مع جنون الليل بدون ماجي (الجريش)

[جنون الليل]

السلام عليكم ورحمة الله وبركاته
اليوم حبيت أقدم لكم الجريش بطريقة سهلة ولذيذة وصحية

خاصة أنو من غير الماجي

المقادير ؛؛

8 كاسات جريش ( مدين تقريباً للي يعرفون المد)

كاسين رز مصري أو صن وايت

دجاجة كاملة
بصل
قطع شحم (يفضل تمون من سنام الجمل)

ملح وأعواد القرفة ورشة ملح الليمون وعصير ليمون وكمون مطحون
جبنة فيتا قليلة الدسم
ولبن رائب
قشطة
وممكن ملعقتين جبنة سائلة

ماء قدر الحاجة

نبتدي الطريقة:::

أول شي نغسل الجريش والرز المصري أو الصن وايت وننقعهم
وفيما يتنقعون

00

00
هذا الدجاج؛؛
وشحم السنام والبصل كلهم من الفريزر طبعاً

00

هذا قدر خاص أشتريته من البحرين من زمان

00
نشوح البصل والشحم مع زيت زيتون

00

نحط الدجاجة ونشوحها شوي ونحط أعواد القرفة
وبعدها نصب عليها ماء مغلي ونتركها تغلي نص ساعة

00

نطلع الدجاجة ونخليها تبرد على جنب

00

ونكب الجريش والرز على مرقة الدجاج

00

نشيل العظم والجلد من الدجاجة وننتف اللحم شوي بيدنا
ثم نرجعه للقدر يطبخ مع الجريش عشان يذوب اللحم مع الجريش
ونضيف الملح بس مانكثر عشان باقي ليمون وملح الليمون وجبنة مالحة

نترك الجريش على نار هاااااااااااادية

00

نضع الجبنة الفيتا تقريباً 250جرام ومعها ملعقتين قشطة وملعقتين جبن سائل
ونصب عليهم ماء أو حليب أو لبن اللي تحبون
ونخلطهن زين ونصبها على الجريش ونحرك الجميع
ونتركهم على نار هادية

00

نحط الحديدة تحت القدر ونخلي النار هااااادية

00

00

هذا الكمون نضيفه إذا خلاص إستوى الجريش تقريباً يستغرق 3 ساعات ونصف

00

نرش الكمون ونحرك ونرش ملح الليمون وعصير الليمون حسب المتوفر

00

في هذا الوقت نجهز الكشنة

أنا أستعمل شكلين

النوع الأول::
يكون بصل وفلفل بارد وشوية بهارات وصلصة وطبعا زيت زيتون

والنوع الثاني::
يكون بصل وزيت زيتون وليمون أسود مطحون وشوية كركم فقط
00

00

00

00

00

وهذا الشكل النهائي

أستعملت الكشنة النوع الأول
اللي بالصلصة الحمراء

وممكن نحط قطعة زبدة أو سمن بري أو ودتس

صحة وهنا وعافية

[مطرح الحشو]

وعليكم السلام ورحمة الله
ماشاء الله ماشاء الله ماشاء الله
تبارك الله

الله يجزاك خير على الطبخه الحلوه ياجنون الليل جريش يم يم يم يم دخلت وناااا جوعان جعلهاااا عافيه وبسم الله ماشاء الله
وشكرا

[ياعين ابوي]

وعليكم السلآم ورحمة الله

ماشاء الله .. تبارك الله

تسلم يمنآك جنون الليل .. جريش مسكت بصرآحه

عسى الله يسلم اديآتك .

وعوآفي عليكم .

[الأصيله]

ماشاءالله تبارك الله
الله يعطيك العافيه

[Loard]

شغل طيب الله يعطيك العافية

[ابن حلاسه]

تسلم الايادي

طبخه رووووعه الله يسعدك

دمتي بخير

[الكايف 1]

وعليكم السلام ورحمة الله وبركاته
ماشاء الله تبارك الله
الله لايضرك طبخ ذات نفس طويل ماشاء الله
بارك الله فيك وتسلم اياديك



الله يجعله بالف صحه وعافيه
نظافه وشغل متعوب عليه وتصوير 100%
ننتظر المزيد من الطبخات الشعبيه

[عبدالله دبيس]

ماشاء الله تبارك الله
الف شكر ياخوي على الموضوع

وتسلم يمينك

وتقبل حبي وتقديري

[سند123]

مشكور وبارك الله فيك ... لدي ملاحطة بسيطة ولاتزعل على اخوي الغالي في البداية شغلك روعه بس بعد

وضع الجبنة الفيتا تقريباً 250جرام ومعها ملعقتين قشطة وملعقتين جبن سائل شاهد الصوره الاخير لون

الجريش ابيض كثيررررر اتوقع لو تبعد عنك الجبنة والقشطة والجبن السائل يكون افضل بكثير.. مره اخر اخوي

الغالي جنون الليل لاتزعل على وبارك الله فيك ويعطيك العافية

[الغزال الشارد]

ماشاءالله .ماشاء الله

تسلم يمينك استاذي جنون الليل

وبيض الله وجهك على الترتيب الطيب ابداع

عليك بالهناء وعافية..اخوك ابونايف

[ابورايف]

ماشاء الله تبارك الله
الله يعطيك العافية

[El Ayaam]

اليممممممه .. والله شوقتني للجريش

بالعافيه ياجنون

[أبو هطل]

تسلم الايادي خوش والله

[رعب الصحراء]

ما شاء الله تبارك الله شغل مرتب
الله يهديك بس الله يعين اللي صايم اليوم
بينهبل من الجوع مع هالصور الاكثر من رائعه

سلمت يدينك

[جنون الليل]

أول شيئ حي الله كلٍ بإسمه
وجزاكم الله خير

مشكور وبارك الله فيك ... لدي ملاحطة بسيطة ولاتزعل على اخوي الغالي في البداية شغلك روعه بس بعد


وضع الجبنة الفيتا تقريباً 250جرام ومعها ملعقتين قشطة وملعقتين جبن سائل شاهد الصوره الاخير لون

الجريش ابيض كثيررررر اتوقع لو تبعد عنك الجبنة والقشطة والجبن السائل يكون افضل بكثير.. مره اخر اخوي

الغالي جنون الليل لاتزعل على وبارك الله فيك ويعطيك العافية

هلا بك أخوي سند الله يسلمك البياض موب الحليب ولا القشطة البياض من التصوير أولاً لأنه في مطبخ خارجي وفي السقف أهرامات لكسان والشمس داخلة
و من الرز
للأسف الكثيرون يحبونه أبيض وش تسوي

من ناحيتي ما أحب أضيف رز أبداً




لكن لوتشوف الصورة هنا
نفس الطريقة بس تصوير داخلي








اللون تغير



وأبد ماهنا زعل ولاشي الناس مزاجات وكل له طريقته اللي يفضلها
عندك هنا أنا ما أستخدمت ماجي ولا عمري أستخدمته في طبخي أبد
لكن الغالبية مايقتنع بالطبخة إلا لين يحشرها ماجي
وكلنا عارف أضراره
جزاك الله خير على الحضور وعلى إبداء الرأي