مشكلة في التانكي الباترول فتك

[بدراني511]

سلام عليكم ياخوان عندي التانكي الاحتياطي مايشتغل وفصلة اصابع البطارية يشتغل ويطفي
الموتر باترول فتك 2002ومريت على كم ورشة كلن يقول راي
وابي اهل الخبره دمتم بخيــــــــــــــــــــــــر

[You Like Me]

وعليكم السلام والرحمه
الله يعين وإن شاء الله تلاقي حل مشكلتك
والله يخوك مالي علم لكن برفع موضوعك
وإن شاء الله يفيدونك الاخوان

[خشم الحيد]

السلام عليكم انا عندي نفس المشكله ارجوا من عنده معلومه يفيدنا

[بدراني511]

وين اهل الخبره والمعرفة

[عزٍيزٍ]

وين موقعك ؟

[بدراني511]

وين موقعك ؟

في الرياض اخوي

[mjfrs]

السلام عليكم ورحمة الله وبركاته ،،،،
انا عندي نفس المشكله
أنا من سكان جده
ارجو الافاده لو تكرمت

[بدراني511]

لرفع
يامشرفنا العزيز

[جهام القصيم]

احتمال 70% يكون دينمو (العوامة) الخاصة بسحب البنزين من التانكي الصغير الى الكبير قيمتها تقريباً 150 ريال

[4*4]

اخوي واحد من العيال قريب بالحيل صارت نفس المشكله معه اعلمك وش سوا حبه حبه
غير الطرمبه
غير الفيش حق التانكي الثاني الي بالطبلون
غير الكتاوتات
شيك على الاسلاك كلها
فصل البطاريه ورجعها << اشتغل شوي اقل من عشر ثواني وطفى
وبعد جهد جهيد رراح للجابري وفحصه وطلعت المشكله مايلي <<< منت مصدق

قام بفك طبلون السياره الي فيه العدادات والانبير ووجد ان شريحة الطبلون عند انبير البنزين محترقه ,,بعد ماتفك شريحة العدادات لقا ان فيه زي الخريطه ورا وفيه وصله منها عند الانبير حق البنزين محترقه ,, موتره كان سوبر سفاري طبلون ليزر
راح الوكاله قالو له شريحة الطبلون قيمتها 5000 وزياده وجابها من الامارات ب 1300 او مايقارب هالقيمه امهم ماوصلت 1500
اتوقع ان مشكلتك نفس مشكلته <<< اتوقع اقول والعلم عند الله
بالتوفيق واتمنى اني افدتكم

[ياسر10]

اخوي مشكلتك في الطبلون أنا عندي نفس المشكلة شريحة يفكون الطبلون ويلحمون او ما ادري وش يسون لانهم ما يعلمون ويقولون هذا سر المهنه ويصلحونه حسب معرفتي اثنين سليمان العثيم في القصيم بريدة و ( فلبيني ) في رياض الخبراء قيمة التصليح خمسمئة ريال وفيه واحد بالرياض يدعي انه يصلحه لكن واحد من الشباب راحله ولا سواله شي

[alimuhammed]

اخوي مشكلتك في الطبلون أنا عندي نفس المشكلة شريحة يفكون الطبلون ويلحمون او ما ادري وش يسون لانهم ما يعلمون ويقولون هذا سر المهنه ويصلحونه حسب معرفتي اثنين سليمان العثيم في القصيم بريدة و ( فلبيني ) في رياض الخبراء قيمة التصليح خمسمئة ريال وفيه واحد بالرياض يدعي انه يصلحه لكن واحد من الشباب راحله ولا سواله شي

من يقال له الذي في الرياض

[sfari]

اخوي وفقك الله
انا صاري هل مشكلة ورحت للوكالة في الورش محد فادني كل يقول افحص عند الوكالة ( فحص كمبيوتر )
وتعرف الوكالة يمشون على المشكلة من اولة الى اخرها من التانكي لين الطبلون
غيرو العوامة ومنظم لونة ازرق بالطبلون
التكلفة 2200 ريال عند الجبر هو الوكيل في الشرقية
ونتهت المشكلة

[عزٍيزٍ]

يتضح ان كود ( لمبة ) التانكي الاضافي مولعه SUB TANK و بهذه الحالة لا يمكن تحويل البنزين من التانكي الاضافي الى التانكي الاساسي ...

سابقاً كانت تولع و اذا احتجت البنزين الاضافي او اذا كان عندي مشوار طويل افصل اصبع البطارية و اعيده مره ثانية و تطفي و تجلس فترة طويلة - شهر , شهرين , ثلاثة شهور - ثم تولع اما هالحين ما تجلس ولا ربع ساعة الا وتولع مره ثانية و يستحيل تحويل البنزين من تانكي لاخر ؟؟!!..

شباب اللي عنده الحل ينقذنا الله لا يهينه ,,, او اللي يعرف ورشة سبق ان حلو هالمشكلة - ما احب المغامرة و تجارب العمالة - يدلني عليها ..

والله يجزي الجميع الخير والبركة ...

وما ودي اودي الموتر للوكالة مواعيد وصرف دراهم و كذب واختلاس للمسلمين ...

رد في موضوع سابق

هل خرب زر التانكي الاحتياطي مايحول ؟
هل انبير البنزين سابقا يلعب مره فل و مرة على النص
و مره على الربع
عموما
عندك ورشة التركي تخصص نيسان بالصناعية القديمة
او ورشة العثيم + ورشة يوسف الخضير في بريدة
غالبا يخرب التانكي الاحتياطي بالفتك
و شغله يكلف مع الضمان من 300 الى 500ريال
الخراب بنفس الطبلون خراب ايسي مثل ايسي ارسال الكنود او الايكوم
و قد يكون العطل
قاعدة العوامة منطلقة من محله و تسبب المشكلة
او من الفيش او كتاوت او فيوز
و لازم يتاكدون من الظفيرة
لكن غالب المشكلة من الطبلون
دام ان الانبير يلعب فالمشكلة من الطبلون باذن الله خراب ايسي بنفس بورد او خريطة الطبلون

************

الفتك احيانا مايشتغل و السبب الكتاوت يلذع و يسوي طبقة كربون سوداء تمنع توصيل الكهرب مثل املاح اصبع البطارية
لتفادي المشكلة
ماتشغل الموتر حتى تطفى الطرمبة + تطفى لمبة التشيك بالطبلون
عندنا الكهربائي العثيم ببريدة يصلح الكتاوت على الضمان ب50ريال
الان نزل بالمحلات كتاوت جديد لونه اخضر
على كلام الاعضاء انه حل لمشكلة الكتاوت السابق لونه ارزق

فائدة لو ماشتغل الموتر اضرب الديكور يسار الدركسون و افتح السويتش
راح تسمع صوت اشتغال الطرمبة
كد صارت المشكلة لفتك م2005 + م2006 + م2008
بسبب الكتاوت مرة بالصمان و مرة بالنفود الكبير
ايضا يوجد درج صغير يسار الدركسون افتحه تحصل كتاوت زرقاء
اضرب الكتاوت اللي يمين فوق بمفك
اقنعه بالمفك عدة مرات و افتح السويتش
و راح يشتغل باذن الله

رابط

مشكلة عداد البنزين في الباترول



ادخل هذا الرابط

حل مشكلة تخريف عداد الباترول

مشكلة ايسي بطبلون الفتك


اعانك الله

يمكن تفيدك تجارب الاخوان

[بدراني511]

يمكن تفيدك تجارب الاخوان

مشكور اخوي عزيز على اهتمامك وردك وفيت وكفيت يالنشمي