف انة يصير لون السيارة لونيين لون مشهب اللي هو ماعلية حماية ولون يلمع من النظافة اللي علية حماية
والا انا غلطان ؟؟
مكشاتي متواصل
لا بالله انت لون موترك غآمق مايبين فيه زي لون موتري ابيض بس سؤال هل ازين لك تركب برقع يشوه وجه والموتر ولا شي شفاف ولو تغير لونه او تقشر على طول يغيرونه ولو موتري حولي كان صورت لك الوجهيه
مكشاتي متقدم
شف وأنا أخوك..ركب عازل شفاف من زيبارت..حامي للوجهية ولايخرب لون البوية..وعيلة ضمان..ك وللزمن..ورح لم الوكالة يمكن عندهم..لأن عبداللطيف جميل عنده..وزيبارت موب شين..
مكشاتي متواصل
خذ العلم من راعي خطوط سابق
شهبت وجية اللكزس من كثر الخطوط
الحل بسيط وثابت ولا يشوه الموتر ولا يحتاج فك ولا تركيب وسعره فيه وعليه ضمان 5 سنوات
فيه عازل شفاف يتركب على المواتر كامل او جزئي للخطوط
الجزئي عباره عن الوجهيه ونص الكبوت والمرايات والرفارف الامامية والخلفية وحواف القزار الامامي
المحلات الي تركبه كثيره مره (ابعد عن الغرابي شغل اي كلام ) ونوعية تعبانه
عند محلات زي بارت , ومحلات تلميع السيارات المشهورة مثل الليزر وغيرها
وفيه ناس مسويه عليها عروض في موقع مستعمل واسعار خاصه والردود تمدهم بالحيل
اتمى افدتك وصدقني سعره فيه خصوصا موترك جديد راح يحافظ عليه ما راح يشهب ولا راح يرمل خصوصا الشمعات اي تراب بسيط او عج مع سرعه ودع الشمعات
بالتوفيق ويشهد الله ما نصحتك فيه مثل ما احب لنفسي
اخوكم
مكشاتي متواصل
بارك الله فيك
لكن وين زيبارت في الرياض ؟؟
مكشاتي متواصل
للرفع للرفع
مكشاتي متواصل
زي بارت يا طويل العمر في الرياض له عدة فروع الي اعرفهم 2
واحد على طريق خريص جنب مسشفى الحبيب وجنب العليان للسيارت وجنب جرير في حي الريان واضح جدا
الثاني تقاطع طريق الامام (مخرج 9 ) مع طريق الملك عبد العزيز وانت متجه غرب (طبعا امسك الخدمه وبعد اشارة الكوبري تلقاهم )
وفيه غير زيبارت فيه العليان مثلا ومحلات التلميع مثل الليزر
اتمنى لك التوفيق
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس