لعشاق باجيرو هذي اسعار جيب باجيرو والغمارتين 6 سرندل في الاماارات الشقيقه

[vxr99]

فووووووووووووووووووووووووووووووووووووووووووووووووو ووق

[كلاسيكو]

جزاك الله خير

و بارك الله فيك

و رحم الله والديك

كفيتني العنوه وتعب السؤال

الله يكفيك كل شر و يكفيك عذاب القبر و عذاب النار

شاكر لك هالدعوااات الطيبه

[أطلال نجد]

يا مال العافية ..

والحمد لله على السلامة

نفهم يعني أن سعر الفل أوبشن محرك 3.8 بـ 105 ألاف درهم بعد الاستغناء عن الضمان

عز الله أن ربعنا لاعبين لعبتهم ولا أحد لمهم !!!

شكراً لك أخوي كلاسيكو

[vxr99]

الحل بسيط نعمم على الجميع وننشر قدر المستطاع
منها يروح الواحد الامارت الحبيبه يتمشى ويشتري الموتر واذا على الضمان امحق ضمان لا صار شي قالو سوء استخدام وبعدين الامارات قريبه لو لا سمح الله صار شي هذا لو ما كان الضمان دولي
والوكيل خله يكنزها في مواقفه

[أطلال نجد]

يا رجال قابلت واحد معه باجيرو 2008 مأخذه من العيسائي على وقتها كان عليه عرض بـ 135 ألف !!

يقول لو تفوت صيانة الـ 5000 ألاف كيلو ( الصيانة الدورية )

يرووح عليك الضمان !!

تقول هالوكالة يبونها من الله

مع العلم أنه يقولي السيارة صارلها 3 سنوات معه مع تطلب إلا زيت وبنزين ما شاء الله

[d7iman]

لجميع الاخوان انا اليوم بالامارات وهذي اخر الاسعار:
باجيرو اربع ابواب 3800 فل كامل بـ 108 الاف درهم مع المقاصه اضف لها :
3000 ريال فرق عمله ورسوم جمارك في المنفذ حوالي 500 ريال ونقل سطحه بـ1500 ريال

[الموسوي]

ماقصرت اخوي كلاسيكو والله يعطيك العافية

أخوي ودي اسألك بخصوص الونيت تي 200 اذا كان لك خلفية فيه

بصراحه سبق وان حطيته في راسي ولكن تعبت مالقيت جير تماتيك لا عند العيسائي ولا في المعارض مادري هل ورد تماتيك ولا لا لأني بصراحة ما اسوق الا تماتيك ولهذا فكرت في النافارا بس بعض الاخوان ما مدحوه لي وانا مستحيل اشتريه وهو جير عادي

ياليت لو عندك فكره عنه تجاوبني الله لا يهينك

السؤال للجميع الله يعطيكم العافية

[أطلال نجد]

الموسوي

90% طلبك في الكويت

تحياتي

[الموسوي]

أطلال نجد الله يسلمك ويحفظك

فعلاً فكرت أروح الكويت اذا انقطعت بي السبل واذا ما لقيت لكن يقال والله اعلم ان الملا وكيل ميتسوبيشي بالكويت مانزل 2010 ولا 2011 وحتى 2009 الي عنده فيها نواقص في المواصفات بسبب قلة الطلب عليها حاله من حال العيسائي عندنا

وسبق اني سمعت انها في البحرين أرخص وبكامل المواصفات ولذلك سأحاول اني اروح الامارات أو البحرين في أقرب فرصة

جزاك الله خير

[كلاسيكو]

ماقصرت اخوي كلاسيكو والله يعطيك العافية

أخوي ودي اسألك بخصوص الونيت تي 200 اذا كان لك خلفية فيه

بصراحه سبق وان حطيته في راسي ولكن تعبت مالقيت جير تماتيك لا عند العيسائي ولا في المعارض مادري هل ورد تماتيك ولا لا لأني بصراحة ما اسوق الا تماتيك ولهذا فكرت في النافارا بس بعض الاخوان ما مدحوه لي وانا مستحيل اشتريه وهو جير عادي

ياليت لو عندك فكره عنه تجاوبني الله لا يهينك

السؤال للجميع الله يعطيكم العافية

جميع الاخوان اشكرهم على المرور الطيب
اما من ناحية سؤالك اخوي الموسوي من ناحية القير الاتوماتيك

انا الي وقفت عليها بصالة مستوبيشي في عجمان بالامارات غمارتين فل كامل دبل 6 سرندل قير اوتوماتيك
وسعره قرابة 85 ولو تبي تتأكد ارجع للاعلان والرقم الي كتبته بامكانك تعرف سعره بالوقت الحالي لانه قد يتغير بين فتره وفتره حسب العروض الي تطرحها الشركات

الله يوفقك لمرادك

[كلاسيكو]

يا رجال قابلت واحد معه باجيرو 2008 مأخذه من العيسائي على وقتها كان عليه عرض بـ 135 ألف !!

يقول لو تفوت صيانة الـ 5000 ألاف كيلو ( الصيانة الدورية )

يرووح عليك الضمان !!

تقول هالوكالة يبونها من الله

مع العلم أنه يقولي السيارة صارلها 3 سنوات معه مع تطلب إلا زيت وبنزين ما شاء الله

مشكور على المرور الطيب

[خوي الشيوخ1]

بسم الله الرحمن الرحيم

زرت الامارات بشغله وكنت اسمع عن اسعار الباجيرو انه ارخص وبالصدفه الا قدامي احد فروعها قلت نشوف وش الناس عليه قلت نخدم عشاق باجيرو باخر الاسعار

المهم مااطول عليكم
قابلتني يوم دخلت اكا العجوز الي بعض سنونه طايح يبي له شد اسنان اصلي ونا اجلس اتفلسف عليها شويات وهي تجلس ترفض تعطيني الاسعار لانه عرفت اني من برا الامارات وتاخذ كروركي وتحط عليه رقم الشركه قلت اعتبريني من اهل الامارات وبشوف السعر المهم العجوز جت كلها وهي تستدعي موضفه اخرى
وهي تستعرض الاسعار كما هي امامكم ولكم الحكم
باجيرو سعة الماكينه 3500 نص فل بــ92 الف درهم وسعره عندنا بعد ماسوو عليه عرض بــــ 107 الاف اذا مني بغلطان
باجيرو سعة الماكينة 3500 فل كامل بـــ 99 الف درهم وسعره عند ربعنا بعد العرض بــ 115 الف ريال بعد ماكان 124 الف ريال

باجيرو سعة الماكينة 3800 سياحي بــ 102 الف درهم وسعره عندنا ماتحضرني لجل مااضلمهم
باجيرو سعة الماكينة 3800 نص فل 105 الاف درهم وسعره عند ربعنا كان 136 الف ريال
باجيرو فل كامل سعة 3800 بــ110 الاف درهم وسعره عند ربعنا كان 154 الف ريال وبعد العرض اصبح 145 الف ريال

اما سعر الغمارتين 6 سرندل دبل فل كامل موديل 2011 بــ 87 الف درهم وموديل 2010 بــ 84 الف درهم

وبعد مااخذت التسعيره سئلت الموضفه ليه هالعجوز رفضت تعطيني الاسعار وكتفة برقم الشركه الاصل
قالت لانك راح تاخذ السياره برا الامارات راح تتغير الاسعار قلت ليه بترفعون علينا قالت لا بالعكس راح تنزل عنك والمعنى انه بيروح عن الوكاله الضمان يعني كل سعر سياره بينزل فيه من 5 الاف وحول
يعني بتصير مناسبه اكثر

هذا كل ماعندي اقدمه لعشاق باجيروووو
وهذا رقم الشركه الي اخذته من هالعجيز الله يختم له ويختم لنا بصالح الاعمال يمكن ان احد يستفيد منه
065146400
وعليكم مراعاة الفتح الدولي

تقبلووو مرور صديقكم كلاسيكووو

فيه معرض في حي النسيم

يجيب سيارات جيب باجيرو طويل ( مكينة صغية - مكينة كبيرة )من الامارات

سعر الفل مكنية كبيره 2010 ( 110،000 ريال)

[العرهبي]

مشكور اخوي ،،،،،

[الذكرى الحلوه]

اطلع للي معرض العوير في دبي تحصل اقل من السعر هذا بعد
فيه معرض متخصص بالبجيرو
يكلفك واصل مع فرق العمله والمقاصه 107 3.8 فل كامل

[ايقاع المطر]

اخوي كلاسيكو ياليت اذا تقدر ماعليك امر تفيدنا بسعر جيب نيسان او الشيروكي باب واحد جديد لان ودي بجيب وابي اعرف سعرهـ
اذا انت متواجد فالامارات لان احد الاخوان يقول فيه فرق كثير